شتاب باسشىسى ءالي بەكتاەۆتىڭ ايتۋىنشا, پارتيا سايلاۋالدى ۇگىت-ناسيحات جۇمىستارىن دايىن. بۇعان دەيىن ارنايى سەمينار-ترەنينگتەر ۇيىمداستىرلىپ, شتاب ماماندارى ۇگىت-ناسيحات جۇرگىزۋدىڭ ەرەجەلەرىمەن تانىسىپ شىقتى. ال زاڭگەرلەر پارتيا مۇشەلەرىنە «سايلاۋ تۋرالى» زاڭنىڭ باپتارىن ءتۇسىندىردى. ۇگىت-ناسيحات جۇمىستارىنا قاجەتتى پلاكاتتار, ءۇن-پاراقتار مەن پارتيانىڭ باعدارلاماسى باسىلدى. «بۇگىننەن باستاپ «اۋىل» حالىقتىق-دەموكراتيالىق پاتريوتتىق پارتياسى ۇسىنعان كانديدات تولەۋتاي ساتاي ۇلى راقىمبەكوۆتىڭ شتابى جۇمىس ىستەي باستادى. رەسپۋبليكالىق قوعامدىق شتابتان بولەك, 17 وڭىردە 17 وڭىرلىك شتاب قۇرىلعان. ءاربىر قالا مەن اۋداندا ءبىزدىڭ وكىلدەرىمىز جۇمىس جاسايتىن بولادى»,- دەدى ءا.بەكتاەۆ ارنايى ءباسپاسوز ءماسليحاتىندا. ونىڭ سوزىنە قاراعاندا, ەلىمىزدىڭ بارلىق ايماقتارىندا پارتيا ءۇشىن داۋىس بەرۋگە ۇگىتتەيتىن توپتار جۇمىس جاسايدى. قازىر ولارعا كەرەكتى ناسيحات پاراقشالارى مەن سايلاۋالدى باعدارلاماسى بار كىتاپشالار جىبەرىلىپ جاتىر. «بۇگىنگى تاڭدا «اۋىل پارتياسى» سايلاۋالدى ناسيحات جۇمىستارىنا دايىن. بارلىق شارالار زاڭ اياسىندا جۇرگىزىلەتىن بولادى. ۇگىت-ناسيحات كەزىندە ايماقتارعا ءىس-ساپارلار, جۇمىسشى ۇجىمدارمەن كەزدەسۋلەر, فلەشموبتار مەن ءتۇرلى اكتسيالار وتكىزۋ جوسپارلانعان», - دەپ اتاپ كورسەتتى ءا.بەكتاەۆ.