وبلىس اكىمى ومىرزاق شوكەەۆ باستاعان توپ ەڭ الدىمەن اۋىل شارۋاشىلىعى سالاسىنداعى وزىق تەحنولوگيالارمەن تانىستى. كورمەدە كوپشىلىككە اۋىل شارۋاشىلىعى ونىمدەرى, اسىل تۇقىمدى ءتورت ت ۇلىك مالدىڭ تۇرلەرى مەن زاماناۋي تەحنيكالار ۇسىنىلدى. سونداي-اق, كورمەدە شارۋالارعا ءسۇت قابىلداۋ بەكەتتەرىنىڭ جۇمىسى كورسەتىلىپ, سالماعى 1 توننادان اساتىن «ابەردين – انگۋس» بۇقالارى مەن اسىل تۇقىمدى قاراكول قويلارىنىڭ ەرەكشە تۇرلەرىن كورۋگە مۇمكىندىك بولدى.
كورمەدە زاماناۋي تەحنيكالارمەن جابدىقتالعان اۋىل شارۋاشىلىعىنا ارنالعان ارنايى ماشينالار مەن قۇرال-جابدىقتار كوپشىلىك نازارىنا ۇسىنىلدى. اۋىل شارۋاشىلىعى تەحنيكالارىنان الەمگە تانىمال دجون-دير, لامبوردجيني, سامپولەۆ سىندى تراكتورلارى كورسەتىلدى. ەگىن شارۋاشىلىعى بويىنشا مينەرالدى تىڭايتقىشتار, گەربيتسيد, پەستيتسيد جانە تاعى باسقا پرەپاراتتار قويىلدى.
سونىمەن قاتار, كورمەگە ازىق-ت ۇلىك بەلدەۋىن قۇرۋعا بايلانىستى جاڭبىرلاتىپ جانە تامشىلاتىپ سۋارۋعا ارنالعان جىلىجاي كەشەنى جابدىقتارىن شىعاراتىن وندىرۋشىلەر قاتىستى.
بۇدان وزگە, اسىل تۇقىمدى مال تۇرلەرىنىڭ (قوي, جىلقى, بۇقا, تۇيە) كورمەسى ۇيىمداستىرىلدى. قۇس جانە بالىق وسىرۋدە قولدانىلاتىن قۇرال-جابدىقتاردى وندىرەتىن مەكەمە ماماندارى مەن قۇراما جەم جانە مالعا قاجەتتى ءتۇرلى دارۋمەندەر شىعاراتىن زاۋىتتاردىڭ, ۆەتەرينارلىق ءدارى-دارمەكتەردىڭ بارلىق ءتۇرىن جانە قولدان ۇرىقتاندىرۋ جابدىقتارىن شىعاراتىن ءوندىرىس ورىندارى ءوز ونىمدەرىن تانىستىردى.