بەيسەنبى, 28 ماۋسىم 2012 7:17
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىندە استانا قالاسىنداعى ەۋروپاداعى قاۋىپسىزدىك جانە ىنتىماقتاستىق ۇيىمىمەن (ەقىۇ) بىرلەسكەن سىندارلى شارا ۇيىمداستىرىلدى. بۇل ەقىۇ-نىڭ 20-شى ەكونوميكالىق-ەكولوگيالىق فورۋمىنا دايىندىق اياسىنداعى «ءتيىمدى باسقارۋ ارقىلى قاۋىپسىزدىك پەن تۇراقتىلىقتى باياندى ەتۋ» اتتى كەزدەسۋ دەپ اتالدى.
بەيسەنبى, 28 ماۋسىم 2012 7:17
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىندە استانا قالاسىنداعى ەۋروپاداعى قاۋىپسىزدىك جانە ىنتىماقتاستىق ۇيىمىمەن (ەقىۇ) بىرلەسكەن سىندارلى شارا ۇيىمداستىرىلدى. بۇل ەقىۇ-نىڭ 20-شى ەكونوميكالىق-ەكولوگيالىق فورۋمىنا دايىندىق اياسىنداعى «ءتيىمدى باسقارۋ ارقىلى قاۋىپسىزدىك پەن تۇراقتىلىقتى باياندى ەتۋ» اتتى كەزدەسۋ دەپ اتالدى.
كەزدەسۋگە قارجى پوليتسياسى اگەنتتىگىنىڭ باسشىلىعى مەن جەكە قۇرامى, سىرتقى ىستەر مينيسترلىگىنىڭ سىرتقى ساياسي تالداۋ جانە بولجامداۋ كوميتەتىنىڭ توراعاسى س. ابدىكارىموۆ, استاناداعى ەقىۇ ورتالىعىنىڭ باسشىسى ناتاليا زارۋدنا, قر مەملەكەتتىك ورگاندارىنىڭ, ۇكىمەتتىك ەمەس جانە حالىقارالىق ۇيىمداردىڭ وكىلدەرى قاتىستى.
ءىس-شارانىڭ ماقساتى – قازاقستاندا مەملەكەتتىك باسقارۋ اياسىندا سىبايلاس جەمقورلىققا قارسى كۇرەس, زاڭسىز جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا ۇلتتىق سالالى مەملەكەتتىك ۆەدومستۆولاردىڭ, قارجى ينستيتۋتتارىنىڭ, عىلىمي مەكەمەلەردىڭ, جەكەمەنشىك سەكتوردىڭ, ۇكىمەتتىك ەمەس جانە حالىقارالىق ۇيىمداردىڭ كۇشىن بىرىكتىرۋ جانە ىنتىماقتاستىقتىڭ دەڭگەيىن كوتەرۋ بولىپ تابىلادى.
كەزدەسۋ بارىسىندا ەقىۇ- نىڭ استانالىق دەكلاراتسياسىندا جانە ەقىۇ-نىڭ 20-شى ەكونوميكالىق-ەكولوگيالىق فورۋمدا بەلگىلەنگەن مىندەتتەر مەن باسىمدى ماسەلەلەرگە شولۋ جاسالدى. سىبايلاس جەمقورلىققا قارسى ءىس-قيمىل جانە زاڭسىز جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋعا قارسى كۇرەس اياسىندا ۇلتتىق زاڭنامانىڭ حالىقارالىق ستاندارتتارعا سايكەستىگىنە تالداۋ ءجۇرگىزىلدى. سونداي-اق زاڭسىز جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋدى انىقتاۋ, قىلمىستىڭ الدىن الۋ مەن جولىن كەسۋ بارىسىندا ۇلتتىق الەۋەتتى كۇشەيتۋ, مەملەكەتتىك سەكتوردا ادىلدىك پەن ەتيكالىق مىنەز-ق ۇلىقتى ارتتىرىپ, مەملەكەتتىك اقشا قاراجاتتارىن جانە بيۋدجەتتى ماقساتتى جۇمساۋعا نازار اۋدارۋ قاجەتتىگى ايتىلدى. سىبايلاس جەمقورلىققا قارسى تۇرۋ جانە زاڭسىز جولمەن الىنعان كىرىستەردى زاڭداستىرۋ (جىلىستاتۋ), تەرروريزمدى قارجىلاندىرۋعا قارسى ءىس-قيمىلدىڭ جاڭا ءتيىمدى ادىستەرىن قالىپتاستىرۋ ىسىندە ازاماتتىق قوعام, اكادەميالىق جانە ىسكەرلىك توپتاردىڭ شەشۋشى ءرولىن ارتتىرۋ قارالدى.
اتالعان كەزدەسۋدە قازاقستان رەسپۋبليكاسىنىڭ مەملەكەتتىك ورگاندارى, «ار.رۋح.حاق», «ترانسپەرەنسي كازاحستان», «ساندج» زەرتتەۋ ورتالىعى سيياقتى جانە ت.ب. قوعامدىق ۇيىمداردىڭ, بيزنەس وكىلدەرىنىڭ, حالىقارالىق ۇيىمداردىڭ ءجانە ديپلوماتيالىق وكىلدىكتەردىڭ (قر ەۋروپالىق كەڭەستىڭ دەلەگاتسياسى, قر بۇۇ وكىلدەرى, نيدەرلاندى قر ەلشىلىگى, ورتالىق ازياداعى يۋسايد (اقش حالىقارالىق دامۋ ءجونىندەگى اگەنتتىگى) اۋماقتىق ميسسياسىنىڭ وكىلى, قازاقستان رەسپۋبليكاسىنداعى دۇنيەجۇزىلىك بانك وكىلى, قر اقش ەلشىلىگى) قاتىستى.
كەزدەسۋدى وتكىزۋدىڭ ناتيجەسىندە ۇلتتىق دەڭگەيدەگى سىبايلاس جەمقورلىققا قارسى ءىس-قيمىل جانە زاڭسىز جولمەن الىنعان كىرىستەردى زاڭداستىرۋ (جىلىستاتۋ), تەرروريزمدى قارجىلاندىرۋعا قارسى ءىس-قيمىل سالاسىندا زاڭنامالىق جانە پراكتيكالىق قىزمەتتىڭ ءتيىمدىلىگىن ارتتىرۋ بويىنشا ۇسىنىستار مەن ۇسىنىمدار ازىرلەۋ قارالدى. بۇلار اعىمداعى جىلعى قىركۇيەكتە پراگا قالاسىندا ەقىۇ-نىڭ جوعارى دەڭگەيدەگى كەزدەسۋىندە قازاقستاندىق دەلەگاتسيا ۇسىنا الاتىن ۇسىنىستار دايىنداۋعا كومەگىن تيگىزەدى دەپ كۇتىلۋدە.
الەكساندر تاسبولاتوۆ,
«ەگەمەن قازاقستان».