قازالى اۋدانىندا قر تۇڭعىش پرەزيدەنتى - ن.ءا. نازارباەۆتىڭ تاريحي شەشىم قابىلداۋىنا جانە ەلوردامىزدىڭ اتىنىڭ وزگەرۋىنە وراي «ەلى سۇيگەن ەلباسى» اتتى سالتاناتتى جيىن ۇيىمداستىرىلدى.
«ەلباسى ۇنەمى جاستار ماسەلەسىن, جاستار ساياساتىن نازاردان تىس قالدىرعان ەمەس. تەگىن ءبىلىم, «بولاشاق» باعدارلاماسى ارقىلى شەتەلدە ءبىلىم الۋ, جاستارعا قولجەتىمدى باسپانا, وقۋ گرانتتارى سىندى ءتۇرلى جەڭىلدىكتەردى جاستارىمىز ءۇشىن جاسادى. وسىنداي جاستارعا دەگەن جاناشىرلىقتىڭ ارقاسىندا بۇگىندەن بولاشاقتىڭ تۇتقاسىن ۇستار ازاماتتارىمىز كوبەيىپ كەلەدى. وسىنىڭ ءبارى دە ەلى سۇيگەن, ەلىن سۇيگەن ەلباسىنىڭ ارقاسى!» - دەيدى اۋدان جاستارىنىڭ اتىنان ءسوز العان ەركىن قۇسان.
جيىندا باسقا دا ازاماتتار تۇڭعىش پرەزيدەنت جونىندەگى ءوز اقجارما تىلەكتەرىمەن ءبولىستى.
باقتيار تايجان,
«Egemen Qazaqstan».
قىزىلوردا وبلىسى