ايتۋلى دوداعا ەلىمىزدىڭ تۇكپىر-تۇكپىرىنەن 50-گە جۋىق جۇپ قاتىستى. جەرلەستەرىمىز دۋو فريستايل توبىندا ونەر كورسەتىپ, اسا تارتىستى وتكەن سايىستا توپ جاردى.
«بىلتىر الماتى قالاسىندا ۇيىمداستىرىلعان حالىقارالىق بايقاۋدا كۇمىس مەدال يەلەنگەن بولاتىنبىز. بۇل جولى باعىمىز جانىپ, جارىستىڭ ەڭ بيىك تۇعىرىنا كوتەرىلدىك. كۇندەلىكتى تاباندى جاتتىعۋدىڭ ارقاسىندا قارسىلاستارىمىزدان وق بويى وزىپ شىقتىق», دەيدى «ارمان» الەۋمەتتىك قىزمەت كورسەتۋ ورتالىعىنىڭ تاربيەلەنۋشىسى ساندۋعاش مولداعاليەۆا.
«دومينانتا» سپورتتىق بال ءبيى ستۋدياسىنىڭ جەتەكشىسى ۆلاديسلاۆ ولەنچۋكتىڭ ايتۋىنشا, بايقاۋعا دەيىن 1,5 اي بويى تىنىمسىز جاتتىعۋ جۇرگىزىلىپ, ماڭداي تەر اقتالعان. وبلىس نامىسىن قورعاعان جۇپ مۇمكىندىكتەرىنىڭ شەكتەۋلىگىنە قاراماستا قاجىرلى ەڭبەكتەرىنىڭ ارقاسىندا تالاي بيىك بەلەستەردى باعىندىرىپ كەلەدى.
ەندى ماۋسىم ايىندا اتىراۋ قالاسىندا وتەتىن ءدۇبىرلى دوداعا قاتىسادى.
سولتۇستىك قازاقستان وبلىسى