بەيسەنبى, 30 مامىر 2013 2:29
وڭتۇستىكتە مىنانداي ءبىر ءازىل ءسوز بار. «شىمكەنتتە زاڭدى بۇزۋعا بولمايدى, تەك اينالىپ وتۋگە بولادى». سول زاڭدى اينالىپ ءوتۋدىڭ «وزىق ۇلگىسىن» سوڭعى جىلدارى پوليتسيا كورسەتىپ جۇرگەن سياقتى. سونىڭ ءبىرى رەتىندە پوليتسيانىڭ وڭتۇستىك قازاقستان وبلىسىندا جۇيكە اۋرۋلارى ديسپانسەرىندە تىركەۋدە تۇراتىن 19 ادامعا قارۋ الىپ جۇرۋگە رۇقسات بەرىپ جىبەرگەنىن ايتۋعا بولادى.
بەيسەنبى, 30 مامىر 2013 2:29
وڭتۇستىكتە مىنانداي ءبىر ءازىل ءسوز بار. «شىمكەنتتە زاڭدى بۇزۋعا بولمايدى, تەك اينالىپ وتۋگە بولادى». سول زاڭدى اينالىپ ءوتۋدىڭ «وزىق ۇلگىسىن» سوڭعى جىلدارى پوليتسيا كورسەتىپ جۇرگەن سياقتى. سونىڭ ءبىرى رەتىندە پوليتسيانىڭ وڭتۇستىك قازاقستان وبلىسىندا جۇيكە اۋرۋلارى ديسپانسەرىندە تىركەۋدە تۇراتىن 19 ادامعا قارۋ الىپ جۇرۋگە رۇقسات بەرىپ جىبەرگەنىن ايتۋعا بولادى.
وسى جاعداي تۋرالى قۇقىق قورعاۋ جانە قىلمىسپەن كۇرەس, زاڭدىلىقپەن قامتاماسىز ەتۋ جونىندەگى ۇيلەستىرۋ كەڭەسىنىڭ جينالىسىندا ەلىمىزدىڭ باس پروكۋرورى اسحات داۋىلباەۆ ايتتى. «بۇل دەگەن پوليتسيانىڭ ءوز قىزمەتىنە سالعىرت قاراۋى ەمەس پە؟ بۇعان قالاي جول بەرىلگەن؟ نەگە باقىلاۋ جوق؟» دەدى باس پروكۋرور. ايتەۋىر قر ءىىم اكىمشىلىكتىك پوليتسيا كوميتەتىنىڭ توراعاسى يگور لەپەح اتالمىش ماسەلە جونىندە قىزمەتتىك تەكسەرۋ جۇرگىزىلگەنىن, وسى فاكت بويىنشا كىنالى قىزمەتكەرلەر جازاعا تارتىلىپ, جۇمىستارىنان بوساتىلعانىن ايتىپ قۇتىلدى.مەيلى, كىنالىلەر جازالاندى. بىراق, جۇيكە اۋرۋلارى ديسپانسەرىندە تىركەۋدە تۇرعان ادامدارعا رۇقسات قاعاز جايدان-جاي بەرىلگەن جوق قوي. ول تىرلىكتىڭ استارىندا كوز قىستى, بارماق باستىنىڭ جاتقانى انىق. سوندىقتان جازىقتىلار قىزمەتىنەن كەتتى دەگەن ءسوز ەندى مۇنداي وقيعا قايتالانبايدى دەگەن ءسوز ەمەس. باس پروكۋرور ايتقانداي بۇل سالاعا قاتاڭ باقىلاۋ كەرەك.ورالحان ءداۋىت,«ەگەمەن قازاقستان».وڭتۇستىك قازاقستان وبلىسى.