قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ اسكەري تىكۇشاقتىڭ اپاتقا ۇشىرۋىنا بايلانىستى قازا بولعانداردىڭ وتباسىلارىنا كوڭىل ايتۋ جەدەلحاتىن جولدادى.
نۇرسۇلتان نازارباەۆ اسكەري تىكۇشاقتىڭ اپاتقا ۇشىرۋى سالدارىنان قازاقستان رەسپۋبليكاسىنىڭ قارۋلى كۇشتەرى اسكەري قىزمەتشىلەرىنىڭ قازا بولعانى تۋرالى حاباردى زور كۇيزەلىسپەن قابىلدادى.
«قازاقستاننىڭ اسكەري قىزمەتشىلەرى ارقاشان انتىنا ادال, سونداي-اق وتانىنا شەكسىز بەرىلە قىزمەت ەتۋدە. جاستارىمىزدىڭ مەزگىلسىز قازا بولۋى قابىرعامىزدى قايىستىردى.
ورنى تولماس قايعىعا ورتاقتاسىپ, قازا بولعانداردىڭ تۋىستارى مەن جاقىندارىنا كوڭىل ايتامىن», – دەلىنگەن جەدەلحاتتا.