ريددەر قالاسىنىڭ بۋتاكوۆو اۋىلىندا جوعارى سوتتىڭ جەتى باسىم باعىتى اياسىندا «ۆيرتۋالدى سوت» كابينەتى اشىلدى.
كابينەتتىڭ ماقساتى – تۇرعىنداردىڭ ۋاقىتى مەن قارجىسىن ۇنەمدەۋ, ارتىق شىعىندارعا جول بەرمەۋ, ەڭ باستىسى, تۇرعىندارعا قولايلىلىق.
كابينەتتىڭ اشىلۋىندا ءسوز العان ريددەر قالالىق سوتىنىڭ توراعاسى عاليا وسپانوۆا ەندى اۋىل تۇرعىندارى قالاعا بارماي-اق سوت پروتسەسىنە بەينەكونفەرەنتسيا ارقىلى وسى جەردەن قاتىسۋعا مۇمكىندىك الاتىنىن اتاپ ءوتتى. ايتپاقشى, بۇل اۋىلدا العاشقى ۆيرتۋالدى سوت ءوتىپ تە ۇلگەرىپتى. اۋىل تۇرعىنى اننا لۋكيانوۆا مۇنداي كابينەتتىڭ اشىلعانىنا العىسىن جەتكىزىپ, ريزاشىلىعىن ءبىلدىردى.