بەيسەنبى, 9 تامىز 2012 5:27
رەداكتسيامىزعا الماتى قالاسىنداعى جەتىسۋ اۋدانىنا قاراستى «جۇمىسشى اۋىلى» تۇرعىندارى جولداعان حات كەلىپ ءتۇستى. حاتتا تۇرعىندار قالا ورتاسىندا وتىرىپ دەربەس قازاق مەكتەبىنە ءزارۋ ەكەندىكتەرىن جەتكىزەدى.
بەيسەنبى, 9 تامىز 2012 5:27
رەداكتسيامىزعا الماتى قالاسىنداعى جەتىسۋ اۋدانىنا قاراستى «جۇمىسشى اۋىلى» تۇرعىندارى جولداعان حات كەلىپ ءتۇستى. حاتتا تۇرعىندار قالا ورتاسىندا وتىرىپ دەربەس قازاق مەكتەبىنە ءزارۋ ەكەندىكتەرىن جەتكىزەدى.
اۋىل تۇرعىندارى ءوز ايماقتارىنا جاقىن ورنالاسقان №109 ورتا مەكتەپتىڭ ەكى تىلدە ءتالىم بەرەتىن ارالاس مەكتەپ ەكەندىگىن ايتا كەلىپ, ەلباسى ن.نازارباەۆتىڭ تاپسىرماسىنا وراي «100 مەكتەپ, 100 اۋرۋحانا» مەملەكەتتىك باعدارلاماسى اياسىندا تولىقتاي جوندەۋدەن وتكىزىلىپ جاتقان وسى وقۋ ورنىن قازاق تىلىندە ءبىلىم بەرەتىن گيمنازيا ەتىپ جاڭالاسا نۇر ۇستىنە نۇر بولار ەدى دەيدى.تۇرعىندار مۇڭعا تولى حاتىندا وزدەرى تۇراتىن ەلدى مەكەندە مەملەكەتتىك تىلدە وقىتاتىن مەكتەپتىڭ جوقتىعىن, قالانىڭ وزگە اۋداندارىنداعى قازاق مەكتەپتەرىنە قاتىناۋ ءۇشىن بالالارىنىڭ رايىمبەك داڭعىلىنا دەيىن ءبىر جارىم شاقىرىم جاياۋلاپ جەتەتىندىگىن ايتۋدا. بۇل ءاسىرەسە, ەكىنشى اۋىسىمدا وقيتىن وقۋشىلار ءۇشىن ۇلكەن قيىندىقتار تۋعىزۋدا. ءويتكەنى, ولار قىستى كۇندەرى ساباقتان وتە كەش شىعادى.ەل اۋزىندا «جۇمىسشى اۋىلى» اتانىپ كەتكەن بۇل مەكەن قالانىڭ كۇرە تامىرى رايىمبەك داڭعىلىنا جاقىن ورنالاسقان. دەگەنمەن دە, تۇرعىندارىنىڭ نەگىزى قازاق وتباسىلارى بولا تۇرسا دا كۇنى بۇگىنگە دەيىن مەملەكەتتىك تىلدە بالا تاربيەلەيتىن كيەلى شاڭىراققا قول جەتكىزە الماي كەلەدى. باۋىر ەتى بالاسى قازاق تىلىندە ءبىلىم السا ەكەن دەيتىن اتا-انا بۇل كۇندە قالانىڭ باسقا اۋداندارىندا تىركەلۋگە ءماجبۇر. ءوز وتباسىنان جىراقتاعى مەكتەپكە قاتىناۋمەن اتا-انا دا, وقۋشى دا قاجىعان.«ەل ەكونوميكاسىنا ۇلەس قوسۋدا الماتى قالاسىنىڭ الار ورنى ايرىقشا ەكەندىگى بەلگىلى» دەپ جازادى حات يەلەرى, «مەكتەپتەر مەن اۋرۋحانالارعا, بالا تاربيەسى مەن مەملەكەتتىك تىلگە قامقورلىق جاسالىپ وتىرعان مىنا زاماندا ارالاس تىلدە بالا تاربيەلەپ وتىرعان №109 ورتا مەكتەپتى تازا قازاق تىلىندەگى گيمنازيا ەتىپ قايتا جاساقتاۋدى سۇرايمىز».قالاي بولعاندا دا, قالا ورتاسىندا وتىرىپ, قازاق مەكتەبىنە قولى جەتپەۋ دەگەن كوڭىلگە كىربىڭ ۇيالاتار ءىس. تالاي تاعدىردى وڭ جولعا سالعان مەملەكەتتىك باعدارلامالار اياسىندا بالكىم, وسى «جۇمىسشى اۋىلىنىڭ» ءماسەلەسى دە وڭ شەشىمىن تاۋىپ قالار دەگەن ۇمىتتەمىز.قانات ەسكەندىر,«ەگەمەن قازاقستان».الماتى.