سەيسەنبى, 20 قاراشا 2012 7:08
اقمولا وبلىستىق كەدەن دەپارتامەنتىنىڭ تابىستى قىزمەتى جۇرتشىلىق نازارىندا ەكەندىگىن بىلەمىز. مۇندا بەلگىلەنگەن جوسپار-تاپسىرمالار ارتىعىمەن ورىندالادى. بۇل سالا قىزمەتكەرلەرىنىڭ كاسىبي بىلىكتىلىك دارەجەسىنىڭ بيىكتىگىن كورسەتەدى. ونى دەپارتامەنتتىڭ قۇقىق قورعاۋ سالاسىنا جاتاتىن قىزمەتكەرلەرىن كەزەكتەن تىس اتتەستاتتاۋدىڭ قورىتىندى كەزەڭىنە قاتىسۋ بارىسىندا ءوزىمىز دە ايقىن اڭعاردىق.
سەيسەنبى, 20 قاراشا 2012 7:08
اقمولا وبلىستىق كەدەن دەپارتامەنتىنىڭ تابىستى قىزمەتى جۇرتشىلىق نازارىندا ەكەندىگىن بىلەمىز. مۇندا بەلگىلەنگەن جوسپار-تاپسىرمالار ارتىعىمەن ورىندالادى. بۇل سالا قىزمەتكەرلەرىنىڭ كاسىبي بىلىكتىلىك دارەجەسىنىڭ بيىكتىگىن كورسەتەدى. ونى دەپارتامەنتتىڭ قۇقىق قورعاۋ سالاسىنا جاتاتىن قىزمەتكەرلەرىن كەزەكتەن تىس اتتەستاتتاۋدىڭ قورىتىندى كەزەڭىنە قاتىسۋ بارىسىندا ءوزىمىز دە ايقىن اڭعاردىق.
بولمەگە ءبىرىنشى بولىپ ىشكى قاۋىپسىزدىك باسقارماسىنا قاراستى جەدەل-قىزمەت ءبولىمىنىڭ باس مامانى ميحايل گاراجا ەنىپ, ءاسكەري تارتىپپەن راپورت بەردى. ول بۇعان دەيىن تەست سىناعىنان ءجۇز پايىزدىق كورسەتكىشتى يەمدەنىپ, دەنە شىنىقتىرۋ دايىندىعىن «جاقسى» باعاعا تاپسىرعان ەكەن. ۇجىم ارداگەرى اكىمشىلىك, ءتارتىپتىك جازاعا تارتىلماعان. ونىڭ سالماقتى بايانداۋلارىنان ويلاۋ بولمىسىنىڭ كەڭدىگى كورىنىپ تۇردى.جالپى, بۇگىنگى سىناقتا گاراجا سياقتى ءوز ىسىنە بەرىلگەن ازاماتتار كوپ بولىپ شىقتى. ولار اتتەستاتتاۋ كوميسسياسىنىڭ سۇراقتارىنا دالمە-ءدال جاۋاپ قايتارىپ, قابىلدانعان زاڭدار مەن ءنورماتيۆتى قۇجاتتاردىڭ قولدانىلۋ اياسىن اشىپ اڭگىمەلەدى. بۇل ساناتتاعى 18 قىزمەتكەردىڭ ىشىندەگى جالعىز قىز بالا اسەل مۇحاەۆانىڭ دايىندىعى دا تىڭعىلىقتى ەكەن. قارجى پوليتسياسى اكادەمياسىن بىلتىر بىتىرگەن ول اراعا كوپ ۋاقىت سالماي كونتراباندامەن كۇرەس باسقارماسىنىڭ اعا ينسپەكتورى دارەجەسىنە كوتەرىلىپ, ۇجىم ابىرويىنا بولەنگەن. سونداي-اق, اسكەري بورىشىن وتەگەن كاپيتان تەمىرحان قانافيننىڭ سۇراقتارعا مۇدىرمەي جاۋاپ بەرگەنىن اتاپ كورسەتكەن ءجون. كەزەك اعا مامان-كينولوگ اناتولي بوچارەۆكە كەلگەندە بولمە ىشىندە جىلى جەلپىنىس پايدا بولدى. رەسپۋبليكاعا تانىمال ماماننىڭ ەرلىگى مەن ونەگەلى ىستەرىن تالاي ماقالاعا ارقاۋ ەتكەن ءبىز ونىڭ اقتىق سىننان ويداعىداي وتكەنىنە قۋاندىق.بىراق, اتتەستاتتاۋ – كوڭىل اۋانىنا, قىزمەتكەردىڭ جۇمىس ءوتىلىنە, ءتىپتى, جيناقتاعان ابىروي-بەدەلىنە قارامايتىن قاتال سىن. وسىدان بولسا كەرەك, كەيبىر قىزمەتكەرلەردىڭ بىلگەنىن ۇمىتقانىن, بىرقاتارىنىڭ قاراپايىم سۇراقتاردان جاڭىلعانىن, ەندى ءبىرىنىڭ دايىندالماي كەلگەنىن دە كوردىك. كوميسسيا ءيىنى جۇمسارىپ ءيىلۋدى, كوزجۇمبايلىقتان ادا, ادىلدىگىمەن باقىلاۋشى رەتىندە قاتىسقان ءبىزدىڭ دە كوڭىلىمىزدەن شىقتى.اتتەستاتتاۋ كوميسسياسىنىڭ ءتوراعاسى, وبلىستىق كەدەندىك باقىلاۋ دەپارتامەنتى باستىعىنىڭ ورىنباسارى جامبىل بالعاباەۆ 14 كەدەنشىنىڭ اتقارىپ جۇرگەن قىزمەتىنە سايكەستىگىن, ءبىر ادامنىڭ جوعارى لاۋازىمعا ۇسىنىلاتىندىعىن مالىمدەدى. ال ەكى قىزمەتكەر قازىرگى لاۋازىمىنان بوساتىلىپ, قۇقىق قورعاۋ سالاسىنا جاتپايتىن وزگە بۋىندارعا اۋىساتىن بولدى. سونداي-اق, وزگە سالاداعى قىزمەتكەرلەر دە سىناقتان بوساتىلمايدى. ولار ءۇش جىلدا ءبىر رەت ءوتىپ تۇرادى. بۇل شارا كەدەن قىزمەتىنىڭ ساپىندا تاڭداۋلىلار عانا قالاتىنىنا سەندىرەدى.باقبەرگەن امالبەك, «ەگەمەن قازاقستان».اقمولا وبلىسى.