اجال اۋزىنان قۇتقارىپ قالدى

سارسەنبى, 24 قازان 2012 7:24

ىعى-جىعى قالانىڭ سانسىز تىرشىلىگىنە ساي مۇندا كۇندەلىكتى نەبىر وقيعالاردىڭ ورىن الىپ جا­تاتىنى قازىر ەشكىمدى دە تاڭ­عال­دىرا قويمايدى. دەگەنمەن, سو­لاردىڭ اراسىندا قوعامعا مۇلدە جات قىلىقتاردىڭ كورىنىس تابۋى ىزگى نيەتتى جانداردىڭ جانىن جا­بىر­قاتاتىنى بار. سونداي كەزدە پوليتسيا قىزمەتكەرلەرى ارالاسپاسا ار­تى نە بولار ەدى دەپ ويلاي­سىز. مىنە, سونداي ءبىر وقيعا الما­تى قا­لا­سىنىڭ اۋەزوۆ اۋدا­نىندا ورىن الدى. كەشكىلىك جۇرت­تىڭ جۇ­مىس­تان ۇيلەرىنە قايتاتىن ۋا­قىتىن پايدالانعان وتىز بەس جاس­تاعى ايەل قۇشاعىنا ءۇش جاسار ءسابيىن قىسقان كۇيى بەس قاباتتى ءۇيدىڭ توبەسىنە شىقتى. شىققان بويدا شاتىردىڭ جيەگىنە جا­قىن­داپ, مىنا ومىردەن باز كەشكەندىگىن ءبىلدىرىپ تومەنگە ايقاي سالدى.

سارسەنبى, 24 قازان 2012 7:24

ىعى-جىعى قالانىڭ سانسىز تىرشىلىگىنە ساي مۇندا كۇندەلىكتى نەبىر وقيعالاردىڭ ورىن الىپ جا­تاتىنى قازىر ەشكىمدى دە تاڭ­عال­دىرا قويمايدى. دەگەنمەن, سو­لاردىڭ اراسىندا قوعامعا مۇلدە جات قىلىقتاردىڭ كورىنىس تابۋى ىزگى نيەتتى جانداردىڭ جانىن جا­بىر­قاتاتىنى بار. سونداي كەزدە پوليتسيا قىزمەتكەرلەرى ارالاسپاسا ار­تى نە بولار ەدى دەپ ويلاي­سىز. مىنە, سونداي ءبىر وقيعا الما­تى قا­لا­سىنىڭ اۋەزوۆ اۋدا­نىندا ورىن الدى. كەشكىلىك جۇرت­تىڭ جۇ­مىس­تان ۇيلەرىنە قايتاتىن ۋا­قىتىن پايدالانعان وتىز بەس جاس­تاعى ايەل قۇشاعىنا ءۇش جاسار ءسابيىن قىسقان كۇيى بەس قاباتتى ءۇيدىڭ توبەسىنە شىقتى. شىققان بويدا شاتىردىڭ جيەگىنە جا­قىن­داپ, مىنا ومىردەن باز كەشكەندىگىن ءبىلدىرىپ تومەنگە ايقاي سالدى.

الاس-قاپاستا شىققان اششى داۋىسقا نازار اۋدارعان تۇر­عىن­دار سۇمدىق كورىنىسكە تاپ بولدى. اناسىنىڭ جات نيەتىن ۇعىن­عان­داي بولعان نارەستە دە سوناۋ ءتو­مەن­دە اجالدىڭ اۋزىن اشىپ تۇر­عا­نىن بايقاعانداي قورقىنىشتان باجىل­داپ قۇشاققا تىعىلا ءتۇ­ستى. بىراق ەسى-دەرتىن ءبىر-اق نارسە جاي­لاعان ايەل العان بەتىنەن قايتار ەمەس. جىلاپ, كوكىرەگىنە جابىسا تۇسكەن بالاپانىن قوس قولداي وزىنەن الىس­تاتا «تاستايمىن» دەپ اي­قايلادى. تومەندە جينالىپ قال­عان جۇرت بەس قاباتتى ءۇيدىڭ ۇشار باسىنان اي­قايلاعان بەلگىسىز ايەل­­دىڭ ءسا­بيىمەن بىرگە ءوزىنىڭ جەرگە سەكىرۋگە انىق بەكىنگەنىن ءتۇسىندى. مۇن­داي قادامعا بۇل بەيباقتىڭ نەلىكتەن بەل بۋعانىن ەشكىم بىلە المادى. سوندىقتان ولاردىڭ ارا­سىنان سول ساتتە اجالعا اراشا ءتۇ­سۋگە تالپىن­عان­دارى دا كورىنبەدى. تەك الدە­قا­لاي بىرەۋى پوليتسياعا ورىن ال­عالى تۇرعان سۇمدىق وقي­عا تۋ­رالى حابار جىبەرىپ ۇلگەردى. بۇل دا بولسا سول ساتتەگى وتە دۇرىس قادام ەدى.ءدال وسى كەزدە «بوران-086» پاترۋلدىك توبى اتالعان ۇيگە تاياۋ تۇستا قوعامدىق ءتار­تىپ­تى قا­داعالاپ جۇرگەن بولاتىن. ولار راتسيا ارقىلى ورتالىقتان سۇم­دىق حاباردى ەستىسىمەن بەس قاباتتى ءۇيدىڭ اۋلاسىنا ۇشا جەتتى. ادامدار قاراسى دا كوبەيىپ قا­لىپتى. جاعدايدى بىردەن شا­مالاعان توپ جەتەكشىسى, پوليتسيا اعا لەيتەنانتى سەرىك جاپاروۆ شاتىرعا كوتەرىلۋ ءۇشىن كىرەبەرىسكە ەنىپ كەتتى دە, ونىڭ ارىپتەسى پوليتسيا اعا سەرجانتى زايتجان ايۋپوۆ تومەندە قالدى. ول جاع­دايدىڭ تىم ۋشىعىپ بارا جات­قانىن بىردەن بايقاپ, توبەدەگى ايەلدى اقىلعا شا­قىرۋعا كىرىستى. ارىپتەسى جوعارى كوتەرىلگەنشە مۇمكىندىگىنشە ۋا­قىت وزدىرىپ, كەلىنشەكتى العان بەتىنەن كىدىرتە تۇرۋ كەرەك. بىراق ورشەلەنگەن بەيباق ەشكىمدى تىڭداعىسى دا كەلمەدى.امال نەشىك, قوس ءومىر­دى قۇت­قارام دەپ جوعا­رى­عا قۇسشا كوتە­رىل­گەن پوليتسيا اعا سەرجانتى س.جا­­پاروۆ ايەلدى ءسابيى­مەن ۇستاپ الۋ­عا ۇلگەرە المادى. ونىڭ يەك اس­تىنداعى كورىنىستى كور­گەندە تومەندە تۇرعان كوپشىلىكتىڭ جان داۋسى شىق­قانداي بولدى. بىرەۋلەرى قاراۋعا داتتەرى شى­دا­ماي كوز­دەرىن كولە­گەي­لەي بەردى. انا­سى ءسابيىن سوناۋ بيىكتەن ءوز قولى­مەن لاق­تى­رىپ جىبەرەدى دەگەنگە كىم سەنگەن. ءيا, كوپشىلىك سەن­بەي تۇرعان. الايدا, ءومىر­دەن شىن­داپ باز كەشكەن ايەل قاس-قاعىم ساتتە قۇ­شا­عىنان نارەس­تە­سىن ايىر­دى دا تاستاپ كەپ جىبەردى. جۇرت شۋ ەتە قالدى. ادامدار عانا ەمەس, قاتى­گەزدىك سال­دارىنان عيمارات­تار دا تەڭسەلىپ كەتكەندەي بول­دى. وي­لا­ما­عان وقىس وقيعا قاس-قاعىم ساتتە ورىن الدى. جازىقسىز ءسابي ىس­تىق قۇ­شاقتان ءوز انا­سىنىڭ ايالى الاقانى ارقىلى اجىراپ, بەس قا­باتتى ءۇيدىڭ توبە­سى­نەن كەرەگى جوق قۋ ءدۇ­نيە­دەي قۇل­ديلاي ءجو­نەل­دى. اعا­راڭداعان كيىمدەرى اۋا­نى قاق جارا زۋ­لاعان ەكپىنىنەن جەل­بىرەپ, قاراعان جان­­نىڭ دەمىن تارىلتىپ جىبەردى. كوپشىلىك ورىن­دارىنان قوز­عالا الماي قال­­دى. تەك پوليتسيا اعا سەرجانتى زايتجان ايۋپوۆ اتقان وقتاي اققان ءسابيدىڭ دەنەسى كوز ال­دىندا تاسقا سوعىلىپ, مىل­جا-مىلجاسى شىعا­رىن ءبىلىپ, بار قاي­را­تىن جيا اجال­عا قارسى ۇمتىل­دى. ءۇل­گەر­دى. اسقان ەپتىلىك پەن كۇشتى­لىك­تىڭ ار­قاسىندا كۇناسىز پاك ءسا­بي­دى اجال اۋزىنان قاعىپ الدى. جۇرت تاعى شۋ ەتە قالدى. سوسىن دەمدەرىن تەرەڭ الىپ, جادىراپ سالا بەردى.وزىنە نە بولىپ, نە قويعانىن تۇسىنبەگەن با­لا­­نى جەدەل جەتكەن ءدارى­گەر­لەر قاۋمالاپ, پسيحو­لو­­گيا­لىق كومەك بەرۋ ءۇشىن اۋرۋحاناعا الىپ كەتتى. ال ونى قۇتقارىپ قالعان پوليتسيا اعا سەرجانتى زايتجان ايۋپوۆ قىزمەتىن ودان ءارى جالعاستىرۋعا كىرىستى.

الەكساندر تاسبولاتوۆ,«ەگەمەن قازاقستان».