نۇر-سۇلتان قالاسىندا شايبالى حوككەيدەن ءبىرىنشى ديۆيزيوننىڭ
ا توبىنداعى الەم چەمپيوناتىنىڭ ەكىنشى تۋر ويىندارى ءوز مارەسىنە جەتتى. بۇل تۋردا قازاقستان قۇراماسى ليتۆا حوككەيشىلەرىمەن كۇش سىناسىپ, 3:1 ەسەبىمەن باسىم ءتۇستى.
ماتچتاعى ەسەپتى 11-مينۋتتا قازاقستان قۇراماسى مەن «بارىس» كلۋبىنىڭ شابۋىلشىسى داستين بويد اشسا, ەكىنشى كەزەڭنىڭ 32-مينۋتىندا نيكيتا كلەششەنكو ەسەپتى ەسەلەدى. ال ءۇشىنشى كەزەڭنىڭ باسىندا ليتۆا حوككەيشىلەرى ەسەپتى قىسقارتۋعا مۇمكىندىك الدى. شايبا اۆتورى – ارۆيداس دومەيكو. قوناق كوماندا شايبا سوققان سوڭ تاراز باسىن تەڭەستىرۋ ءۇشىن العا ۇمتىلىپ, قورعانىستى ەستەن شىعاردى. كەزدەسۋدىڭ سوڭعى مينۋتىندا داررەن ديتس ۇرىمتال ءساتتى ءتيىمدى پايدالانىپ, قارسىلاس قۇرامانى سان سوقتىرىپ كەتتى. قورىتىندى ەسەپ – 3:1.
ايتا كەتەيىك, ويىن ناتيجەسى 3:1 ەمەس, 5:1 ەسەبىمەن اياقتالۋى مۇمكىن ەدى. تورەشىلەر نيكيتا ميحايليس پەن ءاليحان اسەتوۆتىڭ شايبالارىن ەسەپتەمەي قويدى.