الماتىدا كولىكتى رەفورمالاۋ اياسىندا جىلجىمالى سوستاۆتى جاڭارتۋ جانە قالانىڭ باعىت جۇيەسىن ۇلعايتۋ جالعاسۋدا. بيىلعى جىلى تاسىمالداۋشىلار تاعى 460-تان استام جاڭا اۆتوبۋستار الۋدى جوسپارلاۋدا. بۇل تۋرالى الماتى اكىمدىگىنىڭ ءباسپاسوز قىزمەتى حابارلادى.
جىلجىمالى سوستاۆ ەۋرو-5 ەكولوگيالىق ستاندارتقا ساي جانە كونديتسيونەرلەرمەن, ۆيدەوباقىلاۋ, كامەرالارىمەن, پاندۋستارمەن جابدىقتالعان. قالادا جىل باسىنان بەرى قاراي №65, №60, №14 ەڭ تىعىز باعىتتار بويىنشا 125 جاڭا اۆتوبۋس جولاۋشى تاسىمالداۋدا.
ايتا كەتەرلىگى, قالا اۆتوبۋس پاركىنىڭ 80%-عا جاڭارۋىنا قولما-قول اقىسىز تولەم جاسايتىن «وڭاي» جۇيەسىن ەنگىزۋ ارقاسىندا قولجەتتى. ەگەر بۇرىندارى اۆتوپاركتەر بيۋدجەت قارجىسى ەسەبىنەن جاڭارسا, ال قازىر تاسىمالداۋشىلار ءوز قارجىلارىن ينۆەستيتسيالاۋعا مۇمكىندىك بەرەتىن اشىق نارىقتىق مەحانيزمدى ۇتىمدى قولدانۋدا.
– جالپى, الماتىدا كولىك رەفورماسى اياسىندا ەكى جىل ىشىندە عانا قالانىڭ اۆتوبۋس پاركى 80%-دان استامعا جاڭاردى, ەلىمىزدەگى العاشقى BRT جەلىسى جۇمىس ىستەي باستادى, كارشەرينگ قىزمەتى ەنگىزىلدى, مەترونىڭ ەكى ستانساسىنىڭ قۇرىلىسى جالعاسۋدا جانە LRT قولعا الىندى, دەلىنگەن حابارلامادا.
بۇلاردان وزگە,15 ساۋىردەن باستاپ قالادا 120-دان استام كوشەنى ورتاشا جوندەۋ باستالادى, قالانىڭ 14 ىقشام اۋدانىنداعى 456 كوشەگە جاڭا جولدار سالىنادى. ەڭ باستىسى, جوندەۋ جۇمىستارى قوعامدىق كولىكتىڭ ءجۇرۋ كەستەسى مەن باعىت قوزعالىسىنا كەرى اسەرىن تيگىزبەيدى. كەپتەلىستى بولدىرماۋ ءۇشىن جولدى تولىق جابۋ تەك ءتۇن مەزگىلىندە عانا جۇرگىزىلەدى.