بەيسەنبى, 14 اقپان 2013 6:57
مۇنايلى اتىراۋعا ۇلىبريتانيانىڭ قازاقستانداعى توتەنشە جانە وكىلەتتى ەلشىسى كەرولين براۋن كەلدى. ءوڭىر باسشىلىعىمەن كەزدەسۋ بارىسىندا كەلەشەكتە وبلىستىڭ ەكونوميكالىق دامۋىنا سەپتىگىن تيگىزەر وڭ قادامدار, ەكى ەل اراسىنداعى بىرلەسكەن مۇناي-گاز جوبالارى تالقىلاندى. ەلشى ەكونوميكاسى قارىشتاي دامۋىمەن الەۋەتى جوعارىلاعان اتىراۋدىڭ پەرسپەكتيكالى جوسپارلارىنا قىزىعۋشىلىق تانىتتى. ويتكەنى, بۇل – ەلشىنىڭ اتىراۋعا العاشقى ساپارى.
بەيسەنبى, 14 اقپان 2013 6:57
مۇنايلى اتىراۋعا ۇلىبريتانيانىڭ قازاقستانداعى توتەنشە جانە وكىلەتتى ەلشىسى كەرولين براۋن كەلدى. ءوڭىر باسشىلىعىمەن كەزدەسۋ بارىسىندا كەلەشەكتە وبلىستىڭ ەكونوميكالىق دامۋىنا سەپتىگىن تيگىزەر وڭ قادامدار, ەكى ەل اراسىنداعى بىرلەسكەن مۇناي-گاز جوبالارى تالقىلاندى. ەلشى ەكونوميكاسى قارىشتاي دامۋىمەن الەۋەتى جوعارىلاعان اتىراۋدىڭ پەرسپەكتيكالى جوسپارلارىنا قىزىعۋشىلىق تانىتتى. ويتكەنى, بۇل – ەلشىنىڭ اتىراۋعا العاشقى ساپارى.
– ۇلىبريتانيا – ەلىمىزدىڭ وزگە ايماقتارىنا قاراعاندا اتىراۋ وبلىسىمەن تىعىز قارىم-قاتىناس ورناتقان, بىرنەشە جوبامىزعا قاتىسىپ كەلە جاتقان مەملەكەت. جىل وتكەن سايىن ارىپتەستىگىمىز دە ارتىپ كەلەدى, –دەپ اتاپ وتكەن وبلىس اكىمى ب. ىزمۇحامبەتوۆ, سونىمەن قاتار, مەملەكەت باسشىسىنىڭ ۇكىمەتكە جۇكتەگەن تاپسىرماسىنا وراي وبلىستا مۇناي-گاز سالاسىن وركەندەتۋگە ەرەكشە نازار اۋدارىلىپ وتىرعانىن جەتكىزدى.
وسى جىلى ەلىمىزدەگى الىپ كەنىشتەردىڭ ءبىرى – قاشاعان العاشقى مۇنايىن بەرەدى. مۇنى الەم كۇتىپ وتىر. ال قازاقستانداعى تۇڭعىش گاز-حيميا كەشەنى اتىراۋ وبلىسىندا سالىنادى. سونداي-اق, يندۋستريالىق-يننوۆاتسيالىق دامۋ كەڭىستىگىن ۇلعايتۋ, ازىق-ت ۇلىك قاۋىپسىزدىگىن قالىپتاستىرۋ جۇمىستارى كوزدەلىپ وتىر. تەك مۇناي سالاسىندا عانا ەمەس, اۋىل شارۋاشىلىعىن دامىتۋعا دا نازار اۋدارىلىپ, بيىل بۇل باعىتتا بىرقاتار جوبالار جۇزەگە اسادى.
بۇگىندە اتىراۋ وڭىرىندە ۇلىبريتانيانىڭ ۇلەسكەرلىگىمەن 81 كاسىپورىن جۇمىس جاسايدى. ال كەدەندىك ستاتيستيكا مالىمەتىنە سۇيەنسەك, بىلتىر اتىراۋ وبلىسى مەن ۇلىبريتانيا اراسىنداعى ساۋدا اينالىمى 593,6 ملن. اقش دوللارىنا جەتكەن. ۇلىبريتانيادان جەتكىزىلگەن يمپورتتىق تاۋارلار كولەمى 212,9 ملن. اقش دوللارىن قۇراعان.
كەزدەسۋدە ءبىلىم بەرۋ سالاسى, اتىراۋلىق جاستاردىڭ ۇلىبريتانيادا ءبىلىم الۋى جونىندە دە كەلەلى اڭگىمە ءوربىدى.
جولداسبەك شوپەعۇل,
«ەگەمەن قازاقستان».
اتىراۋ.