وڭىردەگى قۇقىق قورعاۋ, تابيعات قورعاۋ ورگاندارىنىڭ جانە شەكارا قىزمەتىنىڭ 11 قايىعى مەن 17 شاعىن كەمەسى جايىق وزەنىندەگى شەرۋگە قاتىستى. بالىقشى ىقشام اۋدانىنان وزەننىڭ كاسپي تەڭىزىنە قۇيار جەرىنە دەيىنگى ارالىق سۋ كولىگىنە تولدى. بيىل «بەكىرە-2019» بالىق قورعاۋ اكتسياسى وسىلايشا ەرەكشە باستالدى.
وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى دانيار بايماعامبەتوۆ: «تەڭىز جاعالاۋى مەن سۋ ايدىندارىندا, جايىق, قيعاش وزەندەرىنىڭ اعىندارىندا, جالپى بروكونەرلىك دەرەكتەر بولۋى ىقتيمال جەرلەردە شوعىرلانعان ستاتسيونارلىق, ءموبيلدى بولىمشەلەر مەن جىلجىمالى جولدار توبى ۇيىمداستىرىلدى. ناۋقان بارىسىندا 16 بەكەت قويىلىپ, 500-دەن استام ادام قىزمەت ەتەدى»,- دەيدى.
اتىراۋ, ماڭعىستاۋ, باتىس قازاقستان وبلىستارىندا جىل سايىن ءداستۇرلى تۇردە وتەتىن ناۋقان 31 مامىرعا دەيىن جالعاسادى. جايىق-كاسپي باسسەينىندە باعالى بەكىرە بالىقتاردىڭ تۇرلەرىن ساقتاۋعا باعىتتالعان شارا اياسىندا جىل سايىن جۇزدەگەن زاڭ بۇزۋشىلىق دەرەكتەرى انىقتالىپ, شارا قولدانىلادى.
اتىراۋ