جۇما, 6 ءساۋىر 2012 7:53
جاڭاوزەن قالاسىندا بولعان وقيعاعا بايلانىستى ءوتىپ جاتقان سوت پروتسەسى وزگە ازاماتتار سەكىلدى مەنى دە الاڭداتاتىنى انىق. ءارينە, مەن بۇل تۋرالى بارلىق اقپاراتتى ءارتۇرلى باعىتتاعى بۇقارالىق اقپارات قۇرالدارىنان الامىن. سوندىقتان مەن دە از-ماز ءوزىمنىڭ وي-پىكىرىمدى بىلدىرگىم كەلەدى.
جۇما, 6 ءساۋىر 2012 7:53
جاڭاوزەن قالاسىندا بولعان وقيعاعا بايلانىستى ءوتىپ جاتقان سوت پروتسەسى وزگە ازاماتتار سەكىلدى مەنى دە الاڭداتاتىنى انىق. ءارينە, مەن بۇل تۋرالى بارلىق اقپاراتتى ءارتۇرلى باعىتتاعى بۇقارالىق اقپارات قۇرالدارىنان الامىن. سوندىقتان مەن دە از-ماز ءوزىمنىڭ وي-پىكىرىمدى بىلدىرگىم كەلەدى.
بۇقارالىق اقپارات قۇرالدارى اتالعان سوت پروتسەسىندە بەينە, داۋىس جازۋ, سۋرەتكە تۇسىرۋگە تىيىم سالىنعانى تۋرالى كوپ ايتادى. كەيبىر جۋرناليستەر بۇل دۇرىس ەمەس, زاڭ بۇزۋشىلىق دەپ ەسەپتەيدى. مەن زاڭگەر رەتىندە وسى سوت وتىرىسىن باقىلايتىندىقتان, اقپاراتتى كۇندە وسى باق-تان جينايمىن. ەگەر سوت وتىرىسى تۋرالى اقپاراتتاردى بلوگەرلەر جەتكىلىكتى الا الماسا, وندا كۇندەلىكتى ءدال بۇلايشا ءوز ويلارىمەن الەۋمەتتىك جەلىلەردە, بلوكتاردا ءبولىسە الماس تا ەدى. سونداي-اق, ينتەرنەت سايتتار دا ونلاين رەجىمىندە كوپتەگەن اقپاراتتار بەرۋدە. بۇعان قوسا باق وكىلدەرى دە سوت وتىرىستارىندا ءتيىستى اقپاراتتاردى قاعازعا قاجەتىنشە ءتۇسىرىپ, جەدەل تاراتۋدا. دەمەك, مەنىڭ ويىمشا, سوت ءتيىستى زاڭدارعا بايلانىستى جوعارىداعىداي شەشىمدى شىعارۋعا قۇقى بار دەپ ەسەپتەيمىن. ونىڭ ۇستىنە كوپتەگەن شەت مەملەكەتتەردە بەينە, داۋىس جازۋ مەن سۋرەتكە ءتۇسىرۋگە قاتاڭ تىيىم سالىنعان. الايدا, قازىر ءبىزدىڭ كۇندەلىكتى سوت تالقىلاۋى تۋرالى تىڭداپ وتىرعان مول اقپاراتتارىمىزعا قاراعاندا, باق ءۇشىن سوت زالىنان قاجەتتى زاڭعا ساي مالىمەتتەردى الۋىنا ەشقانداي كەدەرگى جوق سەكىلدى.
سونىمەن قاتار, اقتاۋدا ءوتىپ جاتقان سوت وتىرىسىنىڭ ۇيىمداستىرىلۋى تۇرعىسىنان سىن ايتىپ, وعان ساياسي سيپات بەرگىلەرى كەلەتىندەر بار. بىراق ءبىز ماڭعىستاۋ وبلىسىنىڭ حالقى تەك ءبىر عانا جاڭاوزەن وقيعاسىمەن ءومىر ءسۇرىپ جاتپاعانىن بىلەمىز عوي. وندا ءوزىنىڭ رەپەرتۋارلارى ارقىلى كورەرمەندەردى تارتىپ وتىرعان ءمادەنيەت مەكەمەلەرى, ءبىلىم جانە ءتاربيە بەرىپ جاتقان وقۋ ورىندارى بارىنشا جۇمىستارىن جالعاستىرۋدا. ەندەشە ولاردىڭ جۇمىس ىرعاعىن بۇزا وتىرىپ وبلىس باسشىلىعى تاراپىنان سوت وتىرىسىن وتكىزۋ ءۇشىن باسقا ءبىر عيماراتتى, ياعني تەاتر, وقۋشىلار سارايىن تالاپ ەتۋ ورىنسىز. ولار دا ءوز جۇمىستارىن توقتاتپاي جالعاستىرا بەرۋگە ءتيىس.
ەندى بىرەۋلەر قازاقشادان ورىسشاعا ىلەسپە اۋدارما جوقتىعىنا نارازى سەكىلدى. بۇل تۋرالى دا باق-تا ءجيى جازىلۋدا. مەنىڭ ويىمشا, بۇل جەردە ەشقانداي زاڭ بۇزۋشىلىق جوق. كەرىسىنشە, ناعىز ادىلەتتى, ءوزىمىز ءجيى ايتاتىن زاڭ ۇستەمدىگى ورىن الىپ وتىر. ويتكەنى, قازاق ءتىلى مەملەكەتتىك ءتىل بولىپ تابىلاتىندىعىن ءبىز ءبارىمىز دە جاقسى بىلەمىز. ال سوت وتىرىسىنان اقپارات العىسى كەلەتىن كەز كەلگەن رەداكتسيا مەملەكەتتىك ءتىلدى دە, رەسمي ءتىلدى دە بىلەتىن ادام ۇستاۋى ءتيىس. ونىڭ ۇستىنە سوت وتىرىسى قالىڭ قازاق جايلاعان ماڭعىستاۋ وبلىسىندا ءوتىپ جاتقاندىعىن ۇمىتپاۋ كەرەك, ولاردىڭ باسىم كوپشىلىگى قازاق تىلىندە سويلەيدى. جانە سوت پروتسەسىنە قاتىسۋشىلار سوت وتىرىسىن قازاق تىلىندە وتكىزۋگە كەلىسكەن ءارى ولارعا اۋدارما جاساۋعا ءمۇمكىندىك بەرىلگەن. ال جۋرناليستەر ءۇشىن مۇنداي ءمۇمكىندىك قاراستىرىلماعان. شەتەلدىك جۋرناليستەر قاي مەملەكەتتەن اقپارات الۋعا كەلسە, اۋەلى سول ەلدىڭ ءتىلىن بىلۋگە ءتيىس. دەمەك, ىلەسپە اۋدارما تۋرالى شۋ ءبارىن بىلە تۇرا ادەيى جاسالعان ورىنسىز بايبالام ەكەنى تۇسىنىكتى.
تاعى ءبىر ماسەلە. بىرقاتار ءجابىرلەنۋشىلەر م ۇلىكتىك تالاپ ارىزدارىنان باس تارتىپ وتىر. بۇل جەردە ءبىر ەسەپ بار ما, الدە اتالعان جابىرلەنۋشىلەردىڭ تانىستارى نەمەسە كورشىسىنىڭ تۋىسقاندارى سوتتالۋشىنىڭ ورنىندا وتىرعاندىقتان كەشىرىمگە كەلدى مە دەيمىز. مەنىڭشە, ەكەۋى دە بار سەكىلدى. ەگەر ولار م ۇلىكتىك ازاماتتىق تالاپ ارىزدارىنان قازىر باس تارتسا, شىعىندارىن قايتارۋدى مەملەكەتكە جۇكتەي المايدى. ءبىز ءبارىن مەملەكەتكە يتەرە سالۋدى, مەملەكەتتەن كورۋدى جانە مەملەكەتتەن الۋدى عانا ءبىلەمىز. جابىرلەنۋشىلەر ازاماتتىق تالاپتان باس تارتقانىمەن, اتالعان پروتسەسس ەندى توقتامايدى. ويتكەنى, اتالعان قىلمىستىق ءىس اشىق, بۇقارالىق بولىپ تابىلادى جانە ايىپتاۋشى رەتىندە مەملەكەتتىك ايىپتاۋشى مەملەكەتتىڭ اتىنان قاتىسادى. دەمەك, ءجابىرلەنۋشىلەرگە ءتۇسىندىرۋ جۇمىستارىن جۇرگىزگەن ولار ءۇشىن ءتيىمدى بولماق.
اقپارات كوزدەرىنىڭ دەرەكتەرى نەگىزىندە دايىندالدى.