بەيسەنبى, 13 جەلتوقسان 2012 7:26
وسى ءسوزدىڭ ءتۇپ-توركىنىن تاعى ءبىر زەردەلەپ كورەيىكشى
ۇلى جازۋشى مۇحتار اۋەزوۆتىڭ «بەسىگىڭدى تۇزە» دەگەن ءسوزىن وسى كۇندەرى ءجيى ايتاتىن بولدىق. ءتىپتى, ماقالعا دا اينالدىرىپ الدىق. بۇل ءبىر جاعىنان جاقسىلىقتىڭ نىشانى, ەكىنشى جاعىنان اۆتورىن ايتپاي, ءوز سوزىندەي كوسىلتە بەرۋ جازۋشىعا قيانات. تاعى ءبىر مەڭزەيتىن ماسەلە, ءبىز وسى ءسوزدىڭ تۇپكى توركىنىن كوپ جاعدايدا ەستەن شىعارىپ الامىز. مۇحتار اۋەزوۆ: «ادامدا ەكى ءتۇرلى قىلىقتىڭ جولى بار: ءبىرى – تىرشىلىك قامى, ءبىرى – ادامشىلىق قامى. بارشا دۇنيەدەگى پايدا-ماقتان اۋەلى باسىما بولسا نەمەسە تۋىسقانىما, ەڭ بولماسا, اتالاسىما بولسا دەپ نەعۇرلىم وزىنە قاراي تارتىپ, تالاپ قىلۋ بۇل ءبىر عانا تىرشىلىك قامىن كوزدەگەن حايۋاني سالاحيات دەپ ايتىلادى. ەكىنشى, مەنەن جاقسىلىق تاراپ, ادام بالاسىنا ءالىم كەلگەنشە پايدامدى تيگىزسەم ەكەن دەگەن جول. بۇل – ينسانيات, ياعني ادامدىق جولى…
بەيسەنبى, 13 جەلتوقسان 2012 7:26
وسى ءسوزدىڭ ءتۇپ-توركىنىن تاعى ءبىر زەردەلەپ كورەيىكشى
ۇلى جازۋشى مۇحتار اۋەزوۆتىڭ «بەسىگىڭدى تۇزە» دەگەن ءسوزىن وسى كۇندەرى ءجيى ايتاتىن بولدىق. ءتىپتى, ماقالعا دا اينالدىرىپ الدىق. بۇل ءبىر جاعىنان جاقسىلىقتىڭ نىشانى, ەكىنشى جاعىنان اۆتورىن ايتپاي, ءوز سوزىندەي كوسىلتە بەرۋ جازۋشىعا قيانات. تاعى ءبىر مەڭزەيتىن ماسەلە, ءبىز وسى ءسوزدىڭ تۇپكى توركىنىن كوپ جاعدايدا ەستەن شىعارىپ الامىز. مۇحتار اۋەزوۆ: «ادامدا ەكى ءتۇرلى قىلىقتىڭ جولى بار: ءبىرى – تىرشىلىك قامى, ءبىرى – ادامشىلىق قامى. بارشا دۇنيەدەگى پايدا-ماقتان اۋەلى باسىما بولسا نەمەسە تۋىسقانىما, ەڭ بولماسا, اتالاسىما بولسا دەپ نەعۇرلىم وزىنە قاراي تارتىپ, تالاپ قىلۋ بۇل ءبىر عانا تىرشىلىك قامىن كوزدەگەن حايۋاني سالاحيات دەپ ايتىلادى. ەكىنشى, مەنەن جاقسىلىق تاراپ, ادام بالاسىنا ءالىم كەلگەنشە پايدامدى تيگىزسەم ەكەن دەگەن جول. بۇل – ينسانيات, ياعني ادامدىق جولى…
بۇعان قاراعاندا ادامدى حايۋاندىقتان ادامشىلىققا كىرگىزەتىن – ايەل. ادام بالاسىنىڭ ادامشىلىق جولىنداعى تاپپاق تاراقياتى (تاعىلىم) ايەل حالىنە جالعاسادى. سول سەبەپتى, ايەلدىڭ باسىنداعى ساسىق تۇمان ايىقپاي حالىققا ادامشىلىقتىڭ باقىتتى كۇنى ك ۇلىپ قارامايدى. ال, قازاق, مەشەل بولىپ قالام دەمەسەڭ, تاعىلىمىڭدى, بەسىگىڭدى تۇزە! ونى تۇزەيمىن دەسەڭ, ايەلدىڭ ءحالىن تۇزە!» دەيدى.كوردىڭىز بە, ۇلى قالامگەردىڭ ەكى ءسوزىنىڭ ارعى جاعىندا قورعاسىننان اۋىر, التىننان قىمبات قۇدىرەتتىڭ جاتقانىن. شىنىندا, كەشەگى وتپەلى كەزەڭ, ءولارا شاقتى, بۇگىنگى نارىقتى جەلەۋ ەتىپ, حالىقتىڭ كوبىن بازارعا اپارىپ تىعىپ, كۇنكورىستىڭ كوزى وسى ەكەن دەپ, وتباسىنداعى ۇل-قىزىنان الشاقتاتىپ جىبەرۋدىڭ كەسىرىنەن قانشاما انالار كۇيبەڭ كۇنكورىس كولەڭكەسىندە قالدى. ەكىنشى جاعىنان ءبىراز انالارىمىز مانساپ قۋىپ, بيزنەستى جاعالاپ, بايلىق جيامىن دەپ وتباسىنىڭ جىلۋىن سوعان قۇربان ەتىپ الۋدا. بۇدان ۇلتتىق دەموگرافيا زارداپ شەگىپ وتىرعانىن كوزىقاراقتى جۇرت سەزەدى. ەندەشە, وسى ەكى كورىنىس ءبىر ارنادا توعىساتىن ازات قازاق اناسىنىڭ ۇلتقا قاجەت سۇلباسىن قالىپتاستىرساق, قانە! بۇل اۋەزوۆ ايتقان ايەل ءحالىن تۇزەۋگە مۇمكىندىك بەرىپ, جاس ۇرپاقتىڭ تاعىلىمدى, ىزەتتى, يناباتتى, كوكىرەك كەرىپ, ءتىل سوزۋدان اۋلاق جۇرەتىنىنە سەپتىگىن تيگىزەر ەدى. ۇلتىن تانىپ, ءتىلىن قۇرمەتتەپ, حالقىن قادىرلەۋگە جول اشار ەدى. اشكوزدىكتى جويىپ, ادامشىلىق سالتانات قۇرار ەدى. ءبىر سوزبەن ايتقاندا, ۇلت تاعدىرى, ۇرپاق تاعدىرى انا قولىندا ەكەنىن ۇعىنار ەدىك.
سۇلەيمەن مامەت, «ەگەمەن قازاقستان».