بۇل بايقاۋدىڭ ماقساتى – تۇڭعىش پرەزيدەنتتىڭ « ۇلى دالانىڭ جەتى قىرى» جانە «بولاشاققا باعدار: رۋحاني جاڭعىرۋ» ماقالالارى اياسىندا ءوز تۋعان ولكەسىن, اۋىلىن, قالاسىن ەرەكشە سۇيەتىن, تاريحىن بىلەتىن وتان پاتريوتتارىن تاربيەلەۋ بولاتىن. تارتىستى وتكەن بايقاۋعا جوعارى وقۋ ورىندارىنىڭ پروفەسسورلىق-وقىتۋشىلار قۇرامى, عىلىمي-ساراپشىلىق جانە وبلىستىق بالالار-جاسوسپىرىمدەر ءتۋريزمى جانە ەكولوگيا ورتالىعى وكىلدەرى تورەلىك ەتتى.
بايقاۋ بارىسىندا جاس زەرتتەۋشىلەر - 1-2 كۋرس ستۋدەنتتەرى وزدەرىنىڭ انتروپونيميكا, توپونيميكا باعىتىندا جۇرگىزگەن عىلىمي-زەرتتەۋ جوباسىن ۇسىنىپ, وڭىرلىك ونوماستيكانىڭ انىقتامالىق ادەبيەتتەرىمەن جۇمىستانۋ ماسەلەسىندە بىلىكتىلىگى مەن داعدىسىن, سويلەۋ تاجىريبەسىندە العان ءبىلىمى مەن ىسكەرلىك شەبەرلىگىن, تۋعان ولكە تاريحىنىڭ اقپاراتتىق-تالداۋ ماتەريالدارى جۇيەسىن قۇرۋ جانە جۇرگىزۋدەگى جۇمىسىن, قابىلەتتەرى مەن شىعارماشىلىق الەۋەتىن كورسەتە ءبىلدى.
وبلىستىق بايقاۋ قورىتىندىسىندا باس جۇلدە – ورال اقپاراتتىق تەحنولوگيالار كوللەدجىنىڭ 1 كۋرس ستۋدەنتى يگناتەۆا ناتالياعا بۇيىردى. ال ج.دوسمۇحامەدوۆ اتىنداعى جوعارى پەداگوگيكالىق كوللەدجىنىڭ 1 كۋرس ستۋدەنتى زالينا اليەۆا 1 ورىنعا لايىق دەپ تانىلدى.
ەكى ەكىنشى ورىندى بايتەرەك اۋدانى رۋبەجكا كوللەدجىنىڭ 1 كۋرس ستۋدەنتى بەك امانگەلدى مەن ورال اقپاراتتىق تەحنولوگيالار كوللەدجىنىڭ 1 كۋرس ستۋدەنتى قادىربەك دۇيسەكەنوۆ ءوزارا ءبولىستى.
بايتەرەك اۋدانى زەلەنوۆ كوللەدجىنىڭ 1 كۋرس ستۋدەنتى ەلەنا ليتۆياكوۆا, باتىس قازاقستان ينجەنەرلىك-تەحنولوگيالىق كوللەدجىنىڭ 2 كۋرس ستۋدەنتى گۇلناز وتەمىسوۆا جانە جالپاقتال اگرارلىق جانە سالالىق تەحنولوگيالار كوللەدجىنىڭ 2 كۋرس ستۋدەنتى قۇندىز سانسىزباەۆا جۇلدەلى ءۇشىنشى ورىنعا يە بولدى.
شىڭعىرلاۋ كوللەدجىنىڭ 2 كۋرس ستۋدەنتى امير بيكيتەەۆ پەن باتىس قازاقستان يندۋستريالدى كوللەدجىنىڭ 1 كۋرس ستۋدەنتى ارسەن ساينوۆ ارنايى جۇلدەگە يە بولدى. جوعارىدا اتالعان جەڭىمپازداردىڭ بارىنە ديپلوم مەن باعالى سىيلىق تابىس ەتىلدى.
سۋرەتتى تۇسىرگەن رافحات حالەلوۆ
باتىس قازاقستان وبلىسى