سارسەنبى, 5 قىركۇيەك 2012 7:53
ءسىز نە دەيسىز؟
مەملەكەت باسشىسى ن.نازارباەۆتىڭ نۇسقاۋىمەن ەلىمىزدىڭ سولتۇستىك ءوڭىرىن تابيعي گازبەن قامتاماسىز ەتۋ جونىندەگى كەڭ اۋقىمدى جوبا استانالىق وبلىس تۇرعىندارىن ەرەكشە جەلپىنىسكە ءتۇسىرۋدە. ەلباسىنىڭ كوكشە جۇرتشىلىعىمەن كەزدەسۋىندە مەملەكەتارالىق كەلىسىمدەر تياناقتالىپ, دايىندىق جۇمىستارى باستالعانى ايتىلدى. وسىعان وراي, گازەتىمىزدىڭ ءتىلشىلەر قوسىنا وقىرماندارىمىزدان ءماسەلەنىڭ ءمان-جايىن تەرەڭىرەك بىلۋگە قاتىستى ءوتىنىشتەر كەلىپ تۇسۋدە.
سارسەنبى, 5 قىركۇيەك 2012 7:53
ءسىز نە دەيسىز؟
مەملەكەت باسشىسى ن.نازارباەۆتىڭ نۇسقاۋىمەن ەلىمىزدىڭ سولتۇستىك ءوڭىرىن تابيعي گازبەن قامتاماسىز ەتۋ جونىندەگى كەڭ اۋقىمدى جوبا استانالىق وبلىس تۇرعىندارىن ەرەكشە جەلپىنىسكە ءتۇسىرۋدە. ەلباسىنىڭ كوكشە جۇرتشىلىعىمەن كەزدەسۋىندە مەملەكەتارالىق كەلىسىمدەر تياناقتالىپ, دايىندىق جۇمىستارى باستالعانى ايتىلدى. وسىعان وراي, گازەتىمىزدىڭ ءتىلشىلەر قوسىنا وقىرماندارىمىزدان ءماسەلەنىڭ ءمان-جايىن تەرەڭىرەك بىلۋگە قاتىستى ءوتىنىشتەر كەلىپ تۇسۋدە.
«ەگەمەن قازاقستاننىڭ» اقمولا وبلىسى بويىنشا ءتىلشىسى باقبەرگەن امالبەك اقمولا وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باستىعى الەكساندر مارتىنەنكوعا:
– ءسىز بۇعان نە دەيسىز؟– بۇرىن-سوڭدى بولماعان جوبانى ىسكە اسىرۋعا ميللياردتاعان قارجى, بەزبەنگە سىيمايتىن قاجىر-قايرات جۇمىلدىرىلادى. تۇتىنۋ گازى ورتالىق قۇبىر جەلىسى ارقىلى توبىل-قوستاناي-كوكشەتاۋ-استانا باعىتىندا تاسىمالدانىپ, سولتۇستىك ءوڭىر جىل سايىن 1,5 ميلليارد تەكشە مەتر تابيعي گازدى پايدالاناتىن بولادى. مۇنىڭ ۇشتەن ءبىرى ءبىزدىڭ وبلىستىڭ قاجەتتىلىگىنە جاراتىلادى دەپ كۇتىلۋدە. ياعني, وبلىسىمىزدىڭ 141 ەلدى مەكەنىندەگى 368 مىڭ تۇرعىن «كوگىلدىر وتىننىڭ» يگىلىگىن كورەدى.جوبا ساتىلى كەزەڭمەن ءجۇزەگە اسىرىلىپ, 2014 جىلى تولىق اياقتالادى دەپ جوسپارلانعان. قازىرگى مىندەت – جوبالاۋ جانە سمەتالىق قۇجاتتاردى ۇستىمىزدەگى جىلدىڭ جەلتوقسانىندا اياقتاپ, نەگىزگى جۇمىستى كەلەسى جىلى باستاپ كەتۋ. كوكشەتاۋ مەن ششۋچە قالاسىنىڭ, بۋراباي, بۇلاندى, زەرەندى, ەڭبەكشىلدەر, اقكول اۋداندارىنىڭ تۇرعىندارى العاشقى تۇتىنۋشىلار بولماق. ەستە ۇستايتىن ماسەلە, بارلىق نىساندى تابيعي گازبەن ءبىر مەزەتتە قامتاماسىز ەتۋ مۇمكىن ەمەس. ول جۇيەنى جەتىلدىرۋ بارىسىندا شەشىمىن تاباتىن بولادى.تابيعي گاز ايازعا ءتوزىمدى بولعاندىقتان, قۇبىرلاردى جەر استىمەن تارتۋدىڭ سونشالىقتى قاجەتتىلىگى جوق. قۇرىلىسقا تەمىر قۇبىرلارمەن ءبىرگە, پوليەتيلەن بۇيىمدارى كەڭىنەن قولدانىلادى. مۇنى ايتىپ وتىرعانىم, وتاندىق كاسىپورىندارعا, ونىڭ ىشىندە ءبىزدىڭ «تىنىس» اكتسيونەرلىك قوعامى مەن «ارىستان» زاۋىتى ءوز ونىمدەرىن ۇسىنۋعا مۇمكىندىك الادى. باعالى وتىندى ۇزدىكسىز ءارى تولىق كولەمدە جەتكىزىپ تۇرۋ ءۇشىن بىرنەشە اۆتوماتتاندىرىلعان گاز ءبولۋ ستانسالارى سالىنادى. جاڭا جۇمىس ورىندارى كوبەيەدى.جوعارىدا ايتقانىمىزداي, 2014 جىلى نەگىزگى ماگيسترال ىسكە قوسىلادى جانە ءبىز وعان دايىن بولۋىمىز كەرەك.الدىن الا ەسەپ بويىنشا, گاز وتىنىنىڭ 1000 تەكشە مەترى 150 اقش دوللارىمەن ساتىپ الىنادى. بىراق, ەكى جىل بۇرىن ءبارىن الدىن الا بولجاۋ قيىن. شامادا, تۇتىنۋشىعا جەتكىزىلەتىن شىعىنداردى قوسىپ ەسەپتەگەندە, ونىڭ ءبىر تەكشە مەترى 60 تەڭگە بولادى دەپ توپشىلايمىز. بۇل – قاي جاعىنان العاندا دا ءتيىمدى.اقمولا وبلىسى.