بەيسەنبى, 26 ءساۋىر 2012 6:50
ەل پرەزيدەنتى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويدى. ەندى پرەزيدەنتتىڭ باستاماسىمەن جۇزەگە اسىرىلاتىن كەزەكتەن تىس اتتەستاتتاۋدىڭ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دايىندىق دەڭگەيىن جانە ولاردىڭ قازىرگى تالاپتارعا سايكەستىگىن انىقتاۋ, ورگانداردى مورالدىق-ادامگەرشىلىك قاسيەتتەرى تومەن جانە جەمقورلىق ارەكەتى ارقىلى جالپى مەملەكەتتىڭ بەدەلىن تۇسىرەتىن بىلىكسىز قىزمەتكەرلەردەن تازارتۋ.
بەيسەنبى, 26 ءساۋىر 2012 6:50
ەل پرەزيدەنتى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويدى. ەندى پرەزيدەنتتىڭ باستاماسىمەن جۇزەگە اسىرىلاتىن كەزەكتەن تىس اتتەستاتتاۋدىڭ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دايىندىق دەڭگەيىن جانە ولاردىڭ قازىرگى تالاپتارعا سايكەستىگىن انىقتاۋ, ورگانداردى مورالدىق-ادامگەرشىلىك قاسيەتتەرى تومەن جانە جەمقورلىق ارەكەتى ارقىلى جالپى مەملەكەتتىڭ بەدەلىن تۇسىرەتىن بىلىكسىز قىزمەتكەرلەردەن تازارتۋ.
قۇقىق قورعاۋ ورگاندارى قىزمەتكەرلەرىنىڭ, سونىڭ ىشىندە قارجى پوليتسياسى ورگاندارىنىڭ قىزمەتكەرلەرىن اتتەستاتتاۋ جەكە قۇرامدى بىلىكتى, ادال, ءوز ماماندىعىن سۇيەتىن قىزمەتكەرلەرمەن, ادامنىڭ قۇقىعى مەن زاڭدى مۇددەلەرىن جوعارى دەڭگەيدە قورعاۋعا قابىلەتتى ءوز ەلىنىڭ پاتريوتتارىمەن ساپالىق تۇرعىدا جاڭارتۋعا باعىتتالعان.
الەمدە قالىپتاسىپ وتىرعان جاعداي «حالىقتىڭ قۇقىق قورعاۋ ورگاندارىنا دەگەن سەنىمى» بيلىك ءۇشىن ماڭىزدى فاكتور ەكەندىگىن اڭعارتۋدا. بۇل رەتتە كەزەكتەن تىس اتتەستاتتاۋ قازىرگى زامانعى قۇقىق قورعاۋ جۇيەسىن قۇرۋعا ارنالعان كادرلىق الەۋەتتى قالىپتاستىرۋ, سونىمەن قاتار ادال جانە كاسىبي قىزمەتكەرلەردى ىرىكتەۋدىڭ ءتيىمدى تەتىكتەرىن قۇرۋدى, قۇقىق قورعاۋ ورگاندارىنىڭ كادر ساياساتىن ساپالى تۇردە وزگەرتۋ جانە وعان حالىقتىڭ سەنىمىن ارتتىرۋدى كوزدەيدى.
سوندىقتان دا كەزەكتەن تىس اتتەستاتتاۋدى وتكىزۋ بارىسىندا قاعازباستىلىققا, بىرجاقتىلىققا جول بەرىلمەي, ءار قىزمەتكەردىڭ قۇقىقتارى ساقتالۋىنا كەپىلدىك بەرەتىن جانە بارلىق راسىمدەردىڭ اشىقتىعىن قامتاماسىز ەتەتىن شارا بولعانىن قالار ەدىم. ويتكەنى, قۇقىق قورعاۋ ورگاندارى قىزمەتكەرلەرىنىڭ جاڭا بۋىنىن دايارلاۋعا جول اشاتىن ەلباسىنىڭ وسى شەشىمى كادرلاردى شىنايى سۇرىپتاۋعا دا مۇمكىندىك بەرەر دەپ سەنەمىن.
امانگەلدى قۇلباتىروۆ, «قارجى پوليتسياسى ورگاندارىنىڭ ارداگەرلەر ۇيىمى» قوعامدىق بىرلەستىگىنىڭ اتىراۋ فيليالىنىڭ توراعاسى.