«باستى ماقساتىمىز – ساياسي ناۋقاننىڭ زاڭ تالاپتارىنا ساي ءوتۋىن قامتاماسىز ەتۋ. 11 مامىردان باستالاتىن سايلاۋالدى ۇگىت-ناسيحات جۇمىستارىنا بەلسەنە كىرىسەتىن بولامىز. كانديداتتى قولداۋعا 10 مىڭنان استام قول جينالىپ, 26 ساۋىردە اياقتالعانىن ايتا كەتكىم كەلەدى» دەيدى رەسپۋبليكالىق ساياسي ۇيىمنان پرەزيدەنتتىككە ۇمىتكەر قاسىم-جومارت توقاەۆتى قولداۋ جونىندەگى قوعامدىق شتابتىڭ جەتەكشىسى ۆلاديمير بۋبەنكو.
ونىڭ ايتۋىنشا, "Nur Otan" پارتياسى قالالىق, اۋداندىق فيليالدارىنىڭ سەنىمدى وكىلدەرى قاجەتتى ازىرلىكتەردەن وتكەن. شتابتىڭ قۇرامىنا وبلىستىڭ قۇرمەتتى ازاماتى قۇدايبەرگەن قاليەۆ, «زەنچەنكو جانە ك» كومانديتتىك سەرىكتەستىگىنىڭ باس ديرەكتورى, وبلىستىق ءماسليحاتتىڭ دەپۋتاتى گەننادي زەنچەنكو, پارتيا ارداگەرى يۆان چيركالين, كاسىپقوي بوكستان الەم چەمپيونى جانات جاقيانوۆ سەكىلدى تانىمال تۇلعالار تارتىلعان. بارلىعى 200-دەن استام بەلسەندى جۇمىلدىرىلعان. ءساۋىردىڭ 15 مەن ماۋسىمنىڭ 7 ارالىعىن قامتيتىن كەشەندى جۇمىس كەستەسى ءتۇزىلىپ, ەڭبەك ۇجىمدارىمەن كەزدەسۋلەر, ءتۇرلى اكتسيالار مەن فورۋمدار وتكىزۋ بەلگىلەنگەن. 1300-دەن استام نۇروتاندىق سايلاۋالدى ۇگىت-ناسيحات جۇرگىزۋ شارالارىنا ارالاسىپ, بارلىق سايلاۋ ۋچاسكەسىنە باراتىن بولادى.
بۇگىندە وبلىستا 600-دەن اسا سايلاۋ ۋچاسكەسى قۇرىلعان.
ء وڭىر جۇرتشىلىعىنا الداعى سايلاۋ بارىسىن قوعامدىق قاداعالاۋعا نەگىزدەلگەن «امانات» ازاماتتىق تۇعىرناماسى دا تانىستىرىلدى. ارنايى توپ مۇشەلەرى ەڭبەك ۇجىمدارىندا كەزدەسۋلەر وتكىزىپ, قۇقىق, ادىلدىك پەن اشىقتىقتى قامتاماسىز ەتۋ, ىنتىماقتاستىق جانە دايىندىق شارالارىن ورتاعا سالدى.
«امانات» - قازاقستاندىقتاردىڭ تاۋەلسىز ەرىكتى بىرلەستىگى سانالادى. سايلاۋدىڭ نەگىزگى بەس باعىتى بويىنشا مونيتورينگ جۇرگىزىلەدى. باسەكەلەستىكتىڭ تەڭ بولۋى, ەشكىمگە ارتىقشىلىق بەرىلمەۋى, اقپاراتتاردىڭ, سايلاۋ ۋچاسكەلەرىنىڭ قولجەتىمدىلىگى باستى نازارعا الىنادى» دەيدى «قىزىلجار» ءبىلىم ورتالىعىنىڭ جەتەكشىسى جانات مۇحامەدجانوۆ.