تۇركىستان وبلىسىندا زاڭسىز جولاۋشىلار تاسىمالىنا توسقاۋىل قويۋ ماقساتىندا كەزەكتى رەيدتىك ءىس-شارالار جەتىساي اۋدانىندا ءوتتى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.
شاراعا وبلىستىق جولاۋشىلار كولىگى جانە اۆتوموبيل جولدارى باسقارماسى, جەتىساي اۋدانىنىڭ جولاۋشىلار كولىگى جانە اۆتوموبيل جولدارى ءبولىمى ۇيىتقى بولدى. سونداي-اق, تۇركىستان وبلىسىنىڭ كولىكتىك باقىلاۋ ينسپەكتسياسى مەن جەتىساي اۋدانىنىڭ پوليتسيا ءبولىمى اتسالىستى. وتكىزىلگەن رەيدتىك ءىس-شارالار ناتيجەسىندە قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنە سايكەس, جولاۋشىلار كولىگىنە قاتىستى 30 حاتتاما ءتۇزىلىپ, 1 قوعامدىق كولىك اكىمشىلىك ايىپ تۇراعىنا قويىلدى. اتالعان شارالار جولاۋشىلار قاۋىپسىزدىگى مەن زاڭسىز جولاۋشىلار تاسىمالىنا باعىتتالعان.