سارسەنبى, 28 قاراشا 2012 7:16
بالا تۋعاننان كەيىن ءبىردەن تىركەلەدى جانە تۋعان كەزىنەن باستاپ ەسىم يەلەنۋگە جانە ازاماتتىق الۋعا, سونداي-اق مۇمكىندىگىنە قاراي ءوز اتا-انالارىن بىلۋگە جانە ولاردىڭ قامقورلىعىنا قۇقىعى بولادى. بالانىڭ اتا-انالارى (اتا-اناسى) تۋرالى مالىمەتتى تۋ تۋرالى اكتىلەر جازبالارى كىتابىنا تىركەۋ «نەكە (ەرلى-زايىپتىلىق) جانە وتباسى تۋرالى» كودەكستە كوزدەلگەن ءتارتىپپەن جۇرگىزىلەدى. اتا-انالاردىڭ جانە بالانىڭ قۇقىقتارى مەن مىندەتتەرى بالانىڭ قازاقستان رەسپۋبليكاسىنىڭ زاڭىندا بەلگىلەنگەن تارتىپپەن كۋالاندىرىلعان تەگىنە نەگىزدەلەدى.
سارسەنبى, 28 قاراشا 2012 7:16
بالا تۋعاننان كەيىن ءبىردەن تىركەلەدى جانە تۋعان كەزىنەن باستاپ ەسىم يەلەنۋگە جانە ازاماتتىق الۋعا, سونداي-اق مۇمكىندىگىنە قاراي ءوز اتا-انالارىن بىلۋگە جانە ولاردىڭ قامقورلىعىنا قۇقىعى بولادى. بالانىڭ اتا-انالارى (اتا-اناسى) تۋرالى مالىمەتتى تۋ تۋرالى اكتىلەر جازبالارى كىتابىنا تىركەۋ «نەكە (ەرلى-زايىپتىلىق) جانە وتباسى تۋرالى» كودەكستە كوزدەلگەن ءتارتىپپەن جۇرگىزىلەدى. اتا-انالاردىڭ جانە بالانىڭ قۇقىقتارى مەن مىندەتتەرى بالانىڭ قازاقستان رەسپۋبليكاسىنىڭ زاڭىندا بەلگىلەنگەن تارتىپپەن كۋالاندىرىلعان تەگىنە نەگىزدەلەدى.
تۋدى تىركەۋ كەزىندە ءوتىنىش بەرۋشى اتا-اناسىنىڭ قاي ۇلتقا جاتاتىنىن كورسەتۋگە تىلەك ءبىلدىرسە, وندا بالانىڭ تۋ تۋرالى اكت جازباسىندا اتا-اناسىنىڭ – قازاقستان رەسپۋبليكاسى ازاماتتارىنىڭ ۇلتى قازاقستان رەسپۋبليكاسى ازاماتتارىنىڭ جەكە باسىن كۋالاندىراتىن قۇجاتتاردا كورسەتىلگەن ۇلتىنا سايكەس كورسەتىلەدى. شەتەلدىك بولىپ تابىلاتىن اتا-انانىڭ قاي ۇلتقا جاتاتىنى تۋرالى ءمالىمەت ونىڭ ۇلتتىق پاسپورتىنا سايكەس كورسەتىلەدى. شەتەلدىك ۇلتتىق پاسپورتىندا ۇلتى تۋرالى ءمالىمەت بولماعان كەزدە, ونىڭ ۇلتى ءوزى ازاماتى بولىپ تابىلاتىن شەت مەملەكەتتىڭ قۇزىرەتتى ورگانى بەرگەن قۇجاتقا سايكەس ايقىندالۋى مۇمكىن.
بالانىڭ ۇلتى ونىڭ اتا-انالارىنىڭ ۇلتىمەن ايقىندالادى. ەگەر اتا-انالارىنىڭ ۇلتى ءارتۇرلى بولسا, بالاعا جەكە كۋالىك نەمەسە پاسپورت بەرىلگەن كەزدە ونىڭ تىلەگى بويىنشا اكەسىنىڭ نەمەسە شەشەسىنىڭ قاي ۇلتقا جاتاتىنىنا سايكەس ايقىندالادى. ودان ءارى بالانىڭ ۇلتى ونىڭ ءوتىنىشى بويىنشا تەك قانا اتا-انالارىنىڭ ەكىنشىسىنىڭ ۇلتىنا وزگەرتىلۋى مۇمكىن.
ايناگۇل بەگايداروۆا,
الماتى اۋداندىق احات ءبولىمىنىڭ
ينسپەكتور تىركەۋشىسى.
استانا.