سارسەنبى, 27 ماۋسىم 2012 7:12
قازاقستان حالقى اسسامبلەياسى ەۋروپاداعى قاۋىپسىزدىك جانە ىنتىماقتاستىق ۇيىمىمەن وتە تىعىز قارىم-قاتىناستا بىرنەشە باعىتتا بەرەكەلى جۇمىس ىستەپ كەلەدى. سونىڭ ءبىرى ۇلتتىق مەكتەپتەردە كوپتىلدىلىك جۇيەنى, مەملەكەتتىك ءتىلدى دامىتۋعا بايلانىستى بەكىتىلگەن ءىس-شارالار, مەملەكەتتىك قىزمەتكەرلەردىڭ سالا بويىنشا بىلىكتىلىكتەرىن ارتتىرۋ, ەتنوسارالىق قارىم-قاتىناس بويىنشا مونيتورينگ ءجۇرگىزۋ جونىندەگى جوبالار جۇزەگە اسۋدا. ال وسى باعىتتاردىڭ ءىشىندەگى نەگىزگىسى دە ەرەكشەلىگى پوليەتنوستىق قازاقستانداعى پوليتسيا قىزمەتى بولىپ وتىر. حالىق پەن پوليتسيا قىزمەتكەرلەرىنىڭ اراسىنداعى سەنىمدىلىكتى نىعايتۋعا بايلانىستى 2008 جىلى قازاقستان حالقى اسسامبلەياسى مەن ءىىم اراسىندا سىندارلى قاناتقاقتى جوبا ەنگىزىلگەن بولاتىن.
سارسەنبى, 27 ماۋسىم 2012 7:12
قازاقستان حالقى اسسامبلەياسى ەۋروپاداعى قاۋىپسىزدىك جانە ىنتىماقتاستىق ۇيىمىمەن وتە تىعىز قارىم-قاتىناستا بىرنەشە باعىتتا بەرەكەلى جۇمىس ىستەپ كەلەدى. سونىڭ ءبىرى ۇلتتىق مەكتەپتەردە كوپتىلدىلىك جۇيەنى, مەملەكەتتىك ءتىلدى دامىتۋعا بايلانىستى بەكىتىلگەن ءىس-شارالار, مەملەكەتتىك قىزمەتكەرلەردىڭ سالا بويىنشا بىلىكتىلىكتەرىن ارتتىرۋ, ەتنوسارالىق قارىم-قاتىناس بويىنشا مونيتورينگ ءجۇرگىزۋ جونىندەگى جوبالار جۇزەگە اسۋدا. ال وسى باعىتتاردىڭ ءىشىندەگى نەگىزگىسى دە ەرەكشەلىگى پوليەتنوستىق قازاقستانداعى پوليتسيا قىزمەتى بولىپ وتىر. حالىق پەن پوليتسيا قىزمەتكەرلەرىنىڭ اراسىنداعى سەنىمدىلىكتى نىعايتۋعا بايلانىستى 2008 جىلى قازاقستان حالقى اسسامبلەياسى مەن ءىىم اراسىندا سىندارلى قاناتقاقتى جوبا ەنگىزىلگەن بولاتىن. مىنە, وسىعان بايلانىستى كەشە قازاقستان حالقى اسسامبلەياسىنىڭ حاتشىلىعى مەن ىشكى ىستەر مينيسترلىگى ەقىۇ-نىڭ از ۇلتتار ىستەرى جونىندەگى جوعارعى كوميسسارى جانە ەقىۇ-نىڭ استاناداعى ورتالىعىمەن بىرلەسىپ «قازاقستاننىڭ پوليەتنوستىق ورتاسىندا پوليتسيا قىزمەتىن اتقارۋ» اتتى بىرلەسكەن جوبا تانىستىرىلىمىن وتكىزدى.
وندا قازاقستان حالقى اسسامبلەياسى توراعاسىنىڭ ورىنباسارى – پرەزيدەنت اكىمشىلىگى قحا حاتشىلىعىنىڭ مەڭگەرۋشىسى ەرالى توعجانوۆ, قازاقستان رەسپۋبليكاسى ىشكى ىستەر ءمينيسترىنىڭ ورىنباسارى قايرات تىنىبەكوۆ, ەقىۇ-نىڭ از ۇلتتار ىستەرى ءجونىندەگى جوعارعى كوميسسارى, ەلشى كنۋت ۆوللەبەك مىرزا, ەقىۇ-نىڭ استاناداعى ورتالىعىنىڭ باسشىسى, ەلشى ناتاليا زارۋدنا حانىم جانە ت.ب. ءسوز سويلەدى.
سويلەگەندەر پوليتسيا قىزمەتى مەملەكەتتىك قىزمەت جۇيەسىنىڭ بارلىق سالاسىنان كورىنىس تابادى دەپ اتاپ ءوتتى. اۋىلدا دا, اۋداندا دا, قالادا دا ولاردىڭ جۇمىسى قايناپ جاتادى. سوندىقتان, ولار ارالاسپايتىن ماسەلە جوق. ەندەشە, ولاردىڭ قىزمەتىنىڭ پوليەتنوستىق سالاداعى ماڭىزى دا زور. سوعان وراي بۇل اتالعان شارانىڭ ماقساتى دا قازاقستان مەن ەقىۇ جيناقتاعان وسى سالاداعى ءتاجىريبەنى ورتاعا سالۋ, تالداۋ وزىق جانە ناتيجەلى باعىتتارىن قاراستىرۋ بولىپ تابىلدى. قازاقستان ءار ۋاقىتتا شەتەلدەردىڭ ءتاجىريبەسىن ساراپتاپ وتىرادى. تالداۋ بارىسىنا ادام قۇقىقتارى جونىندەگى ۋاكىل, پارلامەنت ءماجىلىسىنىڭ دەپۋتاتتارى, قازاقستان رەسپۋبليكاسىنىڭ مينيسترلىكتەرى مەن ۆەدومستۆولارىنىڭ, الماتى جانە وڭتۇستىك قازاقستان وبلىستارى اكىمدىكتەرىنىڭ, ەقىۇ-نىڭ اۇجك كەڭسەسىنىڭ, حالىقارالىق ۇيىمدار, شەتەلدىك ساراپشىلار, ەتنومادەني بىرلەستىكتەر, ۇكىمەتتىك ەمەس ۇيىمدار وكىلدەرى مەن اسسامبلەيانىڭ عىلىمي-ساراپشىلىق كەڭەسىنىڭ مۇشەلەرى قاتىستى.
قازاقستان حالقى اسسامبلەياسى, قازاقستان رەسپۋبليكاسىنىڭ ىشكى ىستەر مينيسترلىگى, ەقىۇ-نىڭ از ۇلتتار ىستەرى جونىندەگى جوعارعى كوميسسارى جانە ەقىۇ-نىڭ استاناداعى ورتالىعى اراسىندا بىرلەسكەن جوبانى جۇزەگە اسىرۋ جونىندەگى اتالعان تاراپتاردىڭ ءوزارا قارىم-قاتىناسىن رەتتەيتىن تۇسىنىستىك تۋرالى مەموراندۋمعا قول قويدى.
جوبا 2012 جىلعى ماۋسىم – 2013 جىلعى جەلتوقسان ارالىعىندا قازاقستان رەسپۋبليكاسىنىڭ ىشكى ىستەر مينيسترلىگى مەن ەقىۇ-نىڭ استاناداعى ورتالىعىنىڭ بىرلەسە ۇيىمداستىرۋىمەن جۇزەگە اساتىن بولادى. ونىڭ جۇزەگە اسۋىنا ەقىۇ-نىڭ پوليتسيا قىزمەتىنىڭ ستراتەگيالىق ءماسەلەلەر ءبولىمى مەن ۇلىبريتانيا پوليتسيا قىزمەتى سالاسىنىڭ ساراپشىلارى قولداۋ بىلدىرەدى. جوبانىڭ باستالۋى جونىندەگى جوعارى دەڭگەيدەگى ءىس-شارانى وتكىزۋمەن قاتار, الماتى جانە ءوڭتۇستىك قازاقستان وبلىستارىنىڭ جوعارى جانە ورتا قۇرامداعى پوليتسيا وفيتسەرلەرى ءۇشىن تاجىريبەلىك سەمينارلار, وقۋ باعدارلاماسىن ءازىرلەۋ جونىندەگى بىرلەسكەن جۇمىس توبىنىڭ وتىرىسىن, پوليتسيا قىزمەتكەرلەرىن دايارلاۋ ءجونىندەگى وقۋ ورتالىعى ءۇشىن ارنايى مامانداردى وقىتۋ شارالارىن وتكىزۋ جوسپارلانىپ وتىر.
الەكساندر تاسبولاتوۆ,
«ەگەمەن قازاقستان».