ءمينيستردىڭ ايتۋىنشا, بيۋدجەت قاراجاتىنىڭ دۇرىس جانە ءتيىمدى جۇمسالۋىنا بىردەن-ءبىر ىقپال جاسايتىن ينسترۋمەنت – مەملەكەتتىك اۋديت. بيىل ەسەپتىك كەزەڭدە 770 اۋديتورلىق شارالار اتقارىلعان. اۋديتورلىق شارالار كەزىندە 183 ملرد تەڭگە قاراجات قامتىلدى.
30 ملرد تەڭگە كولەمىندە قارجىلىق بۇزۋشىلىقتار انىقتالعان. وسى سومانىڭ 25 ملرد تەڭگەسى تاۋارلاردى جەتكىزۋ, قىزمەتتەردى كورسەتۋ جانە جۇمىستاردى ورىنداۋ, بيۋدجەتكە وتەۋ جانە ەسەپ بويىنشا كورسەتۋ جولىمەن تەكسەرۋ كەزىندە تۇزەتىلگەن.
«مەملەكەتتىك ساتىپ الۋدىڭ راسىمدەرى كامەرامەن باقىلاۋعا الىنىپ, كۇندەلىكتى ونلاين-رەجيمدە جۇرگىزىلىپ وتىردى. سونىمەن, ءۇش ايدىڭ ىشىندە جالپى سوماسى 2 ترلن 696 ملرد تەڭگەگە مەملەكەتتىك ساتىپ الۋدىڭ 525 مىڭ 468 راسىمدەرى باقىلاۋعا الىندى» دەيدى ءا.سمايىلوۆ.
مەملەكەتتىك ورگاندارعا زاڭ بۇزۋ تۋرالى 9 043 حابارلاما جىبەرىلدى. ناتيجەسىندە 123 ملرد تەڭگەگە مەملەكەتتىك ساتىپ الۋدىڭ زاڭعا قايشى كەلەتىن قورىتىندى شەشىمى كۇشىن جويعان.
«الداعى كەزەڭدەگى باستى مىندەت – ناقتىلانعان بيۋدجەتتىڭ شىعىستارىن قولما-قول اقشامەن قامتاماسىز ەتۋ. ول ءۇشىن رەسپۋبليكالىق بيۋدجەتتىڭ كىرىستەرىنىڭ ناقتىلانعان جوسپارىن تولىق ورىنداۋىمىز قاجەت. ال, ورتالىق جانە جەرگىلىكتى مەملەكەتتىك ورگاندار مەملەكەتتىك ساتىپ الۋ پروتسەدۋرالارىن جىل سوڭىنا قالدىرماي, ءبىرىنشى جارتىجىلدىقتا اياقتاۋلارى قاجەت» دەدى مينيستر.