جيىنعا تۇركىستان وبلىسىنىڭ اكىمى ومىرزاق شوكەەۆ, قر اۋىل شارۋاشىلىعى مينيسترلىگىنىڭ وكىلدەرى, جامبىل, قىزىلوردا جانە شىمكەنت قالاسىنىڭ اۋىل شارۋاشىلىعى سالاسىنىڭ باسشىلارى مەن تاۋار وندىرۋشىلەرى, «اگرارلىق نەسيە كورپوراتسياسى» اق, «اۋىل شارۋاشىلىعىن قارجىلاي قولداۋ قورى» اق, «كازاگروقارجى» اق توراعالارى, ەكىنشى دەڭگەيلى بانك باسشىلارى, اگروونەركاسىپتىك كەشەن سالاسىنداعى عالىمدار, اۋدان, قالا اكىمدەرى مەن وبلىستىڭ اۋىل شارۋاشىلىعى تاۋار وندىرۋشىلەرى قاتىستى.
شارۋالارعا ارنالعان جيىندا «اگرارلىق نەسيە كورپوراتسياسى» اق باسقارما توراعاسى نارمۇحان سارىباەۆ پەن «اۋىل شارۋاشىلىعىن قارجىلاي قولداۋ قورى» اق باسقارما توراعاسى جاندار وماروۆ – اگروونەركاسىپ كەشەنىنە جەڭىلدەتىلگەن نەسيەلەر تۋرالى, «قازاگروقارجى» اق باسقارما توراعاسىنىڭ ورىنباسارى الماس جاۋباەۆ – اگروونەركاسىپ كەشەنىنە جەڭىلدەتىلگەن نەسيەلەرى, نەسيەلەۋ جولدارى مەن شارتتارى جايىندا, تۇركىستان وبلىسى اۋىل شارۋاشىلىعى باسقارماسىنىڭ باسشىسى نۇربەك بادىراقوۆ – ازىق-ت ۇلىك بەلدەۋىن قالىپتاستىرۋ, اۋىل شارۋاشىلىعى سالاسىندا الدىڭعى قاتارلى تەحنولوگيالاردى قولدانا وتىرىپ جانە حالىقتى جۇمىسپەن قامتۋ ماقساتىندا جۇزەگە اسىراتىن جوبالارى حاقىندا, تۇلكىباس اۋدانىنىڭ اكىمى نۇربول تۇراشبەكوۆ – اۋداندا جۇزەگە اسىرىلعان جانە اسىرىلاتىن جوبالارى تۋرالى, «قاسكەلەڭ اگروپاركىنىڭ» عىلىمي جەتەكشىسى اباي ساعيتوۆ – اگروونەركاسىپ كەشەنىنىڭ ماسەلەلەرى تۋرالى, «Dala Fruit» جشس ديرەكتورى بولاتبەك ناجمەتدين ۇلى – قارقىندى باۋ شارۋاشىلىعىنداعى جەتىستىكتەرى مەن جەڭىلدىكتەرى تۋرالى, م.اۋەزوۆ اتىنداعى وقمۋ عالىمى قالىمبەتوۆ بەرديار – بىر جىلدا 2-3 ءونىم الۋدىڭ تيىمدىلىگى تۋرالى بايانداما جاسادى.
سەميناردا اۋىل شارۋاشىلىعى سالاسىنداعى يننوۆاتسيالىق تەحنولوگيالاردى قولدانىپ, جىلىنا 2-3 رەت ءونىم الۋ, سونىمەن قاتار بيزنەستى جولعا قويىپ, مول تابىس تاۋىپ وتىرعان اۋىل شارۋاشىلىعى كاسىپورىندارى ءوز تاجىريبەلەرىمەن ءبولىستى.
جيىندا تۇركىستان وبلىسىنىڭ اكىمى ومىرزاق شوكەەۆ اۋىل شارۋاشىلىعى سالاسىندا دامىعان مەملەكەتتەردەن قالىپ قويماس ءۇشىن عالىمدارمەن بىرلەسە زەرتتەۋ جۇمىستارىن كەڭىنەن جۇرگىزىپ, الەمدىك تالاپتارعا ساي كەلەتىن ءونىم وندىرۋگە ۇمتىلعان ءجون ەكەندىگىن ايتتى. ءارى ءونىم نارىقتىق ەكونوميكاعا ساي, باسەكەگە قابىلەتتى بولۋى كەرەكتىگىن جەتكىزدى.
«بۇگىنگى تاڭدا تۇركىستان قالاسىنىڭ اۋماعىن دامىتۋ, حالقىن تۇراقتى جۇمىس ورىندارىمەن قامتاماسىز ەتۋ ماقساتىندا 480 جوبا انىقتالىپ وتىر. بۇل جوبالار وبلىستىڭ ءار اۋدانىنىڭ باسىم باعىتتارىن دامىتىپ, وبلىس حالقىن ازىق-ت ۇلىك ونىمدەرىمەن قامتاماسىز ەتۋ ماقساتىندا تاڭداپ الىندى. اۋىل شارۋاشىلىعىندا الداعى ۋاقىتتا الدىڭعى قاتارلى تەحنولوگيالاردى قولدانا وتىرىپ, جاڭا اۋىل شارۋاشىلىعىن قالىپتاستىرۋىمىز كەرەك. الداعى ۋاقىتتا تالاپ وزگەرەدى. ءار اۋدان تابيعي جاعدايعا بايلانىستى جۇمىس ىستەۋى ءتيىس», – دەدى وبلىس اكىمى ومىرزاق ەستاي ۇلى.
سونىمەن قاتار, ايماق باسشىسى وڭىردە جالپى اۋىل شارۋاشىلىعىنا جارامدى جەر كولەمى, ەلىمىزدىڭ باسقا وڭىرلەرىنە قاراعاندا از ەكەندىگىن ايتىپ, العا قويىلعان تاپسىرمالاردى تەك زامان تالابىنا ساي عىلىمي جەتىستىكتەردى ۇتىمدى پايدالانۋدىڭ ناتيجەسىندە ورىنداۋعا بولاتىندىعىن جەتكىزدى. سونداي-اق, اۋىل شارۋاشىلىعىندا الىنعان كەز كەلگەن ءونىمدى ءتيىمدى وڭدەپ, ەكسپورتتى ۇلعايتۋ كەرەكتىگىن ءسوز ەتتى.
سەمينار كەڭەستى وتكىزۋگە مۇرىندىق بولعان ءوڭىر باسشىسى ومىرزاق شوكەەۆ جوعارىدا اتالعان تاپسىرمالار مەن 480 جوبانىڭ ىسكە اسىرىلۋىنا اۋدان, قالا اكىمدەرى تىكەلەي جاۋاپتى ەكەندىگىن ەسكەرتتى.
سەمينار سوڭىندا قارجى ۇيىمدارى مەن بانك ديرەكتورلارى جانە اكىمدىك اراسىندا مەموراندۋمعا قول قويۋ ءراسىمى ءوتتى. ونداعى ماقسات – تۇركىستان وبلىسىندا اۋىل شارۋاشىلىعى سالاسىندا الدىڭعى قاتارلى تەحنولوگيالاردى قولدانا وتىرىپ, حالىقتى جۇمىسپەن قامتۋ ماقساتىندا ىسكە اسىرىلاتىن جوبالاردى جۇزەگە اسىرۋ جونىندەگى ءوزارا ىنتىماقتاستىق ارتتىرۋ.
بۇدان سوڭ سەمينار كەنتاۋ قالاسى, شاعا اۋىلدىق وكرۋگىندە جالعاستى. سونداي-اق, شارۋالارعا ارنالعان سەمينار سايرام اۋدانىندا جالعاساتىن بولادى.