- ەگىستىكتى پايدالانۋ قۇرىلىمىندا جارما جانە كۇزدىك داقىلدار بار-جوعى 0,2%. سونداي-اق, ەگىستىك قۇرىلىمىنداعى ءداندى-بۇرشاقتى داقىلدار ەگىستىگىن كەڭەيتۋدىڭ وڭ ءمانى بار. ءداندى-بۇرشاقتى داقىلدارىڭ ەڭ ءونىمدىسى – بۇرشاق. ورتاشا ەسەپپەن 20 جىلدا تازا پار بويىنشا بۇرشاق تۇقىمىنىڭ ونىمدىلىگى 15,1 تس/گا, ال ورىلعان جەر بويىنشا-14,6 تس/گا, - دەدى ا.باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ باس ديرەكتورى كەنجە ابدۋللاەۆ.
ايتۋىنشا, ەگىس القاپتارىنىڭ قۇرىلىمىن ءارتاراپتاندىرۋ اۋىل شارۋاشىلىعىن دامىتۋ ءۇشىن ستراتەگيالىق ماڭىزى بار. ەگىستىكتى پايدالانۋ قۇرىلىمىندا قالىپتاسقان جاعدايعا جۇرگىزىلگەن تالداۋ ونى وبلىستىڭ توپىراق-كليماتتىق ايماقتارى بويىنشا جەتىلدىرۋ مۇمكىندىگىن كورسەتەدى.
- اۋا رايى قولايلى سولتۇستىك اۋدانداردا بۇرشاق ءوسىرۋ ءتيىمدى. ءداندى-بۇرشاقتى داقىلداردان نوقات بەرەدى جاقسى ناتيجەلەردى, اسىرەسە قۋاڭ اۋدانداردا. نوقات-قۇرعاقشىلىققا ءتوزىمدى جانە جوعارى تەحنولوگيالىق داقىل. ول وراق كەزىندە جاتىپ نەمەسە شاشىلىپ قالمايدى. پار بويىنشا نوقاتتىڭ ونىمدىلىگى 12,3 تس/گا, ال ورىلعان جەر بويىنشا - 11,2 تس/گا قۇرادى, - دەپ اتاپ ءوتتى كەنجە ابدۋللاەۆ.
سونىمەن قاتار, سوڭعى جىلدارى ءوندىرىس جاعدايىندا جاسىمىق ەگۋ كەڭ تارالعان. بۇرىن قازاقستاندا جاسىمىق ەگىلمەگەن جانە از زەرتتەلگەن داقىل بولىپ قالا بەردى. ورتا ەسەپپەن 12 جىل ىشىندە ءداندى داقىلدار بويىنشا جاسىمىقتىڭ ونىمدىلىگى 9,6 تس/گا قۇرادى.