قازپوشتا مەن Mastercard ينتەرنەت-ساۋدا ءۇشىن بونۋستىق باعدارلاماسى بار تولەم كارتاسىن شىعاردى

E-commerce Mastercard تولەم كارتاسىن شىعارۋدىڭ باستى يدەياسى - قولما-قول اقشاسىز تولەمدەردى دامىتۋ. ءبىز جاڭا كارتا قولدانۋشىلارىمىز ءۇشىن جاڭا بەيىلدىلىك باعدارلاماسىن دا شىعاردىق. بۇل باعدارلاما اياسىندا كليەنتتەرىمىز post.kz پورتالى ارقىلى قارجى قىزمەتتەرىنىڭ اقىسىن تولەپ, قازپوشتانىڭ سەرىكتەس ينتەرنەت-دۇكەندەرىنەن العان تاۋارلاردىڭ قۇنىن كارتا ارقىلى تولەپ بونۋس الا الادى. ءبىر وپەراتسياعا بەرىلەتىن بونۋس مولشەرى - 50 تەڭگە. بونۋستار كليەنتتىڭ بولەك بونۋستىق شوتىنا جينالادى. بونۋستاردى post.kz جانە قازپوشتا بولىمشەلەرىندە تولەمدەر ءۇشىن  پايدالانۋعا بولادى.

سونداي-اق, كارتانىڭ ارتىقشىلىقتارىن اتاپ وتسەك, ەكىنشى دەڭگەيلى بانكتەر جەلىسىندە قولما-قول اقشاسىز ساتىپ الۋ سوماسىنان 1% كەشبەك قايتارىلادى, قازپوشتا تەرمينالدارى ارقىلى كارتادان اقشا الىپ, ونى تولتىرۋعا بولادى, تولەم كارتالارى تەگىن شىعارىلىپ, ۇيگە دەيىن جەتكىزىلەدى, كارتا ەلەكتروندىق پين-كودپەن (EPIN) شىعارىلادى.

Mastercard تولەم جۇيەسىمەن ىنتىماقتاستىق 3dSecure Code تەحنولوگياسىن اۆتوماتتىق تۇردە قوسىپ, ءبىر رەتتىك پارولمەن ينتەرنەت جەلىسىندەگى تولەمدەردىڭ قاۋىپسىزدىگىن قامتاماسىز ەتەدى. سونىمەن قاتار, كارتا ءبىر رەت باسىپ ساتىپ الۋعا مۇمكىندىك بەرەتىن بايلانىسسىز تولەم فۋنكتسياسىمەن قامتىلعان جانە Mastercard سەرىكتەستەرىنەن جەڭىلدىكتەر بەرەدى.

ء«بىزدىڭ قازپوشتامەن ءوزارا قارىم-قاتىناسىمىز بىرنەشە جىل بۇرىن باستالىپ, قارقىندى دامىپ كەلەدى. ءبىز سەرىكتەستىگىمىزدىڭ جاڭا كەزەڭىنە ريزامىز جانە E-commerce كارتاسىن شىعارۋ مۇمكىندىگىن جوعارى باعالايمىز. قازپوشتانىڭ يننوۆاتسياعا جانە ەڭ وزىق ونىمدەر مەن قىزمەت كورسەتۋ ستاندارتتارىن ەنگىزۋگە باعىتتالعان قازىرگى دامۋ ۆەكتورى MasterCard-تىڭ ەلەكتروندىق تولەمدەردى دامىتۋداعى باسىمدىقتارىنا سايكەس كەلەدى. كارتالاردى شىعارۋداعى ىنتىماقتاستىق قاۋىپسىز, قاراپايىم جانە ىڭعايلى تولەم قۇرالدارىن ۇسىنۋعا مۇمكىندىك بەرەدى», - دەپ اتاپ ءوتتى قازاقستانداعى, بەلارۋسسياداعى جانە ارمەنياداعى Mastercard كومپانياسىنىڭ جەتەكشىسى نينا ۆيللەمس.