تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا پروتسەسس جالعاسۋدا. كەشە سوت ءماجىلىسى زالىنا سوتتالۋشىنىڭ كەلۋى قامتاماسىز ەتىلدى. وسىلايشا, سوت چەلاحتىڭ اناسىنىڭ سوتتالۋشىنى سوت زالىنا اكەلۋ تۋرالى تالابى قاناعاتتاندىرىلدى. الايدا, ءماجىلىس باستالىسىمەن ۆ.چەلاح سوت پروتسەسىنە ودان ءارى قاتىسۋدان باس تارتاتىنىن ايتىپ, ءوزىن سوتتالۋشىلار كامەراسىنا قايتارۋدى ءوتىندى. ونىڭ ۇستىنە سوتتالۋشى ءىس بويىنشا بارلىق دالەلدەر تەكسەرىلگەننەن كەيىن عانا ماجىلىسكە قاتىساتىنىن مالىمدەدى.
سەنبى, 24 قاراشا 2012 7:21
تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا پروتسەسس جالعاسۋدا. كەشە سوت ءماجىلىسى زالىنا سوتتالۋشىنىڭ كەلۋى قامتاماسىز ەتىلدى. وسىلايشا, سوت چەلاحتىڭ اناسىنىڭ سوتتالۋشىنى سوت زالىنا اكەلۋ تۋرالى تالابى قاناعاتتاندىرىلدى. الايدا, ءماجىلىس باستالىسىمەن ۆ.چەلاح سوت پروتسەسىنە ودان ءارى قاتىسۋدان باس تارتاتىنىن ايتىپ, ءوزىن سوتتالۋشىلار كامەراسىنا قايتارۋدى ءوتىندى. ونىڭ ۇستىنە سوتتالۋشى ءىس بويىنشا بارلىق دالەلدەر تەكسەرىلگەننەن كەيىن عانا ماجىلىسكە قاتىساتىنىن مالىمدەدى.
ادۆوكات سارسەنوۆ بۇل ءوتىنىشتى قاناعاتتاندىرۋدى سۇراپ, پروتسەستى ۆ.چەلاحتىڭ قاتىسۋىنسىز جالعاستىرعان ءجون ەكەنىن ايتتى. وسى ساتتە چەلاح سوتتالۋشىلار وتىرعان جەردەن جۇلقىنا شىعىپ, كونۆوي قىزمەتىنە قارسىلىق كورسەتتى. سوت 5 مينۋتتىق ءۇزىلىس جاريالاپ, ونىڭ بارىسىندا سوتتالۋشى ءماجىلىس زالىنان شىعارىلدى. ءارى قاراي پروتسەسس چەلاحتىڭ قاتىسۋىنسىز جالعاستى.ءماجىلىستىڭ ەكىنشى جارتىسىندا سوت زارداپ شەگۋشىلەر وكىلدەرىن سۇراۋعا كوشتى. ولار وزدەرىنىڭ قازا تاپقان تۋىسقاندارى, شەكارا وتريادىنداعى قىزمەتتەرى, زارداپ شەككەندەر وتباسىلارىنىڭ «ارقانكەرگەن» بەكەتىندەگى بولعان وقيعانى قالاي بىلگەنى تۋرالى اڭگىمەلەپ, سوتتالۋشىعا قاتىستى وزدەرىنىڭ ءپىكىرلەرىن ءبىلدىردى. ماسەلەن, زارداپ شەككەن سارينوۆ, ءامىرعاليەۆ, قاپانوۆ, سۇندەتوۆتىڭ وكىلدەرى چەلاحتىڭ كىنالى ەكەندىگىنە سەنىمدى بولسا, رەي, ءىلياسوۆ, اقىشەۆ, قىدىراليەۆ, يمەنوۆانىڭ تۋىسقاندارى وزدەرىنىڭ پىكىرلەرىن سوت پىكىرتالاسى كەزىندە ءبىلدىرەتىندىكتەرىن ايتتى.سوت ءماجىلىسى كۇن سايىن تاڭەرتەڭگى 9:30-دان كەشكى 19:00-گە دەيىن اشىق رەجىمدە وتۋدە, دەپ حابارلادى قازاقستان رەسپۋبليكاسى اسكەري سوتىنىڭ باسپاسوز قىزمەتى.