سارسەنبى, 25 شىلدە 2012 7:43
مەملەكەتتىڭ ماڭىزدى قۇقىقتىق-ساياسي باعىتتارىنىڭ ءبىرى – ادامدى ار-نامىسىنا قول سۇعۋشىلىقتان قورعاۋ جانە قۇقى بۇزىلعان جاعدايدا ونى قالپىنا كەلتىرۋگە باعىتتالعان ءتيىمدى تەتىكتەردى قۇرۋ بولىپ تابىلادى. ال ءبىزدىڭ ەلىمىزدە ادام قۇقىنا قول سۇعۋشىلىقتىڭ ءبىر كورىنىسى جاپپاي سىبايلاسقان جەمقورلىقتىڭ ەتەك الۋى بولىپ وتىر. وسى ورايدا ونى جويۋ نەمەسە بولدىرماۋ ەلباسىنىڭ جولداۋىندا ايتىلعانداي, قۇقىق قورعاۋ ورگاندارىنىڭ ايقىن مىندەتى.
سارسەنبى, 25 شىلدە 2012 7:43
مەملەكەتتىڭ ماڭىزدى قۇقىقتىق-ساياسي باعىتتارىنىڭ ءبىرى – ادامدى ار-نامىسىنا قول سۇعۋشىلىقتان قورعاۋ جانە قۇقى بۇزىلعان جاعدايدا ونى قالپىنا كەلتىرۋگە باعىتتالعان ءتيىمدى تەتىكتەردى قۇرۋ بولىپ تابىلادى. ال ءبىزدىڭ ەلىمىزدە ادام قۇقىنا قول سۇعۋشىلىقتىڭ ءبىر كورىنىسى جاپپاي سىبايلاسقان جەمقورلىقتىڭ ەتەك الۋى بولىپ وتىر. وسى ورايدا ونى جويۋ نەمەسە بولدىرماۋ ەلباسىنىڭ جولداۋىندا ايتىلعانداي, قۇقىق قورعاۋ ورگاندارىنىڭ ايقىن مىندەتى.
بۇل ماقساتتى ورىنداۋ بارىسىندا حالىقتى قورعاۋدىڭ زاماناۋي اقپاراتتىق جۇيەلەرى ازىرلەنىپ, ونى جۇزەگە اسىرۋ جونىندە اۋقىمدى جۇمىستار دا اتقارىلدى. سونىڭ ءبىرى رەتىندە زاڭدىلىقتى جانە قۇقىق ءتارتىبىن قامتاماسىز ەتۋ شەڭبەرىندە باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى وتىنىشتەردىڭ قارالۋىنىڭ اشىقتىعىن, ايقىندىلىعىن, سونداي-اق سىبايلاس جەمقورلىق ارەكەتتەرگە العىشارت رەتىندەگى شەنەۋنىكتەر مەن ازاماتتاردىڭ جەكە قارىم-قاتىناسىن بولدىرماۋدى كوزدەيتىن «ايقىن» جوباسىن ازىرلەدى.
وسى ورايدا باس پروكۋراتۋرانىڭ قۇقىقتىق ستاتيستيكا ءجانە ارنايى ەسەپكە الۋ جونىندەگى كوميتەتىنىڭ ءتورايىمى س.ايتپاەۆا «ايقىن» كەزەكتى يننوۆاتسيالىق جوباسىنىڭ رەسپۋبليكا بويىنشا كەزەڭ-كەزەڭىمەن ەنگىزىلۋى تۋرالى حابارلادى. ازاماتتاردىڭ ءوتىنىشتەرىمەن جۇمىس بيلىكتىڭ حالىقپەن ءوزارا ءىس-قيمىلىنىڭ ماڭىزدى نىسانى بولىپ تابىلادى. وكىنىشكە قاراي قازىرگى ۋاقىتتا جۇمىس ىستەپ تۇرعان جۇيەمەن ءوتىنىش بەرۋشىگە جەدەل, ال كەيدە ساپالى اقپارات جەتكىزۋ ءاردايىم مۇمكىن ەمەس. وعان مىناداي دەرەكتەر دالەل. بۇل ءمالىمەتتەرگە قاراعاندا, رەسپۋبليكا بويىنشا 2011 جىلى جەكە جانە زاڭدى تۇلعالار بارلىق مەملەكەتتىك ورگاندارعا 20,5 ميلليون ءوتىنىش بەرسە, ولاردىڭ 14 657-ءسىنىڭ قارالۋ مەرىزىمى ساقتالماعان. ال ۇستىمىزدەگى جىلدىڭ 1-ءشى توقسانىندا جەكە جانە زاڭدى تۇلعالار مەملەكەتتىك ورگاندارعا 4 ميلليوننان استام ءوتىنىش بەرگەن, ولاردىڭ 1 272-ءسىنىڭ قارالۋ مەرزىمى بۇزىلعان.اتالعان «ايقىن» جوباسى جەكە جانە زاڭدى تۇلعالاردىڭ ءوز وتىنىشتەرىن مەملەكەتتىك ورگانداردىڭ ناقتى ۋاقىت تارتىبىندە قاراۋ بارىسىن باقىلاپ وتىرۋعا مۇمكىندىك بەرەدى. مىسالى, ءاركىم ءوز ءوتىنىشى بويىنشا قۇجاتتىڭ جىلجۋىمەن قاتار, قاراۋ مەرزىمدەرىنىڭ بۇزىلۋ دەرەكتەرىن دە قوسا باقىلاي الادى. جاڭا جوبانىڭ ماقساتى مەملەكەتتىك ورگانداردىڭ جەكە جانە زاڭدى تۇلعالاردىڭ وتىنىشتەرىن قاراۋ ءجونىندەگى جۇمىسىن ناقتى ۋاقىت رەجىمدە تۇراقتى تۇردە جۇرتشىلىقتىڭ باقىلاۋىن جانە پروكۋراتۋرا ورگاندارىنىڭ قاداعالاۋىن جۇزەگە اسىرۋ بولىپ تابىلادى.وتكەن جىلى «ايقىن» جوباسى بويىنشا اقمولا وبلىسى اكىمدىگىنىڭ قۇرىلىمدىق ءبولىمشەلەرىندە ارنايى سىناق ءجۇرگىزىلدى. كوكشەتاۋ قالاسىنىڭ اكىمدىگىندەگى قاناتقاقتى ءتاجىريبە بارىسىندا مەملەكەتتىك ورگانعا جۇگىنىپ, تالون العان 6 جارىم مىڭنان ارتىق ادامنىڭ 70 پايىزى «ايقىن» جۇيەسى ارقىلى وزدەرىنىڭ وتىنىشتەرىنىڭ قارالۋ بارىسىن باقىلاي الدى.جوبانى جۇزەگە اسىرۋ 2012-2014 جىلدار ارالىعىندا كەزەڭ-كەزەڭمەن ىسكە اسىرىلاتىن بولادى. وسى جىلدىڭ 1 شىلدەسىنەن باستاپ «ايقىن» جوباسى استانا قالاسىنىڭ مەملەكەتتىك ورگاندارىنىڭ اپپاراتتارىندا ەنگىزىلەدى. ءوتىنىشتى مەملەكەتتىك ورگانعا ءوز قولىمەن بەرگەن جاعدايدا ءوتىنىش بەرۋشى ءوتىنىشتى قابىلداعان كەڭسە قىزمەتكەرىنەن 18 تاڭبالى بىرەگەي ءنومىرى بار تالون الادى.ازاماتتاردىڭ وتىنىشتەرىمەن جۇمىس ىستەي ءبىلۋ بيلىكتىڭ حالىقپەن ءوزارا ءىس-قيمىلىنىڭ ماڭىزدى نىسانى بولىپ تابىلادى. سوندىقتان دا مەملەكەتتىك بيلىك جانە جەرگىلىكتى ءوزىن-ءوزى باسقارۋ ورگاندارىنىڭ ىقپال ەتۋ ءناتيجەلەرى بويىنشا ولاردىڭ قىزمەتىنىڭ ساپاسى باعالانادى, ءسويتىپ ءاربىر ازاماتتىڭ بيلىككە سەنىمى قالىپتاسادى.قانداي دا ءبىر مەملەكەتتىك ورگانعا جۇگىنە وتىرىپ, ازامات ءوزى قويعان ماسەلەلەردىڭ زاڭدى جانە ۋاقتىلى شەشىلۋىنە, سونداي-اق ءتيىستى جاۋاپ الۋعا ءۇمىتتەنەدى. ال قازىرگى قولدانىستاعى جۇيە ءوتىنىش بەرۋشىنى جەدەل, ءتىپتى كەيدە تالاپقا ساي اقپاراتتاندىرۋعا مۇمكىندىك بەرمەيدى. ءوتىنىش بەرۋشىلەرمەن جۇمىس تيىمدىلىگىنىڭ تومەن بولۋىنىڭ نەگىزى جۇگىنگەن جەكە جانە زاڭدى تۇلعالاردىڭ قاناعاتتانباۋى ءتيىستى لاۋازىمدى شەنەۋنىكتەر بىلىكتىلىگىنىڭ تومەندىگىنەن جانە وتىنىشتەردى قاراۋعا دۇرىس قارىم-قاتىناس جاساماۋىنان بولادى. مىنە, وسىنداي كەلەڭسىزدىكتەرگە بايلانىستى مەملەكەتتىك ورگانداردىڭ جەكە جانە زاڭدى تۇلعالار وتىنىشتەرىن قاراۋ ءجونىندەگى جۇمىسىنا پروكۋراتۋرا ورگاندارىنىڭ «ونلاين» رەجىمدە تۇراقتى تۇردە باقىلاۋ جانە قاداعالاۋ جاساپ تۇرۋى ءۇشىن «ايقىن» جوباسى دۇنيەگە كەلدى.بۇل قىزمەت ءتۇرى حالىق اراسىندا جوعارى قولداۋ تاپقانىن اتاپ ءوتۋ قاجەت, بۇعان سەبەپ اتالعان اقپاراتتىڭ ازاماتتار ءۇشىن قاي كەزدە دە جانە قاي جەردە بولسا دا قول جەتىمدىلىگى, ءويتكەنى بۇل جوبا جاۋاپ بەرۋ كۇنىن عانا ەمەس قاراۋدىڭ مەرزىمىن ۇزارتۋدى جانە ۆەدومستۆولىق باعىنىستىلىعى بويىنشا قايتا جولداۋدى انىقتاۋعا مۇمكىندىك بەردى.مەملەكەتتىك ورگانداردىڭ وتىنىشتەردى قاراۋ قىزمەتىن باعالاۋدىڭ نەگىزگى ولشەمدەرىنىڭ ءبىرى مەرزىمى بۇزىلىپ قارالعان وتىنىشتەر سانىنىڭ ءوسۋى نەمەسە تومەندەۋى بولىپ تابىلادى. تاجىريبە جۇرگىزىلگەن كەزەڭدە كوپتەگەن ءوتىنىشتىڭ مەرزىمى بۇزىلىپ قارالسا, وتكەن جىلدىڭ سايكەس كەزەڭىندەگى بۇل كورسەتكىش تومەندەگەن. دەمەك سالىستىرمالى تۇردە ايتساق كەمشىلىكتەر تۇزەتىلىپ كەلەدى. ءسويتىپ, «ايقىن» جوباسىن پرەزيدەنت اكىمشىلىگى قولداپ, ونى بۇكىل رەسپۋبليكا اۋماعىندا ەنگىزۋ قاجەتتىگى تۋرالى شەشىم قابىلدادى. «ايقىن» جوباسىن ەنگىزۋدى اياقتاۋ 2014 جىلدىڭ ءتورتىنشى توقسانىنا جوسپارلانعان.
الەكساندر تاسبولاتوۆ,«ەگەمەن قازاقستان».