قالالىق كولىك جانە جول-كولىك ينفراقۇرىلىمىن دامىتۋ باسقارماسى وسى جىلى جالپى ۇزىندىعى 8,42 شاقىرىم بولاتىن جەتى كوشەنى جانە كوكتال-1, اگروقالاشىق, ءوندىرىس, وڭتۇستىك-شىعىس (وڭ جاعالاۋ) تۇرعىن ءۇي اۋداندارىندا جالپى ۇزىندىعى 31شاقىرىم بولاتىن 87 كوشەگە ورتاشا جوندەۋ جۇمىستارىن جۇرگىزۋدى جوسپارلاپ وتىر. بۇل تۋرالى باسقارمانىڭ ءباسپاسوز قىزمەتى حابارلادى.
اتاپ ايتقاندا, جوندەۋ جۇمىستارى: سىعاناق پەن كەرەي-جانىبەك حاندار كوشەلەرىنىڭ ارالىعىندا جاتقان بوكەيحان كوشەسىندە; مولداعۇلوۆا مەن ەسەنبەرلين كوشەلەرىنىڭ ارالىعىنداعى زاتاەۆيچ كوشەسىندە; سارىارقا جانە رەسپۋبليكا داڭعىلدارىنىڭ ارالىعىندا جاتقان اباي داڭعىلىندا; ش. ك. كۋمي مەن ش. بەيسەكوۆا كوشەلەرىنىڭ ارالىعىندا جاتقان قوسشىعۇل ۇلى كوشەسىندە; تاۋەلسىزدىك جانە م. جۇماباەۆ داڭعىلدارىنىڭ ارالىعىندا جاتقان كۇيشى دينا كوشەسىندە; الاش تاس جولىندا(جەرگىلىكتى جولدار مەن اۆتوبۋس جولدارى قۇرىلىسى); تاۋەلسىزدىك جانە م. جۇماباەۆ داڭعىلدارىنىڭ ارالىعىندا جاتقان ب. مايلين كوشەسىندە جۇرگىزىلەدى. كوشە اسفالت-بەتون جامىلعىلارىندا اقاۋلاردىڭ پايدا بولۋىنا نەگىزىنەن كۇرت كونتينەنتالدى كليمات (تەمپەراتۋرانىڭ كۇرت تومەندەۋى), كولىك قۇرالدارىنىڭ جوعارى قارقىندىلىعى, سونداي-اق كۇردەلى جوندەۋ مەرزىمىنىڭ اياقتالۋى سەبەپ بولعان.
اسفالتبەتوندى بەتون جامىلعىلارىنداعى كەمشىلىكتەر, تەسىكتەر مەن شۇڭقىرلار, جارىقتار كوبىنەسە جوندەۋ جۇمىستارى اياقتالعان كوشەلەردە (كۇردەلى جوندەۋ مەرزىمى - 5 جىل) پايدا بولادى. مىسالى, اباي داڭعىلىنىڭ سارىارقا داڭعىلىنان رەسپۋبليكا داڭعىلىنا دەيىنگى ارالىعى. بۇل بولىمدە سوڭعى رەت جوندەۋ جۇمىستارى 2012 جىلى جۇرگىزىلگەن, ياعني 7 جىل بۇرىن جانە بۇگىنگى تاڭدا توسەنىش, پيللينگ جانە قاپتامادا جارىقتار كورىنۋدە, كەمشىلىكتەر بار. سارىارقا داڭعىلى مەن ش. ءۋاليحانوۆ كوشەسىنىڭ اراسىندا جاتقان بوگەنباي باتىر داڭعىلىنىڭ بولىگى. سوڭعى رەت وسى ۋچاسكەنى جوندەۋ 2010 جىلى, ياعني 9 جىل بۇرىن جۇزەگە اسىرىلدى», – دەپ ءتۇسىندىردى كولىك جانە جول-كولىك ينفراقۇرىلىمىن دامىتۋ باسقارماسىندا.
باسقارما قالانىڭ جول جەلىسىندەگى كەم-كەتىك, جارىقتار مونيتورينگىن كۇندەلىكتى وتكىزىپ, قاداعالاپ وتىرادى. تۇرعىنداردىڭ حاتتارى, وتىنىشتەرى جانە «109» قىزمەتى, الەۋمەتتىك جەلىلەردەن الىنعان اقپارات بويىنشا, سونداي-اق مونيتورينگ اقپاراتى, اۋداندىق اكىمدىكتەر سۇراۋلارىنىڭ نەگىزىندە باسقارما ءتيىستى مەرزىمدە جول ينفراقۇرىلىمىن اعىمداعى جوندەۋ جوسپارىن جاسايدى. جۇمىستار كەستەگە ساي جۇرگىزىلەدى. قالادا جول جوندەۋ ۋاقىتى جوبامەن ءساۋىر ايىنىڭ ورتاسىنان باستالادى. نورماتيۆتىك قۇجاتتاماعا سايكەس, ىستىق اسفالت بەتون قوسپاسىن اۋا تەمپەراتۋراسى + 10 ° س-تەن تومەن بولماعان جاعدايدا توسەۋ كەرەك. اكىمشىلىك قۇقىق بۇزۋشىلىق تۋرالى كودەكستىڭ «تىنىشتىقتى بۇزۋ» 437 بابىنا ساي, تۇندە جۇمىس ىستەۋگە جول بەرىلمەيدى.