توتتانۋعا قارسى جابدىقتى ورناتۋ سۋ ساپاسىن جاقسارتادى جانە قۇبىرلاردىڭ قىزمەت ەتۋ مەرزىمىن 40 جىلعا دەيىن ۇزارتادى, بۇل مەملەكەتتىك بيۋدجەتتەن جەلىلەردى قايتا جاڭعىرتۋعا جۇمسالاتىن شىعىنداردى ازايتۋعا مۇمكىندىك بەرەدى. 2018 جىلى "تكش قازورتالىعى" اق بىرلەسىپ NMR Pipetector تەحنولوگياسى 14 وڭىردە تكش سۋبەكتىلەرىنە تانىستىرىلدى.
قازاقستاننىڭ ەڭ ءىرى قالاسىندا قۇبىر ۇزىندىعى ەڭ ۇلكەن جابدىقتاردى پيلوتتىق سىناۋعا ءبىرىنشى بولىپ «الماتى جىلۋ جەلىلەرى» جشس قىزىعۋشىلىق تانىتتى. NMR Pipetector سۋىق جانە ىستىق سۋمەن جابدىقتاۋ, جىلۋمەن جابدىقتاۋ جانە كونديتسيونەرلەۋ جۇيەلەرى بولات قۇبىرلارىنىڭ ۇستىنە بەكىتىلەتىن قۇرىلعى. بۇل قۇرىلعى بەلگىلى ءبىر ۇزىندىقتاعى ەلەكتروماگنيتتى تولقىندى تۋدىرادى, ول ەركىن ەلەكترونداردىڭ پايدا بولۋىمەن سۋ مولەكۋلالارىنىڭ ۇلكەن كلاستەرلەرىن شاعىن بولىكتەرگە بولەدى. گيدراتتالعان ەلەكتروندار سۋدا ەرىتىلگەن قىزىل توتقا تۇسەدى جانە ونى بىرتىندەپ ەرىمەيتىن قارا توتقا (ماگنەتيت) اينالدىرادى. ماگنەتيت قۇبىر قابىرعالارىندا ورنالاسادى جانە قۇبىردىڭ قىزمەت ەتۋ مەرزىمىن ۇلعايتۋعا مۇمكىندىك بەرەتىن قورعانىس قابىرشاعىن جاسايدى.
وسىلايشا, قۇرىلعى قۇبىردى نىعايتادى جانە قىزمەت مەرزىمىن ۇزارتادى جانە ارتىق تەمىردەن سۋدى تازارتادى. جاپون دەلەگاتسياسىنىڭ وكىلدەرى جابدىقتىڭ تيىمدىلىگىن دالەلدەۋ ءۇشىن كومپانيا ماماندارى اي سايىنعى نەگىزدە سۋداعى تەمىردىڭ قۇرامى مەن قۇرال ورناتقانعا دەيىن جانە كەيىن ماگنەتيت مولشەرى بويىنشا ساراپتاما جۇرگىزەتىنىن اتاپ ءوتتى.