جۇما, 6 قاڭتار 2012 7:03
– اتا, اتاسى-اۋ! حاۋىزعا وسىلاي ءجيى كەلەسىز بە؟
– ءيا, قالقام. الگى قۇرداسىمدى توقالى قوياردا-قويماي شاقىرىپ كەتپەگەندە, بۇل حاۋىزدىڭ تۇپكى قىزىعىنا ەندى كەنەلەر ەدىك… مىنا سىرادان الىپ وتىرسايشى.
– مۇنداي حارامعا مەنىڭ اۋزىم بەرىك ەدى.
جۇما, 6 قاڭتار 2012 7:03
– اتا, اتاسى-اۋ! حاۋىزعا وسىلاي ءجيى كەلەسىز بە؟
– ءيا, قالقام. الگى قۇرداسىمدى توقالى قوياردا-قويماي شاقىرىپ كەتپەگەندە, بۇل حاۋىزدىڭ تۇپكى قىزىعىنا ەندى كەنەلەر ەدىك… مىنا سىرادان الىپ وتىرسايشى.
– مۇنداي حارامعا مەنىڭ اۋزىم بەرىك ەدى.
– جاپ-جاس بوپ, ءا؟ وتىزدان ەندى اسقان شىعارسىڭ؟ بار قىزىقتان ەرتە تۇڭىلگەنىڭ نە, شىراعىم-اۋ؟
– ناعاشى اتامنىڭ باۋىرىندا وسكەنمىن. جارىقتىق, ءدىندار كىسى ەدى. يماندىلىققا باۋلىعانى ءۇشىن ماڭگىلىك قارىزدارمىن!
– ءبىز دە كوشتەن قالىپ جۇرگەنىمىز جوق!
– جەتپىستەن استىم دەدىڭىز, ءوڭىڭىز كەرەمەت ساقتالعان!
– شۇكىر, كوڭىل توق! قالتام قالىڭ. زەينەت جاستىڭ دا ءوز قىزىعى جەتەرلىك ەكەن. الگى قۇرداسىمنىڭ جەتەلەپ اپارمايتىن جەرى جوق… جاسارىپ جۇرگەنىمىزدىڭ ءبىر سىرى سول دەگەندەي… سوسىن, ۆيسكي ىشسەڭ, جۇرەك قىزىنىپ, قان اتويلايدى…
– ەندى, اتا, رۋحاني جاعىنان دا ويداعىداي دەم الاتىن شىعارسىزدار؟ باسقاسىنا ارتىق كەتپەيىكشى.
– قيمىلدى كۇيتتەپ بيلياردقا بارساق, الگى «جەتەكشىم» سوڭىندا كۇتپەگەن قىزىققا باتىرادى-اي كەپ. قالاي بۇلتاراسىڭ, يكەمىنە كونەسىڭ.
– كىتاپ وقۋ جاعىنا قالايسىز؟
– ءتۇ-ۋ, مىنا سىرانىڭ سالقىنىن-اي! كەكىرىك اتقىزدى-اۋ. اڭقام كەۋىپ وتىر ەدى, لەزدە باستى. نە دەدىڭ جاڭا؟
– كىتاپ وقيسىز با دەپ سۇرادىم.
– ول جاعىنان ۇياتتىمىن. الگى دوسىم كەيدە تىقپالاپ وقىتادى. قازىر… اۆتورىن ۇمىتتىم… «بەيپىل سوزدەر» دەگەن تاماشا كىتاپتى باسىما جاستانىپ وقىپ جاتىرمىن.
– ەستىمەپپىن ونداي كىتاپتى. اتالۋى قانداي جامان!
– نەسى جامان. ءويتىپ بەكەر شوشىما سەن. قازاقتىڭ ەروتيكالىق فولكلورى ەكەن. ومىرىمدە ءسۇيسىنىپ وقىعان جالعىز كىتابىم وسى شىعار.
– مەن تويدىم, اتا! جينالايىن.
– ءبىر ۇرتتام سىرا ىشكەن جوقسىڭ. نەمەنەگە تويىندىڭ؟ ءويتىپ سەن قىرسىقپا, بالا! كەلەكە قىلما مەنى. تويدىم دەيدى… جاس باسىڭمەن بارىنەن قۇر قالىپ, نەندەي ۇشپاققا جەتپەكشىسىڭ؟ ەرتەڭ مەنىڭ جاسىما كەلگەندە, ءومىردى قالاي سۇرمەكسىڭ؟ بار قىزىقتى تارك ەتىپ… مەزگىلىنەن بۇرىن قىتىمىر, قاۋساعان شالعا اينالارسىڭ, مىنا تۇرىڭمەن! ۋھ-ۋھ, جۇرەگىم قولقامدى سۋىراتىنداي اپتىعىپ اتقىلايتىن بولعانى نەسى…
قايسار ءالىم.