سارسەنبى, 20 ماۋسىم 2012 7:54
پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭقىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىجاريالانعانى بارشاعا ايان. بىزدىڭ ەلىمىزدە مۇنداي اسا ماڭىزدى شاراتاۋەلسىزدىك العاننان بەرى بىرىنشى رەت جۇزەگە اسىرىلماقشى. پرەزيدەنتجارلىعىنداعى كورسەتىلگەن كەزەكتەن تىس اتتەستاتتاۋدىڭ نەگىزگىماقساتى – بيزنەس پەن قوعامنىڭ قولداۋىنا جاۋاپ بەرەتىن قازىرگى زامانتالابىنا ساي كەلەتىن جوعارى دارەجەلى قۇقىق قورعاۋ جۇيەسىن قۇرۋ,كادرلىق الەۋەتىن قالىپتاستىرۋ بولىپ وتىر.
سارسەنبى, 20 ماۋسىم 2012 7:54
پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭقىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىجاريالانعانى بارشاعا ايان. بىزدىڭ ەلىمىزدە مۇنداي اسا ماڭىزدى شاراتاۋەلسىزدىك العاننان بەرى بىرىنشى رەت جۇزەگە اسىرىلماقشى. پرەزيدەنتجارلىعىنداعى كورسەتىلگەن كەزەكتەن تىس اتتەستاتتاۋدىڭ نەگىزگىماقساتى – بيزنەس پەن قوعامنىڭ قولداۋىنا جاۋاپ بەرەتىن قازىرگى زامانتالابىنا ساي كەلەتىن جوعارى دارەجەلى قۇقىق قورعاۋ جۇيەسىن قۇرۋ,كادرلىق الەۋەتىن قالىپتاستىرۋ بولىپ وتىر. كەزەكتەن تىس اتتەستاتتاۋنەگىزىندە قۇقىق قورعاۋ ورگاندارىن وزدەرىنىڭ بەدەلىن تۇسىرگەنقىزمەتكەرلەردەن تازارتا وتىرىپ, وز قىزمەتىنە ادال كاسىبيمامانداردى ىرىكتەۋدىڭ تيىمدى تەتىكتەرىن قۇرۋ, قۇقىق قورعاۋورگاندارىنىڭ كادر ساياساتىن زامان تالابىنا ساي ساپالى تۇردە جولعاقويۋ, وسىلايشا ولارعا دەگەن حالىقتىڭ سەنىمىن ارتتىرۋدى جۇزەگەاسىرۋ بولىپ وتىر.
قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس سىناقتان وتكىزۋ بارىسىندا ونىڭ قىزمەتىنە ادالدىعى, كاسىبي ءبىلىمىنىڭ تالاپقا سايكەستىگى, سىبايلاس جەمقورلىق, سونداي-اق وزگە دە پايداكۇنەمدىك تەرىس ءىس-ارەكەتتەرىمەن بايلانىسىنىڭ بولماۋى, زاڭدىلىق پەن قۇقىق ءتارتىبىن ساقتاۋعا دەگەن جاۋاپكەرشىلىك سەزىمى جان-جاقتى تارازىعا تۇسپەك. ەڭ باستىسى, قۇقىق قورعاۋ ورگاندارىندا قىزمەت اتقاراتىن ءاربىر ازاماتتىڭ كاسىبي ءبىلىمى اتقاراتىن لاۋازىمىنا سايكەس بولعانى ءجون. قۇقىق قورعاۋ ورگاندارىندا قىزمەت اتقاراتىنداردىڭ كەيبىرەۋىندە 2-3 جوعارى ماماندىق العاندىعىن كۋالاندىراتىن ديپلومدارى جەتەرلىك. قازىرگى زاماندا كاسىبي ءبىلىم دارەجەسى العان اتاقپەن, شەنمەن نەمەسە ديپلوم سانىمەن ەمەس, ناعىز تەرەڭ بىلىممەن, جوعارى ساۋاتتىلىقپەن, قۇقىقتىق ساياساتتى تەرەڭ مەڭگەرگەندىگىمەن, جوعارعى قۇقىقتىق مادەنيەتتىلىكپەن ولشەنەتىنى بارشاعا ايان. ويتكەنى, ءبىز وركەنيەتتى ەلدەر قاتارىنا قوسىلعان, قۇقىقتىق مەملەكەت قۇرۋشى ەلمىز. قۇقىقتىق مەملەكەتتىڭ قۇقىق قورعاۋ ورگاندارىنىڭ قىزمەتكەرلەرى دە زامان جانە زاڭ تالابىنا ساي كەلەتىن قۇقىقتىق ءبىلىمى مول كورنەكتى جاندار بولۋى قاجەت. كەزەكتەن تىس اتتەستاتتاۋدان وتكىزۋ كەزىندە وسىنداي كاسىبي تالاپتارعا ءسايكەستىلىك باستى نازاردا ۇستالاتىنى اقيقات.
قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ جونىندەگى كوميسسيا ەلباسى جارلىعىمەن بەكىتىلگەن. وندا وسى كوميسسيانىڭ قۇقىقتىق مارتەبەسى, وكىلەتتىگى, اتتەستاتتاۋدان وتكىزۋ قاعيدالارى, مىندەتتەرى جانە قىزمەتىن ۇيىمداستىرۋ ماسەلەلەرى ناقتىلانعان. سونىمەن قاتار, سىناقتان وتەتىن قىزمەتكەردىڭ شاعىمدانۋ ءتارتىبى ارناۋلى ەرەجەدە ايقىندالعان. مۇنىڭ ءوزى كەزەكتەن تىس سىناقتان وتكىزۋدىڭ ادىلەتتى, زاڭ تالابىنا سايكەس وتكىزىلۋىنە زور مۇمكىندىكتەر جاسالىپ وتىرعاندىعىن كورسەتەدى.
كەزەكتەن تىس اتتەستاتتاۋدىڭ پايدالى, ءتيىمدى جاقتارى كوپ. ويتكەنى, ادام, قوعام, مەملەكەت مۇددەسىنە قىزمەت ەتەتىن وسى سالا قىزمەتكەرلەرىنىڭ جاۋاپتىلىعى ارتا تۇسەدى. قوعام مۇشەلەرى دە ولاردىڭ اتقاراتىن قىزمەتىنىڭ مازمۇنىن تەرەڭ ءتۇسىنۋمەن بىرگە, ولارعا دەگەن قۇرمەتتىڭ بۇگىنگىدەن دە ارتا تۇسۋىنە قولايلى مۇمكىندىكتەر جاسايدى.
قۇقىقتىق, دەموكراتيالىق مەملەكەت رەتىندە قازاقستان الەمدە زور بەدەلگە يە. ەندەشە, ادام, قوعام, مەملەكەت مۇددەسىن قورعاۋدا, زاڭدىلىق پەن قۇقىق ءتارتىبىن نىعايتۋدا قۇقىق قورعاۋ قىزمەتكەرلەرىنىڭ اتقاراتىن قىزمەتى ەرەكشە. قۇقىق قورعاۋ قىزمەتكەرلەرى مەملەكەتتىك بيلىك وكىلدەرى بولىپ تابىلادى. مىنە, وسى تۇرعىدان العاندا, ولار مۇنداي جاۋاپتى قىزمەتتە تەرەڭ ءبىلىمىمەن, ءۇلگىلى تارتىبىمەن ءوز ىسىنە بەرىلگەندىگىن, كاسىبي دەڭگەيىنىڭ جوعارى ەكەندىگىن كورسەتە ءبىلۋى شارت.
بىزدىڭشە, كوميسسيا قۇرامىندا قوعامدىق ۇيىمداردىڭ, ساياسي پارتيالاردىڭ, زاڭگەر-عالىمداردىڭ, بۇقارالىق ءباسپاسوز قۇرالدارىنىڭ وكىلدەرى دە بولعانى وتە دۇرىس. ويتكەنى, قۇقىق قورعاۋ ورگاندارى قىزمەتكەرلەرىنىڭ كاسىبي-ءبىلىم دەڭگەيىنە زاڭگەر-عالىمدار باعا بەرسە, قوعامدىق ۇيىمدار مەن ساياسي پارتيا وكىلدەرى سىناقتان وتەتىن قىزمەتكەرلەردىڭ جۇرتشىلىق الدىنداعى بەدەلىن انىقتاۋعا جاردەمدەسەدى. ستاتيستيكالىق ءمالىمەتتەرگە جۇگىنسەك, تەك 2010 جىلدىڭ وزىندە ازاماتتاردىڭ كونستيتۋتسيالىق قۇقىقتارى مەن بوستاندىقتارىن بۇزعانى ءۇشىن 71 قۇقىق قورعاۋ قىزمەتكەرلەرىنە قىلمىستىق ءىس قوزعالعان ەكەن. ولاردىڭ 56-سى ىشكى ىستەر, 3-ءۋى قارجى پوليتسياسى, 3-ءۋى كەدەن, 2-ءۋى ءتوتەنشە جاعدايلار ورگاندارى قىزمەتكەرى. وسى جىلى سىبايلاس جەمقورلىققا بايلانىستى 109 قىلمىستىق ءىس قوزعالعان. ونىڭ 89-ى ىشكى ىستەر ورگانى, 32-ءسى قىلمىستىق اتقارۋ ءجۇيەسى, 18-ءى كەدەن ورگانى, 11-ءى قارجى پوليتسياسى, 18-ءى توتەنشە جاعدايلار مينيسترلىگى, 3-ءۋى ۇلتتىق قاۋىپسىزدىك ورگانى قىزمەتكەرلەرىنە قاتىستى كورىنەدى. 2010 جىلى جەكەلەگەن ازاماتتاردان قۇقىق قورعاۋ ورگاندارى قىزمەتكەرلەرىنىڭ زورلىق-زومبىلىق ارەكەتتەرىنە جول بەرىلگەنى ءۇشىن 263 ارىز-شاعىم رەسمي تۇردە تىركەلگەن.
ارىقباي اعىباەۆ,
زاڭ عىلىمدارىنىڭ دوكتورى, پروفەسسور.
الماتى.