سەيسەنبى, 22 مامىر 2012 6:40
دەمالىس كۇندەرى ەلىمىزدە ۇلتتىق وليمپيادا كوميتەتى, سپورت جانەدەنە تاربيەسى ىستەرى اگەنتتىگى, استانا جانە الماتى قالالارى مەنوبلىس اكىمدىكتەرىنىڭ ۇيىمداستىرۋىمەن جانە «قىسقى ازيا ويىندارى2011 ديرەكتسياسى» مكقك, «كوكا-كولا» جانە «Proctor&Gamble»كومپانيالارىنىڭ قولداۋ كورسەتۋىمەن جازعى وليمپيا ويىندارىنابايلانىستى جىل سايىن دۇنيە جۇزى بويىنشا وسى ۋاقىتتا وتكىزىلەتىنداستۇرلى «وليمپيادا كۇنى» ۇيىمداستىرىلدى.
سەيسەنبى, 22 مامىر 2012 6:40
دەمالىس كۇندەرى ەلىمىزدە ۇلتتىق وليمپيادا كوميتەتى, سپورت جانەدەنە تاربيەسى ىستەرى اگەنتتىگى, استانا جانە الماتى قالالارى مەنوبلىس اكىمدىكتەرىنىڭ ۇيىمداستىرۋىمەن جانە «قىسقى ازيا ويىندارى2011 ديرەكتسياسى» مكقك, «كوكا-كولا» جانە «Proctor&Gamble»كومپانيالارىنىڭ قولداۋ كورسەتۋىمەن جازعى وليمپيا ويىندارىنابايلانىستى جىل سايىن دۇنيە جۇزى بويىنشا وسى ۋاقىتتا وتكىزىلەتىنداستۇرلى «وليمپيادا كۇنى» ۇيىمداستىرىلدى.
وليمپيادا كۇنىن وتكىزۋ ءداستۇرىنىڭ ۇزاق جىلدىق تاريحى بار. العاش رەت ول 1948 جىلدىڭ 23 شىلدەسى كۇنى حالىقارالىق وليمپيالىق كوميتەتىنىڭ شەشىمىمەن وتسە, 1987 جىلدان باستاپ وعان «وليمپيالىق جۇگىرۋ كۇنى» دەگەن اتاۋ بەرىلىپ, ءداستۇرلى تۇردە وتكىزىلىپ كەلەدى. مۇنداي سپورتتىق شارالار الەمنىڭ تۇكپىر-تۇكپىرىندە اتاپ وتىلۋدە جانە وعان جاس شامالارى مەن كوزقاراستارى ءارتۇرلى ميلليونداعان ادامدار قاتىسۋدا. بۇل شارا قازىرگى زامانعى ءوليمپيزمنىڭ قايتا ورلەۋى مەن سپورت جانە سالاماتتى ءومىر سالتىن ناسيحاتتاۋعا مۇمكىندىك بەرەتىن سپورتتىق مەرەكە بولىپ سانالادى.
بيىلعى «دۇنيەجۇزىلىك وليمپيادا كۇنى» ەلىمىزدىڭ بارلىق وڭىرلەرىن قامتىعانىمەن, ونىڭ نەگىزگى جارىستارى استانا جانە الماتى قالالارىندا وتكىزىلدى. استانا قالاسىندا وليمپيادا كۇنى ق.مۇڭايتپاسوۆ اتىنداعى ورتالىق ستاديوندا وتسە, الماتىدا حالىق استانا الاڭىندا وتكەن جۇگىرۋ جارىسىنا جينالدى. سەنبى كۇنى ەلوردادا وتكىزىلگەن وليمپيادا كۇنىنە بارلىق جاستاعى استانالىقتار مەن قالا قوناقتارى 400 مەتر قاشىقتىققا ءجۇگىرۋگە قاتىسسا, ۇلكەن سىنىپتاعى وقۋشىلار مەن ستۋدەنتتەر «2012 جىلعى لوندونداعى وليمپيالىق ويىندارى» وليمپيادالىق ۆيكتوريناسىندا, ۇلتتىق سپورت ءتۇرلەرىنەن, دروتيكتەردى لاقتىرۋ, ۇستەل تەننيسى, ويىنشىق ساداقتان اتۋ جانە باسقا دا سپورت تۇرلەرىنەن وتكەن جارىستاردا كۇش سىناستى.
وسى كۇنى مۇمكىندىكتەرى شەكتەۋلى ازاماتتارعا وليمپيادا كۇنىن مەرەكەلەپ, جارىسقا قاتىسۋعا مۇمكىندىك جاسالسا, 5-10 جاستاعى بالالار ءۇشىن «وليمپيالىق جارىستار» اتتى تاقىرىپقا اسفالتتاعى سۋرەتتەردىڭ بايقاۋى وتكىزىلدى. اتالعان شاراعا سپورت جانە دەنە ءتاربيەسى ىستەرى جونىندەگى اگەنتتىگى توراعاسىنىڭ ورىنباسارى ەلسيار قاناعاتوۆ, ۇلتتىق وليمپيادا كوميتەتىنىڭ استانا قالالىق بولىمشەسىنىڭ توراعاسى قۋاندىق ەلجانوۆ, پارلامەنت ءماجىلىسىنىڭ دەپۋتاتتارى, وليمپيادا چەمپيونى يۋري مەلنيچەنكو, وليمپيادانىڭ كۇمىس ءجۇلدەگەرى گەورگي تسۋرتسۋميا مەن ءتۇرلى سىنداردا شارشى الاڭدا ەل نامىسى ءۇشىن ءبىراز تەر توككەن نۇرجان كارىمجانوۆ پەن باسقا دا سپورتشىلار قاتىسىپ, كوپشىلىكپەن اڭگىمەلەسىپ, وتكەن ءومىر جولدارى تۋرالى سىر ءبولىستى.
اگەنتتىك توراعاسىنىڭ ورىنباسارى ە.قاناعاتوۆ جارىستىڭ اشىلۋ سالتاناتىندا بۇل شارانىڭ ماقساتى – وليمپيادا قوزعالىسىنىڭ ءداستۇرىن جالعاستىرىپ, حالىق اراسىندا سالاماتتى ءومىر سالتىن قالىپتاستىرۋ, بۇقارالىق سپورتتى دامىتۋعا اتسالىسۋ, دەي كەلىپ, وسىنداي جۇرتشىلىقتى بىرلىككە شاقىرىپ, ءبىر الاڭدا ۇيىستىراتىن جارىستاردىڭ ەلىمىزدە ودان ءارى جالعاساتىنىن, سونىڭ ىشىندە دەمەۋشىلەردىڭ قولداۋىمەن الداعى كەزدە بۇقارالىق ءىس-شارالار وتكىزىلە بەرەتىنىن اتاپ ءوتتى. وسى ورايدا وليمپيادا كۇنىن وتكىزۋگە «كوكا-كولا» جانە «Proctor&Gamble» كومپانيالارىنىڭ قولداۋ كورسەتكەنىن, مەرەكەنىڭ لايىقتى ءوتۋى ءۇشىن حالىققا ءوز ونىمدەرىن تەگىن تاراتقاندارىن اتاپ وتۋگە بولادى. مۇندا جارىستىڭ جەڭىمپازدارى مەن جۇلدەگەرلەرىنە ارنايى جۇلدەلەر مەن ەستەلىك سىيلىقتار, وليمپيادا سيمۆوليكاسى بار مايكالار تابىس ەتىلدى.
وسى كۇنى استاناداعى شاراعا 7 000-نان استام ادام, ال الماتىداعى جارىستارعا 10 000-نان استام حالىق قاتىستى.
داستان كەنجالين,
«ەگەمەن قازاقستان».