«سايلاۋ تۋرالى» كونستيتۋتسيالىق زاڭنىڭ 56-بابىنىڭ 1-تارماعىنا سايكەس, سايلاۋشىلاردىڭ پرەزيدەنتتiككە كانديداتتى قولداۋى قول جيناۋ ارقىلى راستالادى جانە وسى زاڭنىڭ 3-تارماعى پرەزيدەنتتىككە كانديداتتى قولداپ قول جيناۋدى سەنىم بىلدىرىلگەن ادامدار ۇيىمداستىرادى جانە كانديداتتىڭ كونستيتۋتسيادا جانە «سايلاۋ تۋرالى» كونستيتۋتسيالىق زاڭدا بەلگىلەنگەن تالاپتارعا سايكەستىگىن تەكسەرگەننەن كەيىن بەس كۇن مەرزىمنەن كەشىكتىرمەي وسك بەرەتىن قول قويۋ پاراقتارىمەن رەسىمدەلەتىنى ايتىلدى. پرەزيدەنتتiككە كانديداتتى وبلىستاردىڭ, رەسپۋبليكالىق ماڭىزى بار قالالار مەن رەسپۋبليكا استاناسىنىڭ كەم دەگەندە ۇشتەن ەكiسiنiڭ اتىنان تەڭدەي وكiلدiك ەتەتiن سايلاۋشىلاردىڭ جالپى سانىنىڭ كەم دەگەندە بiر پايىزى قولداۋى تيiس. تىزىلىمگە سايكەس 2019 جىلدىڭ
1 قاڭتارىندا ەلىمىزدەگى سايلاۋشىلار سانى 11 ملن 814 مىڭنان ءسال ارتىق ادامدى قۇرايدى. دەمەك, پرەزيدەنتتىككە كانديداتتى كەم دەگەندە 118 مىڭ 140 سايلاۋشى قولداۋى كەرەك.
سونىمەن بىرگە كانديداتتاردىڭ سايلاۋ ناۋقانىن وتكىزۋگە كومەكتەسەتىن, سايلاۋ الدىنداعى ۇگىتتى جۇرگىزەتىن, مۇددەلەرىن قورعاۋعا سەنىم بىلدىرىلگەن ادامدار الۋعا قۇقى بار. كانديداتتار سەنىم بىلدىرگەن ادامدارىن ءوز قالاۋى بويىنشا ءتيىستى سايلاۋ وكرۋگىندەگى ءاربىر سايلاۋ ۋچاسكەسىنە ءۇش ادامنان اسپايتىن ساندا تىركەتەدى. ءوز كەزەگىندە ولار ءتيىستى سايلاۋ كوميسسياسىنا سەنىم بىلدىرىلگەن ادامدار بولۋعا ءوز كەلىسىمىن بەرەتىنى تۋرالى ءوتىنىش بەرەدى. اۋماقتىق سايلاۋ كوميسسياسى سەنىم بىلدىرىلگەن ادامدار تىركەلگەننەن كەيىن ولارعا ءتيىستى كۋالىك بەرەدى. سەنىم بىلدىرىلگەن ادام قازاقستان رەسپۋبليكاسىنىڭ ازاماتى بولۋى ءتيىس, سونىمەن بىرگە ول قانداي دا ءبىر سايلاۋ كوميسسياسىنىڭ مۇشەسى, ساياسي مەملەكەتتىك قىزمەتشى بولا المايدى. سايلاۋ تۋرالى قولدانىستاعى زاڭناماعا سايكەس, سەنىم بىلدىرىلگەن ادامدار قول جيناۋدى ۇيىمداستىرۋ ماقساتىندا قول جينايتىن باسقا دا ادامداردى تارتا الادى.
قول جيناۋ جونىندەگى تولتىرىلعان پاراقتار اۋماقتىق سايلاۋ كوميسسياسىنا تاپسىرىلادى, ول 10 كۇندىك مەرزىمدە پاسپورت قىزمەتتەرىنىڭ جۇمىسكەرلەرىن تارتا وتىرىپ, قويىلعان قولداردىڭ دۇرىستىعىن تەكسەرۋدى جۇزەگە اسىرادى, پرەزيدەنتتىككە كانديداتتى قولدايتىن قولداردىڭ دۇرىستىعىن تەكسەرۋ ناتيجەلەرى تۋرالى ءتيىستى حاتتامانى رەسىمدەيدى جانە ونى ورتالىق سايلاۋ كوميسسياسىنا جىبەرەدى.
سونىمەن بىرگە «پرەزيدەنتتىككە كانديداتتى قولداپ, قول جيناۋدى جانە ولاردىڭ دۇرىستىعىن تەكسەرۋدى ۇيىمداستىرۋ تۋرالى» ارنايى قاۋلىمەن وسك قول جيناۋ پاراقتارىن بەرۋ مەرزىمىن 5 كۇننەن 2 كۇنگە دەيىن قىسقارتىلعانىن جانە قولداردىڭ دۇرىستىعىن تەكسەرۋ مەرزىمى 10 كۇننەن 5 كۇنگە دەيىن قىسقارعانى جەتكىزىلدى. وسىلايشا, سايلاۋدى ۇيىمداستىرۋشىلار ىشكى راسىمدەردى وتكىزۋ مەرزىمدەرىن قىسقارتۋ ەسەبىنەن سايلاۋ پروتسەسىنە قاتىسۋشىلاردىڭ ءىس-شارالارىنا ارنالعان ۋاقىتتى ۇلعايتقان ەكەن.
سايلاۋ كوميسسيالارىنىڭ مۇشەلەرىن جانە سايلاۋ پروتسەسىنىڭ باسقا دا قاتىسۋشىلارىن وقىتۋدى ۇيىمداستىرۋ تۋرالى بايانداعان س.مۇستافينا بۇل شارانىڭ 2017 جىلعى 15 ماۋسىمدا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا ەنگىزىلگەن ءوزگەرىستەرمەن, سونداي-اق 2018 جىلعى 29 ماۋسىمدا قازاقستان رەسپۋبليكاسىنىڭ بيۋدجەت كودەكسىنە جانە «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن ءوزى باسقارۋ تۋرالى» قازاقستان رەسپۋبليكاسىنىڭ زاڭىنا ەنگىزىلگەن تولىقتىرۋلاردىڭ نەگىزىندە ىسكە اسىرىلاتىنىن جەتكىزدى. 2017 جىلدان باستاپ ازىرلەنگەن جول كارتاسى شەڭبەرىندە مەملەكەتتىك باسقارۋ اكادەمياسىنىڭ بازاسىندا وقىتۋمەن ەلەكتوراتتىق پروتسەستى ۇيىمداستىرۋشى مەملەكەتتىك قىزمەتشىلەر اراسىنان وبلىس اكىمدەرىنىڭ ورىنباسارلارى, قالا, اۋدان اكىمدەرى جانە ولاردىڭ ورىنباسارلارى, اكىمدەر اپپاراتتارىنىڭ باسشىلارى, بارلىق دەڭگەيدەگى ءماسليحات حاتشىلارى, ىشكى جانە جاستار ساياساتى, مادەنيەت, تىلدەردى دامىتۋ باسقارمالارىنىڭ باسشىلارى وقىتىلادى. جول كارتاسى شەڭبەرىندە وسك 2,5 جىل ىشىندە 62 وقىتۋ ءىس-شارالارىن (دارىستەر, سەمينارلار, ترەنينگتەر, ۆەبينارلار, جازعى مەكتەپتەر) وتكىزىپ, وعان 14 610 ادام قاتىسقان. وسى سايلاۋ ناۋقانىندا مامىردىڭ اياعىنا دەيىن – بارلىق تىزبەلەنگەن وقىتۋ تۇرلەرىن پايدالانا وتىرىپ, ۋچاسكەلىك سايلاۋ كوميسسيالارىنىڭ بارلىق مۇشەلەرى وقىتىلادى.
كەڭەيتىلگەن وتىرىس قورىتىندىلارى بويىنشا وسك مۇشەلەرى باق وكىلدەرىنىڭ سۇراقتارىنا جاۋاپ بەردى.