2019 جىلعى 1-2 ءساۋىر ارالىعىندا ليسسابوندا قازاقستان جانە پورتۋگاليا سىرتقى ىستەر مينيسترلىكتەرى اراسىنداعى كەزەكتى ساياسي كونسۋلتاتسيالار ءوتتى.
كەزدەسۋ بارىسىندا تاراپتار ساياسي, ساۋدا - ەكونوميكالىق جانە مادەني - گۋمانيتارلىق سالالارداعى قازاقستاندىق - پورتۋگالدىق ىنتىماقتاستىقتىڭ بۇگىنى مەن ەرتەڭىن تالقىلاپ, سوڭعى جىلدارداعى ءوزارا ىقپالداستىقتىڭ وڭ ديناميكاسىن اتاپ ءوتتى.
بۇدان وزگە, وزەكتى حالىقارالىق ماسەلەلەر بويىنشا تەرەڭ پىكىر الماسۋ قازاقستان مەن پورتۋگاليانىڭ ۇستانىمدارىنىڭ ۇقساستىعىن انىقتادى. اتاپ ايتقاندا, ولار اۋعانستاندى تۇراقتاندىرۋعا جانە جانجالدى جاعدايلاردى شەشۋگە جاردەم كورسەتۋ جونىندەگى كۇش-جىگەردى ۇيلەستىرۋ بويىنشا پىكىر الماستى.
تاراپتار قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ورتالىق ازياداعى جانە جاھاندىق اۋقىمداعى قاۋىپسىزدىك پەن تۇراقتىلىقتى نىعايتۋعا قوسقان ەرەكشە تاريحي ۇلەسىن اتاپ ءوتتى.
قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى ءتيىمدى ىسكە اسىرۋعا, سونداي اق تاراپتاردىڭ ورتالىق ازيا – ەۋروپالىق وداق فورماتىنداعى ءوزارا ءىس-قيمىلىنا نەگىزگى نازار اۋدارىلدى.
پورتۋگاليا ءسىم-ءنىڭ باس ديرەكتورى ليسسابوننىڭ ەلىمىزگە حالىقارالىق ارەنادا ودان ءارى قولداۋىن كورسەتۋگە ازىرلىگىن ءبىلدىردى.
كەلىسسوزدەردىڭ ماڭىزدى تاقىرىبى ەكونوميكالىق ديپلوماتيا اياسىنداعى ىنتىماقتاستىقتى جانداندىرۋ بولدى. دەلەگاتسيا باسشىلارى كولىكتىك - ترانزيتتىك سالادا «بەلدەۋ جانە جول» باستاماسى اياسىندا ۇيلەستىرۋدى كۇشەيتۋگە, جەك, اكت, يننوۆاتسيا مەن ينجەنەرلىك, جەڭىل ونەر كاسىپ جانە تۋريزم سەكىلدى الەۋەتتى باعىتتار بويىنشا ءوزارا ءىس قيمىلدى كەڭەيتۋ بويىنشا شارالاردى بەلسەندىرۋگە كەلىستى. وسى ماقساتتا جاڭا سالالىق كەلىسىمدەردى جاساسۋ ارقىلى كەلىسىمدىك قۇقىقتىق بازانى ودان ءارى كەڭەيتۋ الەۋەتى پىسىقتالدى. ساۋدا ەكونوميكالىق ءوزارا ءىس-قيمىلدى بەلسەندىرۋ ءۇشىن ەكونوميكالىق, ساۋدا جانە تەحنيكالىق ىنتىماقتاستىق جونىندەگى ۇكىمەت ارالىق كەلىسىمدەردى جاساسۋ جونىندەگى جۇمىستى جەدەلدەتۋگە قول جەتكىزىلدى, ول ماڭىزدى ينستيتۋتسيونالدى قۇرالدى - ۇكىمەتارالىق كوميسسيا قۇرۋدى كوزدەيدى.
سونىمەن قاتار, ەكى ەلدىڭ ىسكەر توپتارى اراسىندا ىنتىماقتاستىقتى تەرەندەتۋگە جانە ءوزارا ءتيىمدى جانە باسەكەگە قابىلەتتى جوبالاردى ىزدەۋگە ىقپالداساتىن ينۆەستيتسيالىق بيزنەس فورۋم وتكىزۋگە تاراپتاردىڭ قىزىعۋشىلىعى اتاپ ءوتىلدى.
ساپار بارىسىندا پورتۋگاليا تاراپىنان 50-گە جۋىق قاتىسۋشىلاردى جيناعان قازاقستاننىڭ ينۆەستيتسيالىق احۋالى مەن ەكونوميكالىق دامۋى تۋرالى پرەزەنتاتسيا ءوتتى, سونداي-اق پورتۋگاليانىڭ بيزنەس قوعامداستىق وكىلدەرىمەن, اتاپ ايتقاندا «AICEP» سىرتقى بايلانىستار جونىندەگى اگەنتتىكتىڭ جاۋاپتى ديرەكتورى انتونيو سيلۆا, پورتۋگاليا ونەركاسىپشىلەر قاۋىمداستىعىنىڭ پرەزيدەنتى جورشە پايش جانە سەكىلدى بىرقاتار ءىرى, شاعىن جانە ورتا كاسىپورىنداردىڭ باسشىلارى Partex Oil and Gaz Group, EFACEC, Novobase, ISQ Global, TCPI, Micotec, NOV, SMP, MPG كەزدەسۋلەر ءوتتى.
B2G فورماتىندا پورتۋگالدىق كومپانيالاردىڭ قازاقستاندا الەۋەتتى ينۆەستيتسيالىق جوبالارعا قاتىسۋ ماسەلەلەرى تالقىلاندى.
كونسۋلتاتسيالار بارىسىندا ءبىلىم جانە مادەنيەت سالاسىندا ونىڭ ىشىندە قازاقستاندىق ۋنيۆەرسيتەتتەر نەگىزىندە پورتۋگال ءتىلى كۋرس تارىن ۇيىمداستىرۋعۆ ۇلكەن نازار اۋدارىلدى. اتالعان كۋرستار تەك ءتىلدى مەڭگەرۋدى عانا ەمەس, كينو اپتالىعى, ءان جانە سازدى كەشتەر, كورمە, پورتۋگالدىق اۆتورلاردى قازاق تىلىنە اۋدارۋدى جاردەمدەسۋ جانە ۇيىمداستىرۋ سەكىلدى بىرقاتار مادەني ءىس شارالاردى ۇيىمداستىرۋدى قامتيدى.
ساپار سوڭىندا ر.ۆاسيلەنكو پورتۋگاليانىڭ «Diario de Noticias» جاڭالىقتار اگەنتتىگىنە قازاقستاندىق پورتۋگالدىق ىنتىماقتاستىقتى دامىتۋدىڭ بۇگىنى مەن ەرتەڭى تۋرالى ايتىپ سۇحبات بەردى.
2005 جىلدان 2018 جىلعى III توقسان ارالىعىندا پورتۋگاليادان قر-عا ينۆەستيتسيالاردىڭ كەلۋى 251 ملن. دوللار قۇرادى. 2018 جىلعى ساۋدا اينالىمى 398,4 ملن. دولل. بىرقاتار پورتۋگالدىق كومپانيالار قازاقستاندا اقپاراتتىق تەحنولوگيا, قۇرىلىس, ارحيتەكتۋرالىق جوسپارلاۋ, كورمە قىزمەتى, كەڭسە جيھازىن ازىرلەۋ مەن جەتكىزۋ سەكىلدى سالالاردا قىزمەت ەتەدى.