بەيسەنبى, 13 جەلتوقسان 2012 7:05
ءتۇن ورتاسىندا نەمەسە تاڭ الدىندا شىرىلداعان تەلەفوننىڭ داۋىسى كىمدى بولماسىن, ءاسىرەسە, بالالارى جۇمىس بابىمەن شالعايدا جۇرگەن اتا-انالاردىڭ بويىنا بىردەن ۇرەي تۋعىزاتىنى ايداي اقيقات. ءويتكەنى, سوندايدا, بىردەن: «بالام امان با ەكەن؟» دەگەن وي كەلەدى. ال, بەيمەزگىل ۋاقىتتا سوعىلعان تەلەفون تۇتقاسىنداعى جىگىت: «ماما, ماما», دەپ جالىنىشتى ءۇنمەن جالبارىنا ءتىل قاتسا شە؟! ەسىنەن ايىرىلاتىنداي كۇي كەشكەن شەشە بولسا ۇلىنىڭ داۋىسىن انىقتاۋعا دا شاماسى كەلمەي, ابدىراپ قالاتىندىعى ءسوزسىز. ءدال سول ساتتە باۋىر ەتى – بالاسى ءۇشىن قاجەت بولسا جانىن بەرۋگە دە دايىنداردىڭ كوپتىگىنە كوز جەتكىزگەن الاياقتار سونداي جانداردىڭ بىرقاتارىن ءوز «تۇزاقتارىنا» ءتۇسىرىپ تە ۇلگەرەدى.
بەيسەنبى, 13 جەلتوقسان 2012 7:05
ءتۇن ورتاسىندا نەمەسە تاڭ الدىندا شىرىلداعان تەلەفوننىڭ داۋىسى كىمدى بولماسىن, ءاسىرەسە, بالالارى جۇمىس بابىمەن شالعايدا جۇرگەن اتا-انالاردىڭ بويىنا بىردەن ۇرەي تۋعىزاتىنى ايداي اقيقات. ءويتكەنى, سوندايدا, بىردەن: «بالام امان با ەكەن؟» دەگەن وي كەلەدى. ال, بەيمەزگىل ۋاقىتتا سوعىلعان تەلەفون تۇتقاسىنداعى جىگىت: «ماما, ماما», دەپ جالىنىشتى ءۇنمەن جالبارىنا ءتىل قاتسا شە؟! ەسىنەن ايىرىلاتىنداي كۇي كەشكەن شەشە بولسا ۇلىنىڭ داۋىسىن انىقتاۋعا دا شاماسى كەلمەي, ابدىراپ قالاتىندىعى ءسوزسىز. ءدال سول ساتتە باۋىر ەتى – بالاسى ءۇشىن قاجەت بولسا جانىن بەرۋگە دە دايىنداردىڭ كوپتىگىنە كوز جەتكىزگەن الاياقتار سونداي جانداردىڭ بىرقاتارىن ءوز «تۇزاقتارىنا» ءتۇسىرىپ تە ۇلگەرەدى.
الماتى قالالىق ءىىد كريمينالدى پوليتسيا باسقارماسى باستىعىنىڭ ورىنباسارى قانات سارىمساقوۆتىڭ ايتۋىنشا, الماتىلىقتاردىڭ كەيبىرىن اۋرە-سارساڭعا سالعان بۇل وقيعا قازان ايىندا بولعان.«جاقىن تۋىسىڭىز نەمەسە ۇلىڭىز قازىر قاماۋدا وتىر. ەگەر تەز ارادا ونى قۇتقارعىڭىز كەلسە, شۇعىل تۇردە مەن مەكەن-جايىن ايتقان جەرگە ەكى ءجۇز مىڭ تەڭگە اكەلىڭىز. مەن پوليتسيا كاپيتانىمىن, سىزگە كومەكتەسەمىن», دەگەن سوزگە بىردەن قۇلاي سەنەتىندەر قازىر از ەمەس. جانە دە شىرت ۇيقىدان شوشىپ ويانعان ادامنىڭ بىردەن دۇرىس, سالماقتى شەشىم قابىلداي الماۋى دا مۇمكىن. اتاپ ايتارلىعى, تەلەفون قوڭىراۋى ارقىلى الاياقتىق قىلمىستى ۇيىمداستىرۋشى – تەمىر توردىڭ ار جاعىندا وتىرعان جازاسىن وتەۋشى. ونىڭ 23 جانە 24 جاستاعى ەكى سىبايلاسى ارقىلى قىلمىستىق ارەكەتتى جۇزەگە اسىرعانى انىقتالدى», – دەيدى پوليتسيا پولكوۆنيگى قانات سارىمساقوۆ ءوز ويىن ورتاعا سالىپ.الاياقتىق قىلمىسپەن اينالىسقان توپ مۇشەلەرىنەن زارداپ شەككەندەر قاتارى تەك وڭتۇستىك استانا تۇرعىندارىمەن عانا شەكتەلمەيدى. رەسپۋبليكانىڭ وزگە ءوڭىرلەرىندە دە جۇزدەگەن ادامنىڭ وسىنداي قولايسىز جاعدايعا تاپ بولعانى انىقتالعان. سالا باسشىلارى «الماتىدا جارتى ايعا جەتەر-جەتپەس ۋاقىتتا وسىنداي سيپاتتاعى جەتى قىلمىس جاسالعاندىعىن جانە ونىڭ سوماسى ءار جاعدايدا وزگەرىپ, 200-دەن 300, 400 مىڭ تەڭگەگە دەيىن كوتەرىلگەندىگىن» تىلگە تيەك ەتەدى. تەمىر توردىڭ ار جاعىندا وتىرسا دا قىلمىسىن جالعاستىرعان توپ جەتەكشىسى الدىن الا الىنعان ناقتى اقپارات بويىنشا ارەكەت ەتكەن. ءتارتىپ ساقشىلارى ءاربىر ازاماتتىڭ الاياقتار قۇرىعىنا ءتۇسىپ قالماۋىن دا ەسكەرتەدى. جاسىراتىنى جوق, قىراعىلىق اۋاداي قاجەت جاعدايدا قانعا بىتكەن اڭعالدىق پەن اڭقاۋلىق اياسىندا قالىپ قويۋ ۇلكەن وكىنىشكە ۇرىندىرۋدا.باقىت بالعارينا,«ەگەمەن قازاقستان».الماتى.