الماتىنىڭ ورتالىق كوشەلەرىندەگى سىلدىراپ اققان ارىقتاردى بويلاي وسكەن تال-تەرەكتەردىڭ تاساسىندا قونىس تەپكەن مۇحتار اۋەزوۆتىڭ مۋزەي-ۇيىنە 1970 جىلدىڭ باسىندا ءار اپتانىڭ جۇماسى كۇنگى كەشىندە ادەبيەت پەن ونەرسۇيەر قاۋىم ءبىر اتانىڭ بالاسىنداي بولىپ باس قوسا قالاتىن.
وسىناۋ ءبىر جان سەمىرتەر ەستەلىك اڭگىمە-داستاننىڭ ءتىزگىنىن ۇستاپ, ۇيىتقى بولعان كورنەكتى فيلولوگ-عالىم اعا راحمانقۇل بەردىباەۆ شارا اپايدان ارىرەك تۇرعان جاس عالىمدار مەن تالاپتى ستۋدەنتتەردىڭ ءبىلىمدى دە بىلىكتى ازامات بولىپ تولىسۋىنا زور ۇلەس قوسقانىن اتاپ وتكەن ءجون.
قازاق ادەبيەتى مەن ونەرىنىڭ «سىر ساندىعىن» اشىپ, ەگىلە جىرلايتىن اسىل تەكتى اعا, اپالار بەينەسىن وسى سۋرەتتەن ءسۇيسىنىپ كورەمىز. ولار وڭنان سولعا قاراي: باقىتجان بايقاداموۆ, عاريفوللا قۇرمانعاليەۆ, شارا جيەنقۇلوۆا, قاسىم توعۇزاقوۆ, جۇسىپبەك ەلەبەكوۆ, قانابەك بايسەيىتوۆ.
قاجى قورعان ۇلى,
قازاقستاننىڭ ەڭبەك سىڭىرگەن مادەنيەت قىزمەتكەرى