كوكشەتاۋ اۋەجايى حالىقارالىق اۋە رەيستەرىن قايتا جانداندىرماق. مامىر ايىنىڭ سوڭىنا قاراي ماسكەۋ-كوكشەتاۋ-ماسكەۋ باعىتىندا اۋە رەيسى قاتىنايتىن بولادى. رەيستى يركۋتسكىنىڭ «يراەرو» اۋەكومپانياسى 98 جولاۋشىعا ارنالعان «Sukhoi Superjet 100» ۇشاعى ارقىلى جۇزەگە اسىرادى دەپ كۇتىلەۋدە.
مۇنداي قادام اقمولا ءوڭىرىنىڭ تۋريستىك الەۋەتىن ارتتىرا تۇسۋگە يگى ىقپالىن تيگىزەدى. ازىرگە رەيس اپتاسىنا ءبىر رەت, كەيىن ەكى رەت ماسكەۋدىڭ جۋكوۆسكي اۋەجايى ارقىلى ۇيىمداستىرىلادى. بۇل ارەكەت كورشى مەملەكەتپەن ساۋدا-ەكونوميكالىق قاتىناستاردى دا جاقسارتا تۇسپەك. الداعى جىلى كوكشەتاۋدا قازاقستان-رەسەي وڭىرارالىق ىنتىماقتاستىق فورۋمىن وتكىزۋ جوسپارلانىپ وتىر. بۇل سول ماڭىزدى ءىس-شارالارعا دايىندىقتىڭ ءبىر پاراسى.
جاز ايلارىندا تابيعاتى تامىلجىعان بۋراباي باۋرايىنا رەسەيلىكتەردىڭ قىزىعۋشىلىعى ارتا تۇسەدى. مىنە, وسىنداي كەزدە قاتىناستا كىدىرىستىڭ بولماعانى جاقسى.
اقمولا وبلىسى