«سارىارقا» ماگيسترالدى گاز قۇبىرى تۇڭعىش پرەزيدەنت ن.ءا.نازارباەۆتىڭ «پرەزيدەنتتىڭ بەس الەۋمەتتىك باستاماسى» اياسىندا قولعا الىنعان ەلوردانى گازداندىرۋعا باعىتتالعان ءىرى جوبالاردىڭ ءبىرى. «قىزىلوردا – جەزقازعان – قاراعاندى – تەمىرتاۋ - نۇر-سۇلتان» باعىتى بويىنشا جالپى ۇزىندىعى 1061 شاقىرىمدى قۇرايتىن گاز قۇبىرىنىڭ 179 كم جۋىعى وسى سىر وڭىرىنەن وتەدى. بۇگىندە قۇرىلىس-مونتاجداۋ جۇمىستارى «قازسترويسەرۆيس» ۇمقك» اق قارقىندى جۇرۋدە. جوبانى جۇزەگە اسىرۋعا جەرگىلىكتى كومپانيالار مەن جەرگىلىكتى ەڭبەك رەسۋرستارىندا قامتىلعان.
– وزدەرىڭىزگە بەلگىلى پارتيا توراعاسى «Nur Otan» پارتياسىنىڭ كەزەكتى ءحVىىى سەزىندە حالىقتىڭ الەۋەتىن ارتتىرىپ, اۋىلدىق ەلدى مەكەندەردىڭ ينجەنەرلىك جانە الەۋمەتتىك ينفراقۇرىلىمىن دامىتۋعا باعىتتالعان بىرنەشە پارتيالىق جوبالاردى جۇزەگە اسىرۋدى تاپسىردى. سونىڭ ءبىرى وسى «قۇتتى مەكەن» جوباسى. بۇگىن جوبا اياسىندا ايماقتىق پارتيا فيليالىنىڭ پارتيالىق باقىلاۋ كوميسسياسىمەن بىرگە «سارىارقا» ماگيسترالدى گاز قۇبىرىنىڭ قۇرىلىس-مونتاجداۋ جۇمىستارىنا, مەملەكەت قارجىسىنىڭ ناتيجەلى جۇمسالۋىنا پارتيالىق باقىلاۋ جاساپ, جۇمىسشىلاردىڭ جاعدايىمەن تانىسىپ وتىرمىز. باستى ماقسات پارتيا توراعاسى, تۇڭعىش پرەزيدەنتىمىزدىڭ بەس الەۋمەتتىك باستاماسىنىڭ ورىندالۋىن قاداعالاۋ. ارينە, جوبانىڭ ءوز دەڭگەيىندە جۇرگىزىلۋى وتە قۋانتىپ وتىر. ەڭ باستىسى جوبا ىسكە قوسىلعان ۋاقىتتا قانشاما وتباسىن كوگىلدىر وتىنمەن قامتىپ قانا قويماي, سولتۇستىك وڭىرلەردەگى ەكولوگيانى جاقسارتاتىنى انىق. مۇنى وتكەن جىلى وسى ماگيسترالدى گاز قۇبىرى جوباسىن جۇزەگە اسىرۋعا تاپسىرما بەرگەن ۋاقىتتا پارتيا توراعاسى, تۇڭعىش پرەزيدەنتىمىز ەرەكشە ماڭىز بەرىپ, اتاپ وتكەن بولاتىن, – دەدى ورتالىق پارتيا اپپاراتى پارتيالىق باقىلاۋ قىزمەتىنىڭ ينسپەكتورى, «قۇتتى مەكەن» پارتيالىق جوباسىنىڭ جەتەكشىسى نۇرلان بايمىرزاەۆ.
قىزىلوردا وبلىسى