وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق قىزىلوردا وبلىسى بويىنشا فيليالىنىڭ ديرەكتورى ايدىن قايرۋللاەۆ وسىلاي دەيدى.
«ەلەكتروندىق قىزمەتتەردى كەز كەلگەن ادام ۇيىندە وتىرىپ نەمەسە حالىققا قىزمەت كورسەتۋ ورتالىقتارىنداعى Connection Point سەكتورلارىندا وزدىگىمەن الا الادى. ول ءۇشىن ازاماتتارعا ەلەكتروندىق تسيفرلىق قولتاڭبا كەرەك نەمەسە موبيلدىك ازاماتتار بازاسىندا تىركەلۋى ءتيىس», - دەدى ول.
ماسەلەن, فيليالمەن وتكەن جىلى ءۇش ءجۇز مىڭنان استام قىزىلوردالىققا ەتسق بەرىلدى. ەگەر 2018 جىلى 230 مىڭنان استام وبلىس تۇرعىنى ءموبيلدى ازاماتتار بازاسىنا تىركەلسە, 2019 جىلدىڭ I توقسانىندا بۇل كورسەتكىش 93 مىڭدى قۇرادى. اتالعان جۇيەگە تىركەلگەن ازاماتتار مەملەكەتتىك قىزمەتتەردى عالامتور ارقىلى پايدالانۋشىلار قاتارىنا قوسىلعان.
«Connection point» وزىنە-ءوزى قىزمەت كورسەتۋ سەكتورىندا قىزمەت الۋشىلار سانى 2016 جىلى 442 مىڭنان استام بولسا, 2018 جىلى 728 مىڭ قۇراعان. ياعني, 40 پايىزعا ارتىپ وتىر.
جاقىن ۋاقىتتا حالىق كوپ شوعىرلانعان ورىنداردا, ساۋدا ورتالىقتارىندا «Connection point» سەكتورلارىن اشۋ جوسپارلانۋدا.
قىزىلوردا وبلىسى