سارسەنبى, 22 مامىر 2013 1:11
ءبارىمىز دە بالا كەزىمىزدەن ەستىپ وسكەن ەرتەگىدەگى «ماڭعىت, اۋزىڭا ساڭعىت» دەگەن جاۋاپ ءسوزدى جاقسى بىلەتىن شىعارمىز. مۇنىڭ ىشىندە «ماڭعىت» بولىپ تۇرعان تۇلكى دە, وعان الدانىپ قالاتىن قارعانىڭ «ساڭعىتتىڭ» كەيپىنە تۇسەتىنى دە ايان بولار.
مىنە, تاپ وسىنداي «ماڭعىتتار» مەن «ساڭعىتتار» ويىنى جاقىندا اقتوبە قالاسىندا بولىپ ءوتىپتى. دالىرەگى, وسى قالادا تۇراتىن ءبىر الاياق ايەل وتىرىك سوزگە سەنگىش جەرلەستەرىنىڭ ءبىر توبىنا ارزان باعاعا شەتەلدىك اۆتوكولىكتەر مەن ەليتالى پاتەرلەر اپەرۋگە ۋادە بەرىپ, اقشالارىن سىقپىرتىپ الىپ كەتكەن عوي.
سارسەنبى, 22 مامىر 2013 1:11
ءبارىمىز دە بالا كەزىمىزدەن ەستىپ وسكەن ەرتەگىدەگى «ماڭعىت, اۋزىڭا ساڭعىت» دەگەن جاۋاپ ءسوزدى جاقسى بىلەتىن شىعارمىز. مۇنىڭ ىشىندە «ماڭعىت» بولىپ تۇرعان تۇلكى دە, وعان الدانىپ قالاتىن قارعانىڭ «ساڭعىتتىڭ» كەيپىنە تۇسەتىنى دە ايان بولار.
مىنە, تاپ وسىنداي «ماڭعىتتار» مەن «ساڭعىتتار» ويىنى جاقىندا اقتوبە قالاسىندا بولىپ ءوتىپتى. دالىرەگى, وسى قالادا تۇراتىن ءبىر الاياق ايەل وتىرىك سوزگە سەنگىش جەرلەستەرىنىڭ ءبىر توبىنا ارزان باعاعا شەتەلدىك اۆتوكولىكتەر مەن ەليتالى پاتەرلەر اپەرۋگە ۋادە بەرىپ, اقشالارىن سىقپىرتىپ الىپ كەتكەن عوي.
اشىقاۋىزداردى سەندىرۋ ءۇشىن بۇل ايەلگە بانكتەردە تانىستارىنىڭ كوپ ەكەنىن ايتۋدىڭ ءوزى جەتىپ جاتقان. سوعان يمانداي سەنگەن قالا تۇرعىندارى اقشالارىن بەت-جۇزىنە قاراماي اياماي بەرە بەرگەن. ءبارىن توپتاي كەلگەندە, ايەل 20 ملن. تەڭگەنى ءبىر-اق جيناپ الىپتى. سويتكەن دە, ءدال تۇلكىشە: «ماڭعىت, اۋزىڭا ساڭعىت!» دەپ جامباسىنا ءبىر سالىپ قالىپ, سول بويى جوعالىپ كەتكەن.
ال ناعىز «باتپان قۇيرىققا, جولدا جاتقان قۇيرىققا» قول جەتكىزىپ, قارىق بولماققا ۇمتىلعان «ساڭعىتتار» كۇندەردىڭ كۇنىندە ۋادەنىڭ سوڭى جۇتىلىپ بارا جاتقانىن سەزگەن سوڭ دابىلدارىن قاعىپ, پوليتسياعا قاراي تۇرا جۇگىرىسكەن عوي.
قازىر اتالمىش فاكت بويىنشا الاياقتىق بابىمەن قىلمىستىق ءىس قوزعالدى. كۇدىكتى قولعا ءتۇستى. ول ءوزىنىڭ وسىنداي سۇلۋ ءسوزدى, سۇيىق ءجۇرىستى جەك كورمەيتىنىن مويىندادى. سوت ونى باسىندا قاماۋعا العانىمەن, سوڭىنان ەمىزۋلى بالاسى بولۋىنا بايلانىستى سىرتقا كەتپەيتىندىگى جونىندەگى قولحاتپەن قاماۋدان بوساتتى.
قازىر الاياق ايەلدىڭ قۇرىعىنا تاعى كىمدەردىڭ ءتۇسىپ قالعانى تەكسەرىلىپ جاتىر.
قۇرىش نۇرىمبەت.