پروتسەسس ودان ءارى جالعاسۋدا

بەيسەنبى, 22 قاراشا 2012 7:25

تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا سوت پروتسەسى ودان ءارى جالعاسۋدا. 21 قاراشا كۇنى ءۇزىلىس­تەن كەيىن ساعات 14.30-دا سوتتالۋشىنىڭ قور­عاۋ­شىسى س.سارسەنوۆكە ءسوز بەرىلدى. ول ءوزىنىڭ قاتىسۋىمەن قورعالۋشىسىنىڭ ايداۋىلدىڭ بولمەسىندە ءوز قولىمەن جازعان ارىزىن سوتقا تاپسىردى. وندا سوتتالۋشى كامەرادان شىعىپ سوت زالىنا بارۋدان جانە پروتسەسكە قاتىسۋدان باس تارتاتىنىن جازىپتى. بۇعان قوسا سوت­تا­لۋ­شى سوت ءىسى بويىنشا ايعاقتاردى زەرتتەپ بول­عان سوڭ عانا تۇسىنىك بەرەتىندىگىن جەتكىزگەن.سوت سوتتالۋشىعا سوت وتىرىسىنا قا­تىس­پاۋعا رۇقسات بەرگەنىمەن, بىراق ونىڭ قورعاۋ­شىلارىن سوت وتىرىسىنا قاتىسۋعا مىندەتتەدى. ونىڭ ۇستىنە سوتتىڭ ۇيعارىمى بويىنشا, ۆ.چەلاح ءوزىنىڭ قالاۋى بويىنشا كەز كەلگەن ۋاقىتتا سوت وتىرىسىنا ورالۋىنا بولادى. ادۆوكاتقا بۇل تۋرالى ءوزىنىڭ قورعاۋشىسىن قۇلاقتاندىرۋعا ۋاقىت بەرىلدى. وسىلايشا سوت پروتسەسى سوتتالۋشى ۆ.چەلاحسىز جالعاستى.بۇدان كەيىن ادۆوكات س.سارسەنوۆ ۆ.چەلاح­تى پسيحولوگيالىق-پسيحياتريالىق ساراپتامادان قايتا وتكىزۋ جونىندە ۇسىنىس ايتتى. سوت بۇل ۇسىنىستى اشىق قالدىردى.بۇدان سوڭ سوت ءىس بويىنشا ايعاقتاردى زەرت­تەۋگە كىرىستى. پروتسەسكە قاتىسۋشىلارعا ۆ.چە­لاحتىڭ تەرگەۋ وقشاۋلاعىشىندا وتىر­عان­دارمەن, اناسى جانە اتاسىمەن اڭگىمە­لە­رى­نىڭ بەينەجازباسى كورسەتىلدى. وسى بەي­نەجاز­با­لاردىڭ بارىندە سوتتالۋشى ەش­قان­داي قى­سىم­سىز ءوزىنىڭ قىزمەتتەستەرىن ءول­تىرۋ­دەگى جا­سا­عان قىلمىسىن تياناقتى تۇردە باياندايدى.

«ەگەمەن-اقپارات».