جۇما, 21 قىركۇيەك 2012 7:25
وبلىستىڭ ىشكى ىستەر دەپارتامەنتىنىڭ مالىمەتتەرىنە سايكەس, رەسمي تۇردە 10 مىڭنان استام ناشاقورلار ەسەپكە الىنعان. ولاردىڭ جاستارى ورتاشا 15 پەن 19 ارالىعىندا.
جىل سايىن وبلىستا 20 پايىز ناشاقور تىركەلەدى. وسىمەن قاتار, پروكۋرورلىق تەكسەرۋ كەلەسىدەي كورسەتتى: وتكەن جىلى وبلىس ورتالىعىندا ەسىرتكى زاتتارى مەن ءجۇيكەگە اسەر ەتەتىن زاتتاردىڭ زاڭسىز اينالىمىمەن بايلانىستى قارالعان قىلمىستىق ىستەردىڭ سانى ازايعان.
جۇما, 21 قىركۇيەك 2012 7:25
وبلىستىڭ ىشكى ىستەر دەپارتامەنتىنىڭ مالىمەتتەرىنە سايكەس, رەسمي تۇردە 10 مىڭنان استام ناشاقورلار ەسەپكە الىنعان. ولاردىڭ جاستارى ورتاشا 15 پەن 19 ارالىعىندا.
جىل سايىن وبلىستا 20 پايىز ناشاقور تىركەلەدى. وسىمەن قاتار, پروكۋرورلىق تەكسەرۋ كەلەسىدەي كورسەتتى: وتكەن جىلى وبلىس ورتالىعىندا ەسىرتكى زاتتارى مەن ءجۇيكەگە اسەر ەتەتىن زاتتاردىڭ زاڭسىز اينالىمىمەن بايلانىستى قارالعان قىلمىستىق ىستەردىڭ سانى ازايعان.
وسكەمەن قالالىق №2 سوتى قاراعان قىلمىستىق ىستەردىڭ 18 پايىزى ەسىرتكى زاتتاردىڭ زاڭسىز اينالىمىمەن بايلانىستى. اۋدانارالىق مامانداندىرىلعان سوت وسىنداي قىلمىستىق ىستەردىڭ 60 پايىزىنا ۇكىم شىعاردى. الايدا, ەسىرتكى زاتتارى بويىنشا سوتتار قاراعان ىستەردىڭ جالپى سانى ءوتكەن جىلدىڭ وسى تەكتەس مەرزىمىمەن سالىستىرعاندا 4 ەسە ازايعان.
ەسىرتكى زاتتارىنىڭ زاڭسىز اينالىمىمەن بايلانىستى قىلمىستارى ءۇشىن سوتتالعان ايەلدەردىڭ سانى دا ازايدى. 2011 جىلدىڭ 1 جارتىجىلدىعىندا 9 ايەل ادام سوتتالسا, وسى جىلى 7 ايەل ادام سوتتالدى.
مىسالى, 2012 جىلى وسكەمەن قالاسىنداعى ءبىر مەكتەپتىڭ 8-سىنىپ وقۋشىسى وتە ءىرى مولشەردە – 60 گرامم گەروين ساقتاعانى ءۇشىن 3 جىلعا باس بوستاندىعىنان ايىرىلعان.
م.الەكساندرا دەگەن 17 جاسار قىز تاجىريبەلى ناشاقور بولىپ شىقتى. ول مەكتەپ قابىرعاسىندا جۇرگەندە ەسىرتكى زاتتارىن پايدالانا باستاعان. 9-سىنىپتى ازەر ءبىتىردى. قازىرگى كەزدە ول 3 جىلعا باس بوستاندىعىنان ايىرىلىپ, كولونيادا وتىر. ونى كولونيادا ءماجبۇرلى تۇردە ەمدەيدى.
2 توپتاعى مۇگەدەك س.فاتيما ەكى بالانىڭ اناسى. بۇرىن سوتتالماعان. ەسىرتكى زاتتارىن ساتۋمەن اينالىسقان, بۇل ونىڭ وتباسىنا تۇراقتى تابىس اكەلەتىن. سوتتا فاتيما ءوزىنىڭ كىناسىن مويىندامادى.
قۇقىق قورعاۋ ورگاندارى ەسىرتكى بيزنەسىندە وتباسىنىڭ بارلىق مۇشەلەرى ەسىرتكى ساتۋمەن اينالاساتىنىن جاسىرمايدى. ەگەر, اكەسى ۇستالىپ قالسا, شەشەسى مەن بالالارى دا جاستارىنا قاراماي, ونىڭ ءىسىن جالعاستىرۋعا تىرىسادى. ناشاقورلار مەن ەسىرتكى زاتتاردى ساتۋشىلار سالداردى ويلاپ جاتپايدى. ولار ءوز ەركىمەن ەمدەلگىسى دە كەلمەيدى. ناشاقورلار ەسىرتكى زاتتارىن قابىلداعاننان باستاپ 5-7 جىل عانا ءومىر سۇرەدى.
لاريسا موستوۆەنكو-ابجانوۆا,
شىعىس قازاقستان وبلىستىق پروكۋراتۋراسى
باسقارماسىنىڭ اعا پروكۋرورى.