قوعام سەنىمى

سەنبى, 12 مامىر 2012 7:58

ەلباسىمىزدىڭ بيىلعى جىل­عى قازاقستان حالقىنا ارناعان «الەۋ­مەتتىك-ەكونوميكالىق جاڭ­عىر­تۋ – قازاقستان دامۋىنىڭ باستى باعىتى» دەپ اتالاتىن جول­داۋىندا الداعى ۋاقىتتا كوڭىل اۋدارىلىپ, باستى نازار سا­لى­ناتىن ماسەلەلەردىڭ قاتارىنا باسقارۋ ىسىنە قويىلاتىن تالاپ­تار­دىڭ جوعارىلىعى مەن باس­قا­رۋ­شى تىزگىنىن ۇستاۋشىلاردىڭ ساياسي توبىن دايارلاۋ ەندى. قازاق­ستان­نىڭ جاڭا باسقارۋشى ەلي­تا­سىنىڭ نەگىزىن قۇرايتىن پرەزيدەنتتىك كادر جاساعىن دايىن­داۋمەن قاتار قۇقىق قورعاۋ جانە ارناۋلى ور­گان­داردى ساپالىق كادرلارمەن جاڭ­عىرتۋ مىندەتى دە قويىلدى. بۇل جاڭارتۋدىڭ باستى ماقساتى – سىبايلاس جەمقورلىق قۇ­قىق بۇزۋشىلىق فاكتىلەرىنىڭ جو­لىن كەسىپ, ولارعا تويتارىس بەرۋ.

سەنبى, 12 مامىر 2012 7:58

ەلباسىمىزدىڭ بيىلعى جىل­عى قازاقستان حالقىنا ارناعان «الەۋ­مەتتىك-ەكونوميكالىق جاڭ­عىر­تۋ – قازاقستان دامۋىنىڭ باستى باعىتى» دەپ اتالاتىن جول­داۋىندا الداعى ۋاقىتتا كوڭىل اۋدارىلىپ, باستى نازار سا­لى­ناتىن ماسەلەلەردىڭ قاتارىنا باسقارۋ ىسىنە قويىلاتىن تالاپ­تار­دىڭ جوعارىلىعى مەن باس­قا­رۋ­شى تىزگىنىن ۇستاۋشىلاردىڭ ساياسي توبىن دايارلاۋ ەندى. قازاق­ستان­نىڭ جاڭا باسقارۋشى ەلي­تا­سىنىڭ نەگىزىن قۇرايتىن پرەزيدەنتتىك كادر جاساعىن دايىن­داۋمەن قاتار قۇقىق قورعاۋ جانە ارناۋلى ور­گان­داردى ساپالىق كادرلارمەن جاڭ­عىرتۋ مىندەتى دە قويىلدى. بۇل جاڭارتۋدىڭ باستى ماقساتى – سىبايلاس جەمقورلىق قۇ­قىق بۇزۋشىلىق فاكتىلەرىنىڭ جو­لىن كەسىپ, ولارعا تويتارىس بەرۋ.

اشىعىن ايتۋ كەرەك, بۇل كۇن­دەرى قۇقىق قورعاۋ ورگان­دارىن­داعى ەلەۋلى قىزمەت تىزگىنىن ۇستاپ وتىرعان وتانداستارىمىزدىڭ مەم­­لەكەتتىك قىزمەت اتقارۋدا قو­عام مەن مەملەكەت سەنىمىنەن شىعا الماي, نەگىزدى سىنعا ۇشىراپ جات­قاندىعىن ءجيى كەزدەستىرەمىز جانە بۇعان ءوزىمىز دە, كوزىمىز دە ۇيرەنىپ كەتكەندىگى تاعى بار.

تىلگە تيەك بولىپ وتىرعان قۇقىق قورعاۋ ورگاندارى قىزمەت­كەرلەرiن كەزەكتەن تىس اتتەستاتتاۋ ءتارتىبى ەلىمىزدىڭ 2011 جىلعى 6 قاڭتاردا قابىلدانعان «قۇقىق قورعاۋ قىزمەتi تۋرالى» زاڭىندا «قۇقىق قورعاۋ ورگاندارىنىڭ قىز­مەتكەرلەرi قازاقستان رەس­پۋب­ليكاسىنىڭ پرەزيدەنتi ايقىن­دايتىن تارتiپپەن جانە مەرزiمدە كەزەكتەن تىس اتتەستاتتاۋعا جا­تا­دى» دەپ ايقىن كورسەتىلگەن.

زاڭگەر رەتىندەگى پىكىرىم, ءوت­كىزىلگەلى وتىرعان كەزەكتەن تىس اتتەستاتتاۋ زاڭدى, ءارى ءتيىمدى ءناتي­جەلەرگە اكەلۋى ءتيىس. ويتكەنى, قۇ­قىق قورعاۋ ورگاندارىنىڭ قىز­مەت­كەرلەرىن كەزەكتەن تىس اتتەس­تات­تاۋدىڭ ماقساتى – قىزمەت­كەر­دىڭ كاسىبي بىلىكتىلىگى مەن ءبىلىم­دىلىگىنىڭ قويىلعان تالاپتارعا سايكەستىگىن, قۇقىقتىق مادەنيەتى مەن ازاماتتارمەن جۇمىس ىستەۋ قا­بىلەتىنىڭ دەڭگەيىن انىقتاۋ, ولار­دىڭ ادامگەرشىلىك تۇر­عى­سىن­داعى مورالدىق-ەتيكالىق بەينەسىنە ءۇڭىلۋ, ءوزى اتقاراتىن لاۋا­زىمىنا سايكەس كەلەتىنىن نەمەسە كەلمەيتىندىگىن انىقتاپ, قوعام مەن مەم­لەكەتتىڭ قۇقىق قورعاۋ ورگان­دارى­نىڭ قىزمەتىنە كو­لەڭ­كە تۇسكەن سەنىمدەرىنە ءۇمىت ۇيا­لاتۋ, ولاردىڭ حالىق الدىنداعى بەدەلىن كوتەرۋ بولىپ تابىلادى.

كوپكە توپىراق شاشۋدان اۋلاق­پىز, الايدا, تۇتاستىعى مەن تۇراقتىلىعى جاراسقان ەلدىڭ قۇقىق قورعاۋ ورگاندارىنىڭ قىز­مەتكەرلەرى تاراپىنان مەملەكەتتىك قىزمەتكەرلەرگە ءتان قوعام مەن مەملەكەت يگىلىگىنە قىزمەت ەتۋ, قازاقستان رەسپۋبليكاسى­نىڭ ەڭ قىمبات قازىناسى – ادام­داردىڭ قۇقىقتارىن, بوستاندىق­تارى مەن زاڭدى مۇددەلەرىن ساق­تاۋ مەن قور­عاۋدى قامتاماسىز ەتۋ, ولاردىڭ وتىنىشتەرىن قاراۋ كەزىندە ءسوز­بۇي­داعا سالۋ كورى­نىس­تەرىنە جول بەرمەۋ جانە مەملەكەت ينستيتۋ­ت­تارىنا قوعامنىڭ سەنىمىن ساقتاۋ جانە نىعايتۋ سياق­تى ارەكەتتەردى بايقاۋ ءبۇ­گىن­گى تاڭدا قيىنعا سو­عا­دى. قارا­پايىم كوز كورىپ وتىرعان مەملەكەتتىك قىزمەت كادرلارىن ولار­دىڭ بىلىكتىلىگى مەن بىلىمىنە قاراپ ەمەس, تۋىسقاندىق, جەرلەستىك جانە جەكە وزىنە بەرىلگەندىك بەلگىلەرى بويىنشا ىرىكتەۋ مەن ورنا­لاستىرۋ جاعدايلارىنىڭ ورىن الىپ جاتقاندىعى اششى دا بولسا شىندىق.

كەزەكتەن تىس اتتەستاتتاۋدىڭ دا نەگىزگى ولشەمى جاھاندىق ءور­لەۋگە قادام باسقان قازاقستان­نىڭ ادىلەت جۇيەسىندەگى قۇقىق قورعاۋ ورگاندارى قىزمەتكەرلەرى­نىڭ وزىنە جۇكتەلگەن مىندەتتەردى ورىنداۋ قابىلەتى مەن ولاردىڭ جۇمىس­تارىنىڭ ناتيجەلىك كور­سەت­كىش­تەر­ى, تەوريالىق بىلىمدەرى مەن قىز­مەت ەتۋ بارىسىندا جي­ناعان تاجىريبەسى مەن مورالدىق-ەتي­كا­لىق بەينەسىنىڭ دەڭگەيىن باعالاۋ. پرەزيدەنت اكىم­شىلى­گىنىڭ باس­شى­سى, باس پروكۋرور, ۇلتتىق قاۋىپ­سىز­دىك كوميتەتىنىڭ توراعاسى, ەكو­نوميكالىق قىل­مىس­قا جانە سى­بايلاس جەمقور­لىققا قارسى كۇرەس اگەنتتىگىنىڭ توراعاسى, مەملەكەتتىك قىزمەت ىستەرى اگەنتتىگىنىڭ ءتور­اعاسى, ىشكى ىستەر, توتەنشە جاع­دايلار, قار­جى, ادىلەت ءمينيسترى جانە پرەزيدەنت اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى كوميسسياسى قۇرامى­نان تۇراتىن كەزەكتەن تىس اتتەس­تاتتاۋدىڭ ءبىر ساتىسى ەل زاڭناما­سىن بىلۋگە جانە لوگيكالىق ويلاۋ قابىلەتىنە نەگىزدەلگەن قاراپايىم كومپيۋتەرلىك تەستىلەۋدى, ءتيىستى قۇقىق قورعاۋ ورگانى قىزمەتىنىڭ ەرەكشەلىكتەرىن ەسكەرە وتىرىپ, دەنە شىنىقتىرۋ, جاۋىنگەرلىك جانە قىزمەتتىك دايارلىق بويىنشا بەلگىلەنگەن نورماتيۆتەردى تاپ­سىرۋ­دى, سونداي-اق, پسيحولوگيا­لىق ورنىقتىلىعىنا اڭگىمەلەسۋ­دەن ءوتۋدى قامتيدى.

زاڭعا سايكەس قۇقىق قورعاۋ ورگاندارىنىڭ قىزمەتكەرلەرiنە اتتەستاتتاۋ ناتيجەلەرi بويىنشا باسقا, ونىڭ iشiندە تومەن تۇرعان لاۋازىمداردا قىزمەتiن جالعاس­تىرۋ ۇسىنىلۋى مۇمكiن.

قۇقىق قورعاۋ ورگاندارىنىڭ كەزەكتەن تىس اتتەستاتتاۋدان ءوت­پە­گەن جانە باسقا, ونىڭ iشiندە ءتو­­مەن تۇرعان لاۋازىمداردا قىز­مە­تiن جالعاستىرۋدان باس تارتقان قىزمەتكەرلەرi زاڭدا بەلگiلەنگەن تارتiپپەن جۇمىستان شىعارىلۋعا جاتادى.

مۇنداي سىندار قىزمەتكەر­لەر­­دىڭ قىزمەت ەتۋ بارىسىندا العان بىلىمدەرىن شىڭداپ, مىندەتى اي­قىن, العان باعىتى دۇرىس تاۋەلسىز قازاقستان ءۇشىن ارى قاراي ادال دا, ادىلەتتى جولمەن ەڭبەكتەرىن جال­عاستىرۋ ءۇشىن وڭ ناتيجە بەرەتىنىنە سەنىمدىمىن.

تولەش قاۋدىروۆ,

قازاق گۋمانيتارلىق-زاڭ ۋنيۆەرسيتەتى, ازاماتتىق-قۇقىقتىق زەرتتەۋلەردى عىلىمي-زەرتتەۋ ينستيتۋتىنىڭ ديرەكتورى, پروفەسسور.