«قالامقاس» كەن ورنىندا اۆاريالىق ورتەنۋ توتەنشە جاعدايىنا بايلانىستى «قازگيدرومەت» رمك 2019 جىلعى 26 ناۋرىزدا كەن ورنىنىڭ سانيتاريالىق-قورعاۋ ايماعىنىڭ شەكاراسىندا اتموسفەرالىق اۋادان جانە توپىراقتان, كەن ورنى ايماعىنداعى كاسپي تەڭىزىنىڭ سۋىنان جوسپاردان تىس سىناما الدى, دەپ حابارلايدىەنەرگەتيكا مينيسترلىگىنىڭ ءباسپاسوز قىزمەتى.
سانيتاريالىق-قورعاۋ ايماعىنىڭ شەكاراسىندا (ورتەنۋ ورنىنان 1 كم) اتموسفەرالىق اۋانىڭ سىنامالارى 4 نۇكتەدە كەلەسى كورسەتكىشتەر بويىنشا الىندى: 1) ازوت وكسيدى; 2) ازوت ديوكسيدى; 3) اممياك; 4) كۇكىرت ديوكسيدى; 5) رم-10 قالقىما زاتتار; 6) قوسىندى كومىرسۋتەكتەر; 7) كۇكىرتتى سۋتەگى; 8) كومىرتەگى وكسيدى.
الىنعان اۋا سىنامالارىندا لاستاۋشى زاتتاردىڭ شەكتى رۇقسات بەرىلگەن كورسەتكىشتەن اسىپ كەتۋ فاكتىسى تىركەلگەن جوق.
سونىمەن قاتار, كاسپي تەڭىزىنىڭ قالامقاس, قاراجانباس, ارمان, «ماڭعىستاۋمۇنايگاز» اق جاعالاۋىنداعى بوگەت اكۆاتورياسى, باتىس بوزاششى جانە قالامقاس كەن ورنىنىڭ ورتەنۋ اۋداندارىنان تەڭىز سۋىنىڭ سىنامالارى الىندى.
تەڭىز سۋىنىڭ سىنامالارىنا 29 كورسەتكىش, ونىڭ ىشىندە نەگىزگى يوندار, بيوگەندى, ورگانيكالىق زاتتار جانە اۋىر مەتالدار بويىنشا تالداۋ جۇرگىزىلدى.
تالداۋ ناتيجەلەرى تەڭىز سۋىنداعى لاستاۋشى زاتتاردىڭ شەكتى جول بەرىلگەن كورسەتكىشتەن اسىپ تۇسپەگەنىن كورسەتتى.