قر ۆيتسە-پرەمەرى رەسپۋبليكالىق ۇشجاقتى كوميسسيا وتىرىسىن وتكىزدى. وعان كوميسسيا مۇشەلەرى, قالا جانە اۋدان اكىمدەرى, «اتامەكەن» ۇكپ, ءىرى كومپانيالاردىڭ, بيزنەس قۇرىلىمداردىڭ جانە كاسىپوداق ۇيىمدارىنىڭ جەتەكشىلەرى قاتىستى. وتىرىستا الەۋمەتتىك-ەڭبەك قاتىناستارى, الەۋمەتتىك ارىپتەستىك, قىزمەتكەرلەردىڭ ەڭبەك قۇقىقتارىن قورعاۋ, «بىرلەستىكتەردىڭ بوستاندىعى جانە كاسىپوداقتارعا بىرىگۋ قۇقىعىن قورعاۋ تۋرالى» №87 كونۆەنتسيانى قولدانۋ جونىندەگى حالىقارالىق ەڭبەك ۇيىمدارىنىڭ ۇسىنىستارى بويىنشا جول كارتاسىن جۇزەگە اسىرۋ سۇراقتارى قارالدى.
وتىرىستى اشۋ كەزىندە گۇلشارا ابدىقالىقوۆا الەۋمەتتىك ارىپتەستىكتىڭ ارەكەت ەتۋشى مودەلى مەملەكەت, جۇمىس بەرۋشى جانە جۇمىسكەر اراسىنداعى جاۋاپكەرشىلىكتى تەڭ دارەجەدە بولۋگە نەگىزدەلگەندىگىنە ەرەكشە نازار اۋداردى. الەۋمەتتىك ارىپتەستىك سالاسىنداعى نەگىزگى مىندەتتەردىڭ ءبىرى — الەۋمەتتىك-ەڭبەك داۋلارىنىڭ الدىن-الۋ. سوندىقتان الەۋمەتتىك ارىپتەستىكتىڭ بارلىق قاتىسۋشىلارى وندىرىستىك جاراقاتتىڭ, جالاقىنىڭ ۋاقىتىلى تولەنبەۋىنىڭ, اۋماقتاردا الەۋمەتتىك ۋشىعۋدىڭ مونيتورينگىنىڭ كۇشەيۋىنە جول بەرمەۋ ماسەلەلەرىن جانە ت.ب. ەرەكشە باقىلاۋعا الۋ قاجەت.
كاسىبي سىن-تەگەۋرىندەردى باسقارۋدىڭ قازىرگى كەزدەگى جۇيەسىن ەنگىزۋ ماقساتىندا 1 ساۋىردەن باستاپ 2231 كاسىپورىن ەڭبەك قاۋىپسىزدىگى جانە ەڭبەك قورعاۋ ستاندارتتارىن ەنگىزدى. 184,9 مىڭ جۇمىس بەرۋشى تومەن جالاقى الاتىن 963 مىڭ جۇمىسكەردىڭ ەڭبەك اقىسىن ءوسىردى. سونىڭ ناتيجەسىندە ولاردىڭ جالاقىسى 33%-عا كوتەرىلدى (43 مىڭنان 57,5 مىڭ تەڭگەگە دەيىن). ەلىمىز بويىنشا بارلىعى 98,7 مىڭ ۇجىمدىق كەلىسىمشارت جاسالعان, ونىڭ ىشىندە 95,1% ءىرى جانە ورتا كاسىپورىنداردا ۇجىمدىق كەلىسىمشارتتار بار.
ءارى قاراي اباي قالاسىنىڭ مادەنيەت ۇيىندە قر ۆيتسە-پرەمەرى جانە جۇمىس توبىنىڭ مۇشەلەرى كوپ بالالى انالارمەن, از قامتىلعان وتباسىلارمەن, ەڭبەك ارداگەرلەرىمەن, مۇمكىندىكتەرى شەكتەۋلى جاندارمەن, مۇعالىمدەرمەن, دارىگەرلەرمەن, جۇرتشىلىق وكىلدەرمەن كەزدەسۋ وتكىزدى.
قر پرەمەر-ءمينيسترىنىڭ ورىنباسارى وز سوزىندە جاڭا الەۋمەتتىك ساياساتتىڭ باسىمدىلىعى حالىقتىڭ از قامتىلعان وتباسىلارىنىڭ كىرىسىن كوتەرۋ, تۇرعىن-ءۇي ماسەلەسىن شەشۋ, ءبىلىم بەرۋ جانە مەديتسينا قىزمەتىنىڭ ساپاسىن ارتتىرۋ, اۋماقتاردى كەشەندى دامىتۋ ەكەنىن اتاپ كورسەتتى. ەرەكشە نازار اۋدارعانى, باستى مىندەت — ادامداردى جۇمىسپەن قامتۋ, ال الەۋمەتتىك كومەك وبەكتيۆتى سەبەپتەرگە بايلانىستى ءوز بەتىنشە ەڭبەك ەتە المايتىن ادامدارعا كورسەتىلەدى.
جۇمىس توبىنىڭ باسقا مۇشەلەرى ءوز باعىتتارى بويىنشا ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىن ءتۇسىندىردى. سوڭىندا جۇمىس توبىنىڭ مۇشەلەرى زالدان كەلىپ تۇسكەن سۇراقتارعا جاۋاپ بەردى.
وسى كۇنى ءبىلىم جانە عىلىم ءمينيسترى ك. ءشامشيدينوۆا جانە دەنساۋلىق ساقتاۋ ءمينيسترى ە. ءبىرتانوۆ, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ قاراعاندى جانە اباي قالالارىنىڭ مۇعالىمدەرىمەن, دارىگەرلەرىمەن, قۇرىلىس كومپانيالارىنىڭ جۇمىسكەرلەرىمەن كەزدەستى. كەزدەسۋلەردە ءبىلىم بەرۋ جانە دەنساۋلىق ساقتاۋ سالالارىن ءارى قاراي دامىتۋ, قۇرىلىس نىساندارىنىڭ ساپالى جانە مەرزىمىندە اياقتالۋى سەكىلدى وزەكتى ماسەلەلەر تالقىلاندى.
ۇكىمەت دەلەگاتسياسىنىڭ جۇمىسى سولتۇستىك قازاقستان وبلىسىندا جالعاسادى.