«ءىىم ە.تۇرعىمباەۆقا اتىراۋ وبلىستىق پوليتسيا دەپارتامەنتى باستىعىنىڭ ەرسى ارەكەتىنە قاتىستى قىزمەتتىك تەكسەرۋ ءجۇرگىزۋدى تاپسىردىم. قاتاڭ شارا قولدانىلاتىن بولادى» دەگەن پرەزيدەنتتىڭ ءسوزى پوليتسيا باستىعى ارەكەتىنىڭ شىنىمەن ەرسىلىگىن كورسەتسە كەرەك. ونىڭ ۇستىنە ق.توقاەۆ قازاقستان پرەزيدەنتى رەتىندە وسى ىشكى ىستەر سالاسىنىڭ جۇمىسىنا ءمان بەرىپ, مينيسترلىك باسشىلىعى مەن جەكە قۇرامىنا سىن-ەسكەرتپەلەرى مەن تاپسىرمالارىن بەرگەن ەدى.
اتاپ ايتقاندا, ءساۋىر ايىندا ىشكى ءىستەر مينيسترلىگىنىڭ كەڭەيتىلگەن القا وتىرىسىنا قاتىسقان قازاقستان پرەزيدەنتى پوليتسياعا قويىلاتىن نەگىزگى تالاپ – ءتيىمدى جۇمىس, ال ونىڭ ءتيىمدىلىگىن باعالاۋداعى باستى شارت – حالىق سەنىمى ەكەنىن ايتا كەلە: «تۇرعىندار پوليتسەيلەردىڭ دورەكىلىگى مەن بىلىكسىزدىگىنە بايلانىستى ءجيى شاعىم ايتادى. كەيبىر جاعدايلاردا پوليتسيا قىزمەتكەرلەرىنىڭ وزدەرى زاڭدى بۇزادى, اسىرەسە, جول ەرەجەلەرىن ساقتامايدى», – دەگەن بولاتىن.
مىنە, ەلباسى باستاپ بەرگەن رەفورمالاردىڭ ماڭىزدىلىعى ايتىلىپ, ونى ساپالى جۇرگىزۋ تاپسىرىلعان جيىننان ءبىر اي وتەر-وتپەستە اتىراۋ وبلىستىق پوليتسيا دەپارتامەنتىنىڭ باسشىسى كوپشىلىك الدىندا, سالتاناتتى جاعدايدا «اتقا ءمىنىپ» شىعا كەلدى.
ەندى ا.دۇيسەمباەۆتىڭ ارەكەتىنىڭ زاڭدى-زاڭسىزدىعىن, ەڭ باستىسى, قاي جەردەن ءسۇرىنگەندىگىن ارنايى كوميسسيا انىقتاي جاتار. مينيسترلىكتىڭ ءباسپاسوز قىزمەتى تاراتقان حابارلامادان اتىراۋعا ارنايى وكىلدىڭ اتتانعانى بەلگىلى بولدى. وندا: «اتىراۋ وبلىستىق پوليتسيا دەپارتامەنتىنىڭ باسشىسى ايان دۇيسەمباەۆقا قاتىستى الەۋمەتتىك جەلىدە جاريالانعان بەينەماتەريال بويىنشا ىشكى ىستەر مينيسترلىگى وقيعا ورنىنا وكىل اتتاندىرىپ, قىزمەتتىك تەكسەرىستى قولعا الدى. قىزمەتتىك تەكسەرىس ءناتيجەسى بويىنشا زاڭدا بەلگىلەنگەن ءتارتىپ نەگىزىندە شەشىم قابىلدانادى» دەلىنگەن.
ارينە, حالقىمىزدا قۇرمەتتى ادامىن اتقا مىنگىزۋ ءداستۇرى بارىن جوققا شىعارا المايمىز. بىراق مينيسترلىك وكىلى گەنەرالدىڭ قاتىسۋىمەن بولعان شارانىڭ پوليتسيا ادەبىنە سايكەس كەلۋىنەن باستاپ تۇلپاردىڭ سىيلىق رەتىندەگى باعاسىنا دەيىن كوڭىل اۋدارارى انىق. ويتكەنى سول الەۋمەتتىك جەلىدە پوليتسيا گەنەرالىنا تۋعان اۋىلىنا بارعانداعى كورسەتىلگەن قۇرمەت دەگەن جازبا قالدىرىلعان.
بىراق بۇل شارا وڭىردە اتتى پوليتسيا قىزمەتىنىڭ اشىلۋ سالتاناتى بولۋى دا ءمۇمكىن. ويتكەنى ات تىزگىنىن جەتەلەپ اكەلگەن جىگىتتىڭ كيىمى پوليتسيانىڭ كادۋىلگى فورمالارىنىڭ بىرىنە ۇقسايدى.
جالپى, اتىراۋ پوليتسياسىنىڭ باستىعى ا.دۇيسەمباەۆتىڭ قوعام تالقىسىنا قالىپ وتىرعانى ءبىرىنشى رەت ەمەس. بىلتىرعى تامىز ايىندا ونىڭ شەتەلدەردىڭ بىرىندەگى كازينودا ءباس تىگىپ جۇرگەندەگى كورىنگەن بەينەجازبالار تارالىپ, پوليتسيا باستىعى كەيىن ءوز ارەكەتىنىڭ زاڭعا قايشى بولماعانىن جانە قۇمار ويىنعا قاتىسى جوعىن ايتىپ اقتالعان. ال بۇل جولى قانداي ءۋاج ايتارى بەلگىسىز.
الەۋمەتتىك جەلىنىڭ كەڭ تارالىپ, قولجەتىمدى بولا تۇسكەنى قۇقىق قورعاۋ سالاسىنىڭ دا كولەڭكەلى بىلىقتارىن اشا تۇسكەنى راس. ايتالىق, وتكەن جىلدىڭ سوڭىندا قاراعاندى پوليتسيا اكادەمياسىنىڭ باسشى لاۋازىمىنداعى وكىلى تەلەديداردان كورگەنىن ىستەپ, قىلمىسكەردىڭ كەيپىن سومدايمىن دەپ قىزمەتىنەن قۋىلدى.
ءبىر عانا youtube.com ارناسىن اشىپ قالساڭىز, قىزمەتتىك فورما كيگەن تۇلعالاردىڭ باسقا دا بىلىقتارىنا قارىق بولاسىز. سويتە تۇرا, بەينەكامەراسى قۋاتتى سمارتفوندار, قولجەتىمدى الەۋمەتتىك جەلى بيلەگەن داۋىردە انت بەرگەن قىزمەتكەرلەردىڭ ەرسى قىلىقتارىنىڭ ازايماۋىنا نە سەبەپ؟