سەيسەنبى, 3 ءساۋىر 2012 7:37
جاڭاوزەندە باستالعان سوت وتىرىسى قالىپتى جاعدايدا ءوتۋدە. دەگەنمەن, بىرقاتار ءجابىرلەنۋشىلەر ايىپتالۋشىلارعا تاققان تالاپ-ارىزدارىنان باس تارتىپ وتىر. ولار وقيعا سالدارىنان كەلگەن شىعىندارىن قايتارۋ ماقساتىندا ارىزدارىن جازعان بولاتىن. ەندى سوت بارىسىنا كوز جۇگىرتسەك, جابىرلەنۋشىلەر وسى تالاپ ارىزدارىن قايتىپ الۋدا.
سەيسەنبى, 3 ءساۋىر 2012 7:37
جاڭاوزەندە باستالعان سوت وتىرىسى قالىپتى جاعدايدا ءوتۋدە. دەگەنمەن, بىرقاتار ءجابىرلەنۋشىلەر ايىپتالۋشىلارعا تاققان تالاپ-ارىزدارىنان باس تارتىپ وتىر. ولار وقيعا سالدارىنان كەلگەن شىعىندارىن قايتارۋ ماقساتىندا ارىزدارىن جازعان بولاتىن. ەندى سوت بارىسىنا كوز جۇگىرتسەك, جابىرلەنۋشىلەر وسى تالاپ ارىزدارىن قايتىپ الۋدا.
بۇل كوپشىلىك اراسىندا بىرقاتار سۇراقتاردى دا تۋعىزىپ وتىر. نەلىكتەن ولار وقيعاعا قاتىستى كىنالىلەردى تاۋىپ, شىعىندارىن قايتارىپ بەرۋ تۋرالى تالاپ ارىزدارىنان باس تارتۋدا؟ وندا ايىپكەرلەردى دە بوساتۋ كەرەك ەمەس پە؟ ارينە, بۇعان بايلانىستى ءتۇپتىڭ تۇبىندە سوت ءوز شەشىمىن شىعاراتىنى انىق. بىراق بۇل ۇردىسكە بايلانىستى سىرتتاي باقىلاۋ جاساپ وتىرعان باسقا دا قوعامدىق ۇيىمدار سەكىلدى مەنىڭ دە ايتار ءوز ويىم بار.
جاپپاي تارتىپسىزدىككە (قك 241-باپ) بايلانىستى ءىس ءجابىرلەنۋشىلەردىڭ (قىك 32-باپ) ارىزدارىنان تىس قوزعالىپ وتىر. دەمەك, جاڭاوزەن قالاسىندا ورىن العان جاپپاي تارتىپسىزدىككە بايلانىستى ءىس دۇنيە-مۇلكى ب ۇلىنگەن جابىرلەنگەن كاسىپكەرلەر تاراپىنان ەمەس, كەرىسىنشە, ورىن العان قىلمىستىڭ قوعامدىق قاۋىپتىلىگىنە بايلانىستى قوزعالىپ وتىر. ەندەشە جابىرلەنگەندەر ارىزدارى مەن تالاپتارىنان باس تارتقاندارىمەن سوتتالۋشىلارعا قىلمىستىق ءىس توقتاتىلمايدى. ءجابىرلەنگەندەر سوتتالۋشىلاردى ايىپتاۋدان ەمەس, ازاماتتىق تالاپ- ارىزدان باس تارتتى. ال بۇل جەردە ايىپتاۋشى مەملەكەت ءمۇددەسىن بىلدىرەتىن پروكۋرور بولىپ تابىلادى. سوندىقتان دا ءجابىرلەنگەندەر جاڭاوزەن قالاسىنداعى جاپپاي تارتىپسىزدىك تۋرالى ءىس بويىنشا مەملەكەتتىك ايىپتاۋدى قولدامادى, دەگەنمەن زاڭ بويىنشا ولار ايىپتاۋدان باس تارتا المايدى. زاڭ تۇرعىسىنان العاندا ولاردىڭ ارەكەتتەرى ازاماتتىق تالاپتان باس تارتۋ عانا بولىپ تابىلادى.
بىرەۋلەر جابىرلەنگەندەر ءمۇلىكتەرىنىڭ ب ۇلىنگەندەرى تۋرالى ايعاق بەرۋى ءۇشىن ولارعا قۇقىق قورعاۋ ورگاندارى تاراپىنان قىسىم كورسەتىلدى, سوندىقتان ولار ايىپتاۋدان باس تارتتى دەيدى. ايتپەسە, ولاردىڭ ايىپتاۋدان جانە ازاماتتىق تالاپ-ارىزدان باس تارتۋىن قالاي تۇسىندىرۋگە بولادى؟ سوت نەلىكتەن بۇعان نازار اۋدارمايدى دەيدى. كاسىپكەرلەردىڭ م ۇلىكتەرى ب ۇلىنگەن سوڭ ارىزدى ولار قۇقىق قورعاۋ ورگاندارىنا وزدەرى جازدى. سودان كەيىن ولاردان قىلمىستىق ءىستى تەرگەۋ اياسىندا عانا جاۋاپ الىندى. جانە قىلمىستىق ءىستى تەرگەۋ نەمەسە توقتاتۋ جابىرلەنۋشىلەردىڭ مارتەبەسى مەن پوليتسياعا بەرگەن ارىزدارىنا بايلانىستى ەمەس. قىلمىستىق ءىس بويىنشا 188 ءجابىرلەنۋشى تىركەلگەن. ولاردىڭ 155-ءى ازاماتتىق تالاپ ارىز بەرگەن. راسىندا وسى ادامداردىڭ بىرقاتارى پروتسەسس بارىسىندا تالاپ ارىزدارىنان باس تارتتى.
مەنىڭ جەكە پىكىرىم بويىنشا, جابىرلەنۋشىلەر دە كاسىپكەرلەر بولعاندىقتان ولار ءوز ەسەپتەرىن جاقسى بىلەدى. ال ءوز وتىنىشتەرىن قايتارۋى, بۇل بىرىنشىدەن, اتالعان شىعىندى مەملەكەت تاراپىنان قايتارىپ الۋدى كوزدەپ وتىر. ەگەر سوت شەشىمىمەن كاسىپكەرلەردىڭ شىعىنىن قايتارۋ ايىپكەرلەر موينىنا تاعىلاتىن بولسا, وندا سوتتالعاندار قاشان, قايتىپ, قالاي جابىرلەنۋشىلەردىڭ شىعىندارىن وتەمەك؟ ولاردىڭ الەۋمەتتىك جاعدايى كوتەرە مە؟ دەمەك, ايىپكەرلەردى سوتتاۋ كاسىپكەرلەر ءۇشىن ءتيىمدى مە دەگەن ءماسەلە تۋىندايدى. سوندىقتان دا ءجابىرلەنۋشىلەر سەنىمسىزدىك ءبىلدىرىپ شىعىندى سوتتالۋشىلاردان ەمەس, مەملەكەتتەن تالاپ ەتىپ وتىر.
ەكىنشىدەن, جاڭاوزەن شاعىن قالا. ونداعى حالىق ءبىرىن-ءبىرى جاقسى تانيدى. جاقىن تانىماسا دا كورشىسى, تۋىسقاندارى ارقىلى سىرتتاي بىلەدى. دەمەك, بۇل تۇرعىدان العاندا ءبىرىن-ءبىرى بىلەتىن, تانيتىن ادامدار ادامگەرشىلىكتەن اتتاي الماي وتىر. سىيلاستىق قاشاندا جاقسى قاسيەت. ەندەشە سىيلاستىقتى, ادامگەرشىلىكتى جوعارى قوياتىن حالقىمىز بۇل جولى دا بايلىقتان بىرلىك ارتىق دەپ كەشىرىمگە كەلىپ وتىر دەپ ەسەپتەيمىن. وسى ەكى دەرەككە بايلانىستى جابىرلەنۋشىلەر وزدەرىنىڭ وتىنىشتەرىن قايتارىپ الدى دەگەن پىكىردەمىن.